Toe skole stop voedingsprogram
Planne word deurgevoer om broodnodige kos onder behoeftige leerlinge te versprei wat by die voedingsprogramme by skole gebaat het.
Henriette Lamprecht – Sowat 330 000 leerlinge is reeds vir meer as twee maande sonder hul daaglikse (en dikwels enigste) maaltyd nadat voedingsprogramme by skole wat tans vir leerlinge gesluit is, ook tot stilstand gekom het.
Die voedingsprogramme omsluit 1 400 skole in al 14 die streke en verteenwoordig 'n dekking van 80% van kinders in alle pre-primêre en primêre skole in die land.
Die Namibiese Skole Voedingsprogram (NSFP) is 'n reddingsboei vir vele van die land se leerlinge in staatskole in elke streek, sê mnr. Absalom Absalom van die ministerie van onderwys, kuns en kultuur.
“Dit is vir die kinders 'n reuseveiligheidsnet wat honger takel in veral huishoudings waar daar nie kos is nie,” sê Absalom.
Dit plaas ook klem op die gesondheid en voeding van leerlinge deur middel van 'n gevarieerde, voedsame dieet wat bydra tot hul vermoë om in die klas te kan konsentreer.
“Dit is geen geheim nie dat daar leerlinge is wie se eerste en laaste maaltyd vir die dag 'n bakkie mieliemeel is wat hulle by die skool deur middel van die voedingsprogram kry,” sê Absalom.
Met die opening van skole vir die eerste termyn van die huidige akademiese jaar het nege uit die 14 streke volgens Absalom reeds in Desember verlede jaar 'n mieliemeelmengsel vir hul leerlinge aangekoop. Dit was om te verseker leerlinge het reeds met die opening van die skole in Januarie iets om te eet. Die res van die streke was in die proses om die mieliemeelmengsel vir die eerste termyn aan te koop.
VOORRAAD WORD VERSPREI
Die skielike sluiting van skole weens die uitbreek van Covid-19 het egter onvermydelik tot die tydelike opheffing van die program gelei.
“Dit beteken die mieliemeelmengsel in voorraad kon nie heeltemal soos beplan verbruik word nie,” verduidelik Absalom.
In 'n poging om te verseker dit gaan weens vervaldatums en skole wat steeds gesluit is nie verlore nie, het die uitvoerende bestuur van die ministerie intussen besluit om die mieliemeelmengsels steeds onder leerlinge as voedselpakkies te versprei. Dié proses is volgens Absalom tans in alle streke aan die gang.
“Om te verseker weerlose leerlinge kry steeds die broodnodige maaltyd terwyl hulle tuis is, het skole met verspreidingsplanne vorendag gekom. In die verband moet skole hou by die vasgestelde regulasies, veral met betrekking tot sosiale afstand en die samekoms van mense.”
Volgens Absalom moet skole verseker higiëne word steeds by skole gehandhaaf, asook distansiëring wanneer voedselpakkies by skole versprei en afgehaal word. – [email protected]
Die voedingsprogramme omsluit 1 400 skole in al 14 die streke en verteenwoordig 'n dekking van 80% van kinders in alle pre-primêre en primêre skole in die land.
Die Namibiese Skole Voedingsprogram (NSFP) is 'n reddingsboei vir vele van die land se leerlinge in staatskole in elke streek, sê mnr. Absalom Absalom van die ministerie van onderwys, kuns en kultuur.
“Dit is vir die kinders 'n reuseveiligheidsnet wat honger takel in veral huishoudings waar daar nie kos is nie,” sê Absalom.
Dit plaas ook klem op die gesondheid en voeding van leerlinge deur middel van 'n gevarieerde, voedsame dieet wat bydra tot hul vermoë om in die klas te kan konsentreer.
“Dit is geen geheim nie dat daar leerlinge is wie se eerste en laaste maaltyd vir die dag 'n bakkie mieliemeel is wat hulle by die skool deur middel van die voedingsprogram kry,” sê Absalom.
Met die opening van skole vir die eerste termyn van die huidige akademiese jaar het nege uit die 14 streke volgens Absalom reeds in Desember verlede jaar 'n mieliemeelmengsel vir hul leerlinge aangekoop. Dit was om te verseker leerlinge het reeds met die opening van die skole in Januarie iets om te eet. Die res van die streke was in die proses om die mieliemeelmengsel vir die eerste termyn aan te koop.
VOORRAAD WORD VERSPREI
Die skielike sluiting van skole weens die uitbreek van Covid-19 het egter onvermydelik tot die tydelike opheffing van die program gelei.
“Dit beteken die mieliemeelmengsel in voorraad kon nie heeltemal soos beplan verbruik word nie,” verduidelik Absalom.
In 'n poging om te verseker dit gaan weens vervaldatums en skole wat steeds gesluit is nie verlore nie, het die uitvoerende bestuur van die ministerie intussen besluit om die mieliemeelmengsels steeds onder leerlinge as voedselpakkies te versprei. Dié proses is volgens Absalom tans in alle streke aan die gang.
“Om te verseker weerlose leerlinge kry steeds die broodnodige maaltyd terwyl hulle tuis is, het skole met verspreidingsplanne vorendag gekom. In die verband moet skole hou by die vasgestelde regulasies, veral met betrekking tot sosiale afstand en die samekoms van mense.”
Volgens Absalom moet skole verseker higiëne word steeds by skole gehandhaaf, asook distansiëring wanneer voedselpakkies by skole versprei en afgehaal word. – [email protected]
Kommentaar
Republikein
Geen kommentaar is op hierdie artikel gelaat nie