Tigers looi Rundu-span met drie

16 May 2019 | Sport
Tigers het Dinsdagaand in die Sam Nujoma-stadion in sy MTC Namibiese Premierliga-wedstryd (NPL) teen Julinho Sporting van Rundu op al sy silinders geloop om die leeus van die noorde met 3-0 te oorrompel.

Dié oorwinning was die eerste vir Ingwe onder die leiding van Ali Akan, nuwe afrigter onder wie se leiding hulle eers drie botsings teen Eleven Arrows, Orlando Pirates en Young Brazilians van Karasburg moes afsluk.

Tigers het sommer heelwat kanse gedurende die kragmeting verlore laat gaan met Mapenzi Muwanei, Anesu Gondo en Absalom Iimbondi wat as die groot sondaars uitgesonder word.

Volgens die verslaggewer van die nuusagentskap Nampa wat die wedstryd bygewoon het, kon die trio minstens vyf doele tussen hulle in die eerste helfte behaal het. Maar selfsugtigheid en swak besluitneming het die kanse tot niet laat gaan.

Reeds binne die eerste 15 minute het Muwanei en Iimbondi elkeen twee doelkanse verbrou.

Tigers se eerste doel kom in die 18de minuut van die geleerde stewel van Knowledge Mutyoraringa wat hy van ’n strafdoel van Rehabeam Mbango aanteken.

Julinho het egter nie gaan lê nie en gepoog om self die doelnet te tref, maar Tigers se verdediging bly ongeskonde om rustyd met ’n voorsprong van 1-0 van die veld te stap.

In die tweede helfte het Julinho sterker teruggekom om Ingwe goed te frustreer, maar die reisende span slaag steeds nie daarin om Tigers se verdedigingslinie te fnuik nie. In die 70ste minuut straf Ingwe die besoekers toe Gondo van naby die doelhok die bal van ’n dwarsskop van Imbondi intik om met 2-0 voor te loop.

Nadat Gondo twee verdedigers van Julinho klop en die bal vir Muwanei aangee, vergoed hy vir sy vroeër blapse toe hy met ’n kragtige skop die doelnet tref om die wedstryd met 3-0 te beklink.

Die oorwinning laat Tigers bo Young Brazilians in die tiende posisie op die NPL-punteleer met 29 punte inskuif terwyl Julinho op agtste met 34 bly.

• Die NPL-organiseerders het intussen ook bekend gemaak dat die wedstryd wat komende Vrydagaand tussen Life Fighters en Unam op Otjiwarongo gespeel sou word, vanweë omstandighede buite hul beheer uitgestel moes word om nou op Woensdagaand 22 Mei om seweuur af te skop. - Nampa

Soortgelyk

 

B-dag: Maak of breek

9 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

9 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

9 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

9 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

9 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

9 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

9 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

9 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

9 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...