Tientalle oorleef ongeluk buite Otjiwarongo

07 January 2019 | Ongelukke
'n Negejarige seun is laat Vrydagaand ernstig beseer in 'n ongeluk sowat 25 km suid van Otjiwarongo waarin 'n bus 'n stilstaande bakkie getref en dié voertuig tot voor 'n aankomende sedan gestamp het.

Nampa berig daar was 52 mense in die 65-sitplekbus en vyf insittendes in die sedan.

Insp. Lucia Kahuure van die polisie in die Otjozondjupastreek het aan Nampa gesê die ongeluk het om 20:37 op die pad tussen Otjiwarongo en Okahandja plaasgevind.

Volgens haar wil dit voorkom asof die bakkie stilgestaan het in die pad toe die bus dit getref het. Dit is vanweë die impak na die regterkant se baan gedruk, waar die aankomende sedan dit getref het.

Volgens haar was daar niemand in die bakkie toe die polisie by die ongelukstoneel aangekom het nie en wil dit voorkom asof die insittendes van die toneel gevlug het.

Die erg beseerde seun is dieselfde nag nog na die Katutura-staats­hospitaal in Windhoek vervoer.

Nampa berig sake van roekelose en nalatige bestuur is teen die bestuurders aanhangig gemaak.

Intussen berig West Coast Safety Initiative (WCSI) op sy Facebook-blad dat twee mense lig beseer is toe 'n bakkie Donderdag naby Windpomp 14 buite Swakopmund omgeslaan en op sy dak beland het.

Na bewering het die bestuurder beheer oor die bakkie verloor toe dit klippe aan die kant van die pad getref het.

'n 50-jarige vrou is Saterdagaand naby Okakarara dood toe die ­voertuig waarin sy gereis het, 'n vlakvark getref, van die pad geloop en verskeie kere gerol het, berig Nampa.

Sy is as me. Almaline Kauami van die plaas Okarundu geïdentifiseer.

Soortgelyk

 

Geingob: Gelukkig Vrouedag, vroue

1 dag gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

1 dag gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

2 dae gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...

Jeuggeweld ruk Outjo

2 dae gelede | Misdaad

Denver Kisting Drie jongelinge van Outjo is steeds agter tralies nadat hulle glo sowat 'n maand gelede twee ander jong mans binne 43 minute doodgesteek...

Minister gee Nida nuwe raad

2 dae gelede | Plaaslik

Ogone Tlhage – Die raad van die nuwe agentskap vir nywerheidsontwikkeling in Namibië (Nida) sal gereeld moet vergader om homself as semi-staatsinstelling te vestig. So...