Tienertoneel op WAP se planke

12 July 2019 | Kuns en vermaak
Die naweek vind Windhoek Afrikaanse Privaatskool (WAP) se jaarlikse Vivatum plaas, waartydens die skool se akteurs hul slag in twee toneelstukke op die verhoog gaan wys.

Om te speel, een van die produksies, gaan oor die drang van akteurs om ‘n rol in ‘n toneelstuk los te slaan en wat hulle alles sal doen om dit reg te kry – soms subtiel, soms blatant, sê Annika van der Linde, skrywer en regisseur.

“Dis ‘n komedie oor wat agter die skerms van ‘n produksie in wording gebeur, maar ook wat agter karakters se gedrag lê,” vertel Annika.

Om te speel is ‘n produksie deur WAP se junior akteurs en is ook in samewerking met die akteurs self geskryf.

“Dis komies, dramaties en lekker!” sê Annika.

Uit een mond gaan oor ’n regstreekse speletjieprogram op TV, verduidelik die skrywer en regisseur van die stuk, Lloyd Zandberg.

Die aanbieder is ene Zel, ‘n has been wat steeds hard probeer. Op die program kry verloofde paartjies die kans om ‘n eilandwittebrood te wen indien hulle al die uitdagings en speletjies waarmee Zel vorendag kom, suksesvol voltooi. Rocco en Chéraine is die deelnemers vir die doeleindes van die stuk.

“Die uitdagings in die show bepaal hoe goed die verloofdes mekaar ken en hoe goed hulle onder druk vaar,” vertel Lloyd.

Deel van die WAP-Vivatum is ‘n markie vol mooi goed wat van 12:00 af Saterdag oop is.

Iets te ete en te drinke sal ook hier beskikbaar wees.

Die twee toneelstukke is van 18:00 af op die planke.

Toegang tot beide die markie en die toneelstukke is N$30 per persoon en kaartjies is by die deure beskikbaar.

Soortgelyk

 

Outjo-aanval: Drie verskyn in hof

8 ure gelede | Misdaad

Drie verdagtes wat in verband met die Gemsbokoord skietvoorval in hegtenis geneem is, het vanoggend om 09:00 hul eerste verskyning in die hof op Outjo...

Regering steun hidroponiese voer

10 ure gelede | Landbou

Die kabinet het Dinsdag aangekondig Namibië sal die grootskaalse kweek van hidroponiese dierevoer aanpak. Mnr. George Simataa, kabinetsekretaris, het aangekondig 7 000 boere – 500...

ECN-besluit 'n ramp'

21 ure gelede | Politiek

Denver Kisting – Die hoofverkiesingsbeampte, mnr. Theo Mujoro, sê die Verkiesingskommissie van Namibië (ECN) word gepenaliseer omdat hy die wet toepas.Dít, sê Mujoro via WhatsApp...

'Namibiërs het vertroue in demokrasie verloor'

21 ure gelede | Politiek

Denver Kisting – Die bekende politiekewetenskapdosent prof. André du Pisani sê mense het vertroue verloor in demokrasie se legitimiteit om voldoende te presteer.Hy het dié...

Nog bietjie slaap, nog bietjie sluimer

21 ure gelede | In beeld

Die ministerie van die omgewing en toerisme het besoekers aan die Etosha Nasionale Park gister om verskoning gevra toe die Andersson-hek laat oopgemaak het. Toerbusse,...

RDP registreer kandidate te midde twis

21 ure gelede | Politiek

Catherine Sasman - Die Rally for Democracy and Progress (RDP) het Vrydag sy presidensiële en Nasionale Vergadering-kandidate vir November se verkiesings by die Verkiesingskommissie van...

Weer vir 17 Oktober

21 ure gelede | Weer

WEERWAAK: Winderige toestande duur oor die hele land voort. Swaar reën kan oor plekke in die //Kharasstreek voorkom. Inwoners word aangeraai om die nodige voorsorg...

Outjo-aanval: Twee vandag in hof

21 ure gelede | Howe

Elvira Hattingh - Twee verdagtes is in verband met Maandag se Outjo-aanval in hegtenis geneem en sal vandag hul eerste verskyning in die hof op...

Gay-huwelike: Niks verander vir Namibië

21 ure gelede | Gesondheid

Henriette Lamprecht – Die moderatuur van die NG Kerk in Namibië is “diep besorg” oor spanning en ongelukkigheid by lidmate en leraars oor ’n besluit...