Theresa May kom in SA aan

‘Betrekkinge tussen dié twee lande is sterk’

29 August 2018 | Afrika
Theresa May, premier van Brittanje, het gister omstreeks 07:00 in Suid-Afrika aangekom.

Die vliegtuig van die Britse Royal Airforce met May aan boord het in reënerige Kaapstad geland.

Sy het met 'n blou sambreel van die vliegtuig se trappe na 'n motor gestap.

May het gister ’n werkbesoek aan Suid-Afrika gebring en is geskeduleer om met pres. Cyril Ramaphosa by Tuynhuys te vergader.

Dit is die eerste keer sedert 2011 dat ’n dienende Britse premier Suid-Afrika besoek. Ramaphosa het May in April in Londen besoek.

Sy sal ook met die presidente van Kenia en Nigerië tydens haar besoek van drie dae vergader.

David Cameron was in 2013 die laaste premier wat Suid-Afrika besoek het, toe hy oudpres. Nelson Mandela se begrafnis bygewoon het.

‘UNIEKE GELEENTHEID’

Die BBC berig die besoek aan Afrika is deel van May se pogings om handelsbetrekkinge ná Brexit te versterk.

Sy het die reis as ’n “unieke geleentheid in ’n unieke stadium vir Brittanje” beskryf.

’n Afvaardiging van 29 mense sal May vergesel.

Luidens ’n verklaring deur die presidensie volg die ontmoeting op vergaderings wat Ramaphosa en May in April en Junie in Londen en Kanada gehad het.

Die leiers het potensiële vennootskappe tussen Brittanje en Suid-Afrika bespreek om beleggingsmoontlikhede te versterk.

“Betrekkinge tussen Suid-Afrika en Brittanje is sterk,” lui die verklaring.

May sal ook ’n klok van die SS Mendi, wat in 1917 gesink het, aan Ramaphosa oorhandig.

Meer as 600 Suid-Afrikaners is dood toe hulle aan boord was om Britse troepe tydens die Eerste Wêreldoorlog by te staan.

Die klok is in 2017 in die Engelse Kanaal gevind. – Netwerk24

Soortgelyk

 

Hepatitis E woed landswyd voort

2 dae gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

2 dae gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

2 dae gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

2 dae gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

2 dae gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

2 dae gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

2 dae gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

2 dae gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

2 dae gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...