Tencent het nou ’n GoT-speletjie vir jou foon

Toetsweergawe uitgereik

21 January 2019 | Tegnologie
Petrus Malherbe en Reuters – Die winter is dalk op pad, maar daarmee saam ook ’n splinternuwe slimfoonspeletjie gegrond op die gewilde televisie- en boekreeks Game of Thrones.

Die tegnologiereus Tencent het ’n eerste toetsweergawe van Game of Thrones: Winter is Coming, in China uitgereik, enkele weke nadat die Chinese regering toestemming gegee het dat die maatskappy nou weer nuwe speletjies mag bekend stel.

Winter is Coming is geskep deur Yoozoo, ’n Chinese vervaardiger van videospeletjies en word uitgereik en bemark deur Tencent, het die maatskappy Woensdag in ’n verklaring gesê.

Tencent het die eksklusiewe regte bekom tot ’n slimfoonspeletjie gegrond op die TV-reeks Game of Thrones, waarvan die laaste seisoen in April op televisie in Amerika begin wys.

Dit is nie ongewoon vir maatskappye om eers ’n toetsweergawe van ’n nuwe speletjie uit te reik voordat dit aan ’n wyer gehoor beskikbaar gestel word nie.

Dit is nog nie bekend wanneer Tencent die speletjie aan die hele mark beskikbaar gaan stel nie, maar daar word verwag dat dit met die première van die laaste seisoen van die TV-reeks sal saamval.

Reuters berig Tencent sal uiteindelik sy wins uit Winter is Coming met Yoozoo deel.

Die Chinese regering het in 2018 ’n moratorium geplaas op die uitreiking van nuwe videospeletjies, wat Tencent en ander maatskappye in dié bedryf baie seergemaak het.

Dit het daartoe gelei dat Tencent in 2018 vir die eerste keer in minstens tien jaar ’n daling in sy wins aangekondig het wat miljarde dollars in die maatskappy se markwaarde uitgewis het weens sy aandeelprys wat geval het.

Tencent se aandeelprys het Donderdag skerp gestyg met die opening van die mark voordat dit ná middagete weer teruggesak het tot byna dieselfde vlak as teen die sluiting van die mark Woensdag.

Naspers, wat ’n belang van 31,2% in Tencent besit, se aandeelprys het nie Donderdag noemenswaardig beweeg nie.

Tencent besit ook sedert 2014 die eksklusiewe regte tot Game of Thrones in China. Dié reeks is reeds meer as 960 miljoen keer op die maatskappy se videostromingsdiens gekyk.

Verskeie gebeure en karakters uit die reeks verskyn in die nuwe slimfoonspeletjie, sê Tencent.

Nes in die geval van die TV-reeks en die reeks boeke waarop dit gegrond is, sal spelers vir die reg tot die Iron Throne van Westeros moet baklei. – Netwerk24

Soortgelyk

 

Windhoek klop waterteikens

3 ure gelede | Plaaslik

font face="Verdana" >Elvira Hattingh - Inwoners van die hoofstad neem waterbesparings uiteindelik ernstig op en het die afgelope week weer 4% bespaar. Volgens me....

Kalahariwoestyn keer terug

3 ure gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

3 ure gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

3 ure gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

3 ure gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

3 ure gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

3 ure gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...

Elfjarige glo deur oom (48) verkrag

3 ure gelede | Misdaad

’n Meisie (11) is Vrydag omstreeks 14:00 glo deur haar 48-jarige oom in die Etaneno-nedersetting naby Onankali verkrag.Die verdagte is in hegtenis geneem en sou...

'Elke druppel tel'

3 ure gelede | Gesondheid

Henriette LamprechtAs alle babas onmiddellik ná geboorte direkte ­velkontak ontvang, vir ses maande uit­sluitlik geborsvoed word en tot op twee jaar bykomende voeding ontvang, sal...