Te veel laat registrasies

Geen toegang tot skole, toelae

19 May 2017 | Ministeries
font face="Verdana" >

Henriette Lamprecht - Tydens die 2016-'17 finansiële jaar is 42 154 babas onder die ouderdom van een jaar en 60% van alle pasgebore babas by die ministerie van binnelandse sake en immigrasie geregistreer.

Sowat 60 900 persone is laat geregistreer.

Volgens die minister van binnelandse sake en immigrasie is die hoë aantal laat registrasies van geboortes ’n reuse-uitdaging in die land se strewe om die Verenigde Nasies (VN) se Volhoubare Ontwikkelingsdoelwit te behaal om “’n wettige identiteit vir almal, ingesluit registrasie van geboortes, teen 2030" te behaal.

Volgens me. Pendukeni Iivula-Ithana het haar ministerie die afgelope paar jaar meer hulpbronne bestee aan landwye mobiele registrasies. Dit is daarop gemik om mense te registreer wat om verskeie redes nie kort ná hul geboorte geregistreer kon word nie.

In dié verband is die ministerie van gesondheid en maatskaplike dienste in 2008 genader om registrasiekantore in hospitale te oop te maak om toegang tot registrasie te verbeter.

Iivula-Ithana was aan die woord tydens die bekendstelling van ’n elektroniese registrasiestelsel vir geboortes by die Sentrale Hospitaal in Windhoek se kraamafdeling. Dié nuwe stelsel stel die Nasionale Bevolkingsregisterstelsel (NPRS) elektronies in kennis van ’n nuwe geboorte by die hospitaal. Die kennisgewing word onmiddellik ná die geboorte deur die verpleegster wat die bevalling hanteer het, gestuur.

Volgens die minister sal die elektroniese stelsel die ma se identiteit bevestig omdat dit met die NPRS verbind is, en dit sal ook die kwalititeit van data, sowel as die produksie van noodsaaklike statistiek, verbeter.

“Statistiek hou tred met die groot mylpale in mense se lewens - vanaf geboorte, die huwelik tot uiteindelik die dood. Dié inligting is noodsaaklik om beleidsrigtings en programme te beplan en te implementeer, veral op die gebiede van gesondheid, behuising, water en sanitasie, werkverskaffing, sowel as landbou- en industriële produksie,” het Iivula-Ithana gesê.

Sy het benadruk dat die regering staatmaak op geboorteprojeksies vir die berekening van statistieke vir geboortes, sowel as die registrasie van geboortes.

Iivula-Ithana het gesê kinders kan nie sonder ’n geboortesertifikaat by skole ingeskryf word of maatskaplike toelae ontvang nie.

“Die takel van ongelykhede of die beskerming van gemarginaliseerde groepe sal nie moontlik wees in die afwesigheid van akkurate bevolkingsdata nie. Ook kan daar nie voldoende aan goeie regering, menseregte en die gang van die gereg voldoen word nie.”

Sy het gesê wanneer kinders geen wettige bewys van hul ouderdom of identiteit het nie, is hulle meer kwesbaar vir vroeë huwelike en ander skadelike praktyke soos kinderarbeid, onwettige oorgrens-aannemings, opname in gewapende magte, sowel as kommersiële seksuele uitbuiting.

Volgens Iivula-Ithana bemoeilik ’n gebrek aan geboortesertifikate die proses vir die terugkeer van vlugtelinge, sowel as die opspoor van kinders wat van hul ouers geskei is.

Die elektroniese registrasie van geboortes sal in Junie by Windhoek se sentrale hospitaal en die Katutura-staatshospitaal afskop. In Julie sal ’n evaluering by die staatshospitale op Rundu en Eenhana gedoen word, waarna die stelsel, afhangende van die beskikbaarheid van fondse, by alle staatshospitale in die land geïmplementeer sal word.

Die minister het ’n beroep op die private sektor gedoen om dié elektroniese stelsels ook by alle private hospitale in werking te stel.

’n Nuwe registrasiekantoor vir geboortes word ook by die Rhinopark private hospitaal beplan om die druk by soortgelyke geriewe by plaaslike staatshospitale te verlig.

Iivula-Ithana het egter gesê dit bly die verantwoordelik van elke ouer om hul kind onmiddellik ná geboorte te registreer.

“’n Kind wat nie geregistreer is nie, bestaan volgens wet nie, kan nie sy regte uitoefen nie en het ook nie toegang tot belangrike opvoedkundige en maatskaplike dienste nie.”

Soortgelyk

 

Hage kuier by prins William

5 ure gelede | Regering

Denver Kisting - President Hage Geingob het vanoggend die hertog van Cambridge, prins William, in Engeland ontmoet. Lees môre die volledige berig in Republikein....

Vrou van Rehoboth sterf in ongeluk

7 ure gelede | Ongelukke

Die 47-jarige Regina Alberta Johannes het Dinsdag in ’n ongeluk op die Rehoboth-Kalkrandpad gesterf. Volgens die polisie se koördineerder van misdaadondersoeke in die Hardapstreek het...

Inbrekers steel derduisende by SKW

8 ure gelede | Misdaad

Denver Kisting – Kommissaris Silvanus Nghishidimbwa, die polisie se bevelvoerder in die Khomasstreek, het bevestig diewe het Maandag N$220 000 in kontant by SKW in...

Kitsvloed eis ma en kleuter

21 ure gelede |

Henriette Lamprecht – ’n Kitsvloed in ’n informele nedersetting in Windhoek het Maandag die lewe van ’n ma en haar kleuterseun geëis nadat dit die...

Geliefde dokter verdrink in see by Kleinmond

21 ure gelede | Mense

Henriette Lamprecht 'n Geliefde dokter wat vir jare as ortopediese chirurg in Windhoek werksaam was, is die naweek op 'n gewilde vakansiedorp in die...

Tsumeb-gemeenskap ruk op oor polisiebaas

21 ure gelede | Misdaad

Catherine SasmanInwoners van Tsumeb het 'n emosionele betoging voor die polisiekantoor op die dorp gehou om te eis dat hoofinsp. Bernhard Nghuulivali 'n regverdige verhoor...

Pendelaars ure lank in verkeer vasgekeer

21 ure gelede | Misdaad

Tanja Bause - Verkeer op die hoofpad tussen Rehoboth en Windhoek is gisteroggend erg ontwrig toe ’n vragmotor en ’n bakkie in ’n kop-teen-kop-botsing betrokke...

Vermeende olifantstroper doodgeskiet

21 ure gelede | Misdaad

Francoise Steynberg - 'n Vermeende olifantstroper is Saterdag in die Bwabwata Nasionale Park doodgeskiet en sy makkers het in hul vlugtog glo olifanttande, gewere en...

Namibië bekommerd oor Sirië

21 ure gelede | Ministeries

Die adjunk- eerste minister en minister van internasionale betrekkinge en samewerking, me. Netumbo Nandi-Ndaitwah, het namens die regering diepe kommer oor die jongste verwikkelinge in...