Te min klaskamers aan die kus

Sowat 1 850 leerlinge op waglys

12 January 2018 | Onderwys
Otis Finck in Walvisbaai

>

Ongeveer 1 850 graad 1-leerlinge moet nog in skole aan die kus geplaas word. Só sê die direkteur van onderwys in die Erongostreek, mnr. John //Awaseb.

Volgens hom is 1 230 graad 1-leerlinge op die waglys in Walvisbaai en 620 leerlinge wag vir plek op Swakopmund se skoolbanke.

“Ek kan met sekerheid sê ons het meer as genoeg graad 0- en 1-leerlinge aan die kus.

“Daar is beslis meer as 1 000 leerlinge wat vanjaar met hul laerskoolloopbaan begin het.

“Ons sal eers teen Donderdag kan sê presies hoeveel leerlinge by die skole ingeskryf het, wanneer die skole die inligting aan ons verskaf het,” het hy gesê.

//Awaseb het die Immanuel Ruiters-skool Woensdag besoek waar ‘n blok met agt nuwe klaskamers gebou is.

Hy sê minstens twee erwe word nog op Walvisbaai vir die oprigting van skole benodig.

Hy het daarop gewys die ministerie het reeds twee erwe op Swakopmund vir die oprigting van skole bekom.

Volgens //Awaseb staar die laer primêre grade (graad 0 tot 3) die grootste uitdagings in die gesig.

Boonop is daar ‘n dringende behoefte aan gekwalifiseerde onderwysers.

“Ons is genoodsaak om van afgetrede onderwysers en onderwysstudente gebruik te maak.”

Laerskool Narraville se hoof, mnr. Paul Fisher, het bevestig sy skool het 50 graad 0- en 220 graad 1-leerlinge vir 2018 ingeskryf.

Dit is een van die grootste laerskole in die Erongostreek.

“Ons eerste skooldag het vlot verloop. Ons het ongeveer 1 600 leerlinge en 52 onderwysers en net genoeg klaskamerruimte vir al ons leerlinge.

“Ons graad 0-leerlinge is ongelukkig nog tuis omdat ons nog nie plek het om hulle te akkommodeer nie. Ons stel egter ondersoek na die aangeleentheid in.”

Die ministerie wil ‘n bykomende twee klaskamers bou, maar kon nie voortgaan nie, omdat daar ‘n gebrek aan spasie is.

Soortgelyk

 

Kobra saai paniek by konstruksieterrein

6 ure gelede | Omgewing

‘n Agressiewe en beseerde Anchieta-kobra, ook bekend as die Angolese kobra, het vroeër vandag vir paniek gesorg by ‘n konstruksieterrein op Otjiwarongo waar werkers besig...

Kraam buite kliniek - verpleegsters geskors

22 ure gelede | Ministeries

Henriette Lamprecht – Twee verpleegsters wat ‘n hoogswanger vrou by die Okuryangava-kliniek glo weggewys het, is in opdrag van die minister van gesondheid en maatskaplike...

Lewenslank vir Suide-verkragters

22 ure gelede | Howe

Elvira Hattingh en Ronelle Rademeyer - Twee mans wat vroue op Mariental en Tses verkrag en vermoor het, is gister in twee afsonderlike sake vonnisse...

Schlettwein sê oor TIPEEG, FOCAC

22 ure gelede | Regering

Denver Kisting – In die eerste plek is Namibië se ekonomie besig om aan te pas by ’n nuwe pad van groei nadat dit een...

Weer vir 19 September

22 ure gelede | Weer

BINNELAND: Gedeeltelik bewolk en warm in die Suide met enkele buie in die verre Suide. Elders sal baie tot bloedig warm in die Noorde wees.KUS:...

TransNamib op soek na nuwe direksie

22 ure gelede | Vervoer

Catherine Sasman Die ministerie van werke en vervoer het in 'n openbare kennisgewing aangekondig dat nuwe direksielede vir TransNamib gesoek word. Die huidige direksie se...

Esau: Visvangkwotas kan nie verkoop word

22 ure gelede | Ministeries

Leandrea Louw Die minister van visserye en mariene hulpbronne, mnr. Bernard Esau, het gewaarsku visvangkwotas kan nie verkoop word “om vinnig geld te maak nie”....

Help soek na vermistes

22 ure gelede | Misdaad

Tanja BauseDie Namibiese polisie vra die publiek se hulp in die opsporing van twee vermiste mense. Die 14-jarige Niita Fillemon word sedert 19:00 verlede Woensdag...

Grond: Wit boere wíl praat

22 ure gelede | Ministeries

Elvira HattinghDie president van die Namibië Landbou-unie (NLU), mnr. Ryno van der Merwe, sê dit is onwaar dat wit kommersiële boere nie in gesprek tree...