Taxivakbond gaan hof toe

Ou wet en streng wetstoepassing teengestaan

12 September 2018 | Vervoer
Yochanaan Coetzee – Die Namibië Vervoer- en Taxivakbond (NTTU) het gister tydens ’n nuuskonferensie hul planne om die regering voor die hof te daag, asook hul amptelike nuwe lys van vervoertariewe bekend gestel.

Mnr. Werner Januarie, die vakbond se sekretaris-generaal, het ná gister se nuuskonferensie lig op dié verwikkelinge gewerp.

“Ons hoofdoel is om die geldigheid van die Padvervoerwet nr. 74 van 1977 teen te staan, omdat ons voel dit is nie tans toepaslik nie,” het Januarie gesê.

“Onder meer erken hierdie wet nie private ondernemers nie,” het hy gesê.

Die vakbond sal ook van die geleentheid gebruik maak om een van hul lede met opgehoopte verkeersboetes se saak teen te staan, en om die weg te baan vir beter werksomstandighede en meer buigsame wetstoepassing vir ondernemers in die openbare vervoerbedryf.

Tarieflys ‘voorkom misverstande’

Die koste van die beplande hofaansoek sal gedek word deur die opbrengs van die nuwe, amptelike NTTU-tarieflys.

Taxidrywers wat die pryslys teen N$75 aankoop, sal terselfdertyd as amptelike lede van die vakbond geregistreer word, en sal dus voorkeur kry wanneer hulle die vakbond se ondersteuning nodig het.

“Ons doen ’n beroep op alle taxidrywers om ons in hierdie poging te ondersteun omdat dit oor hul behoeftes gaan, asook oor die verbetering van vergoeding en werksomstandighede in die bedryf,” het Januarie gesê.

“Diegene wat nié ’n tarieflys aanskaf en registreer nie, sal afsonderlik hanteer word, voor die vakbond bystand aan hulle sal verleen,” het hy gesê.

Januarie het gesê die vrystelling van ’n amptelike tarieflys sal vervoerkoste duideliker aan die publiek oordra, misverstande tussen passasiers en drywers voorkom en bykomende koste uiteensit.

Die NTTU sal eerskomende Sondag by Eveline Court in die Greenwell Matongo-area van Katutura vergader om dié kwessies met belanghebbendes te bespreek.

Soortgelyk

 

Hepatitis E woed landswyd voort

19 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

19 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

19 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

19 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

19 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

19 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

19 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

19 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

19 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...