Taxidrywer vas oor N$21 000 se boetes

Veldtog teen spoedoortredings

12 July 2018 | Polisie
Denver Kisting



'n Taxibestuurder is agter tralies nadat die stadspolisie hom eergisteraand weens uitstaande verkeersboetes ten bedrae van N$21 000 aangekeer het.

Volgens 'n woordvoerder van die Windhoekse stadspolisie, konst. Edmund Khoaseb, hou dié bedrag verband met 19 lasbriewe vir die man se inhegtenisneming.

Khoaseb sê hulle is opnuut besig met 'n operasie om uitstaande boetes in te vorder en lasbriewe te beteken.

Dié veldtog is veral op spoedverwante verkeersoortredings gemik, het hy gesê.

Hy beklemtoon die stadspolisie het die verantwoordelikheid om as wetstoepasser die besluite­ van die howe in dié verband in werking te stel.

Die afgelope naweek is 27 lasbriewe op 15 mense beteken wat almal toe in hegtenis geneem is, het hy gister gesê. Dit beteken daar is motoriste op wie meer as een lasbrief wag, het hy gesê.

Khoaseb het gesê die stadspolisie gaan dag én nag werk om motoriste aan die pen te laat ry.

Gisteroggend alleen is meer as 11 mense in die hoofstad aangekeer, terwyl ses die vorige aand agter tralies beland het, het Khoaseb gesê.

Op 'n vraag oor die impak van uitstaande boetes op die afhaal van motorlisensies, het die woordvoerder gesê daardie stelsels is nog nie verbind nie.

“Maar ons beplan om dit te doen.”

Khoaseb het alle motoriste wat moontlik vergeet het of onbewus is van uitstaande verkeersboetes en gepaardgaande lasbriewe vir inhegtenisneming aangeraai om met hulle in verbinding te tree en hulself daarvan te vergewis.

Hulle behartig geen afbetalingsreëlings nie en motoriste moet self seker maak dat hulle die boetes gaan betaal. “As ons jou vang, word jy toegesluit.”

Indien mense dít nie doen nie is die tjoekie hul voorland, het hy gewaarsku.

Soortgelyk

 

Kraam buite kliniek - verpleegsters geskors

13 ure gelede | Ministeries

Henriette Lamprecht – Twee verpleegsters wat ‘n hoogswanger vrou by die Okuryangava-kliniek glo weggewys het, is in opdrag van die minister van gesondheid en maatskaplike...

Lewenslank vir Suide-verkragters

13 ure gelede | Howe

Elvira Hattingh en Ronelle Rademeyer - Twee mans wat vroue op Mariental en Tses verkrag en vermoor het, is gister in twee afsonderlike sake vonnisse...

Schlettwein sê oor TIPEEG, FOCAC

13 ure gelede | Regering

Denver Kisting – In die eerste plek is Namibië se ekonomie besig om aan te pas by ’n nuwe pad van groei nadat dit een...

Weer vir 19 September

13 ure gelede | Weer

BINNELAND: Gedeeltelik bewolk en warm in die Suide met enkele buie in die verre Suide. Elders sal baie tot bloedig warm in die Noorde wees.KUS:...

TransNamib op soek na nuwe direksie

13 ure gelede | Vervoer

Catherine Sasman Die ministerie van werke en vervoer het in 'n openbare kennisgewing aangekondig dat nuwe direksielede vir TransNamib gesoek word. Die huidige direksie se...

Esau: Visvangkwotas kan nie verkoop word

13 ure gelede | Ministeries

Leandrea Louw Die minister van visserye en mariene hulpbronne, mnr. Bernard Esau, het gewaarsku visvangkwotas kan nie verkoop word “om vinnig geld te maak nie”....

Help soek na vermistes

13 ure gelede | Misdaad

Tanja BauseDie Namibiese polisie vra die publiek se hulp in die opsporing van twee vermiste mense. Die 14-jarige Niita Fillemon word sedert 19:00 verlede Woensdag...

Grond: Wit boere wíl praat

13 ure gelede | Ministeries

Elvira HattinghDie president van die Namibië Landbou-unie (NLU), mnr. Ryno van der Merwe, sê dit is onwaar dat wit kommersiële boere nie in gesprek tree...

Vrou haal die byt uit veghond

13 ure gelede | Omgewing

Die naam Amerikaanse veghond (pit bull terrier) het al ‘n vloekwoord geword en boesem vrees by die meeste mense in. Geen ander honderas het in...