Taxi-amok ná verwarring

Klagskrif oorhandig

22 February 2018 | Ministeries
Maria Eiseb

Ontevrede taxibestuurders het die Namibië Bus- en Taxivereniging (Nabta) en die Namibiese Vervoer- en Taxivakbond (NTTU) daarvan beskuldig dat hulle Dinsdag onenigheid en verwarring in die hoofstad veroorsaak het.

Die oog van dié storm is ’n beplande optog wat op die dag sou plaasvind.

Volgens die ontevrede taxibestuurders sou hulle gister aan ’n optog deelgeneem het van die oop area oorkant die Windhoek-stadspolisie se hoofkantoor af na die ministerie van werke en vervoer om ’n klagskrif aan die ministerie se permanente sekretaris te oorhandig.

Die beplande optog het egter nie plaasgevind nie en dít het ’n hewige woordewisseling onder die taxibestuurders ontketen.

Weens verwarring oor wanneer die optog sou plaasvind, het sommige bestuurders vir die optog opgedaag en ander nie.

Diegene wat wel opgedaag het, was woedend omdat die twee taxi-unies se oggend- en aandpraatjies glo van mekaar verskil het.

Die twee leiers van die onderskeie vakbonde het mekaar tydens die harwar vir die chaos geblameer.

Volgens mnr. Pendapala Nakathingo, Nabta se algemene sekretaris, het hy en die president van die NTTU, mnr. Werner Januarie, ooreengekom om die optog uit te stel.

Hierdie boodskap is gevolglik op nasionale televisie deur Nakathingo aan die publiek oorgedra.

“Ek weet nie hoekom Januarie nie ook aan die mense gesê het die optog is uitgestel nie, nou dink die mense ek wil dit afstel,” het Nakathingo gesê.

“Die aankondiging wat ek op NBC gemaak het, was nie iets wat ek uit my duim gesuig het nie. Dít was waarop wat ons as vakbonde ooreengekom het,” het Nakathingo gesê.

Januarie ontken dit egter.

Volgens hom was daar nie ooreenstemming oor die uitstel van die optog nie, en ook nie oor die aankodiging daarvan in die media nie.

Een van die taxibestuurders, mnr. Matthew Kavangu, het gesê ’n volle dag is gemors en dit is die vakbonde se taak om toe te sien dat die klagskrif aan die toepaslike owerhede oorhandig word.

“Ons is nie gepla oor hul onenigheid nie, ons is op soek na oplossings vir ons probleme," het hy gesê.

Die taxibestuurders het later, ná hewige woordewisseling onder mekaar en met die vakbondleiers, uiteindelik die klagskrif aan die waarnemende permanente sekretaris, mnr. Cedric Limbo, oorhandig.

Limbo het tydens die oorhandiging gesê die ministerie sal die klagtes oorweeg en met die betrokke partye bespreek.

Die taxibestuurders kla onder meer oor onregverdige boetes, die afbetaling van boetes, die 20%-verhoging in taxifooie, die kwessie van padinfrastruktuur en die opskorting van lisensies.

Soortgelyk

 

‘Burger in rou’ bepleit genesing

9 ure gelede | Kuns en vermaak

Ronelle Rademeyer - ‘n Optog vind vanaand (Dinsdag) vanaf die Goethe Instituut se kultuursentrum na die Alte Feste-museum plaas waar ‘n gedramatiseerde visuele uitbeelding van...

Windhoek se waterverbruik bly té hoog

10 ure gelede | Omgewing

Windhoekers het die afgelope week 7% méér water gebruik as wat toelaatbaar tydens droogtetye is en kon weereens nie die vereiste teiken van 10% besparings...

Brexit: Uitstel bied uitvoerders blaaskans

20 ure gelede | Ministeries

Ronelle Rademeyer - Die moontlike negatiewe impak wat ‘n haakplek in die onderhandelinge vir ‘n nuwe handelsooreenkoms met Brittanje op uitvoerders kon hê, is deur...

Erindi: Chinese het nié aanbod gemaak

20 ure gelede | Ministeries

Elvira Hattingh - Die eienaars van die Erindi Private Wildreservaat het nie ‘n koopaanbod van enige Chinese burgers ontvang nie. Mnr. Sisa Namandje, Erindi se...

Geen laatregistrasie vir nasionale eksamens

20 ure gelede | Ministeries

Henriette Lamprecht - Geen laatregistrasie sal ná spertye gedoen word vir deeltydse studente vir die Junior Sekondêre Sertifikaat (graad 10) of voltydse sowel as deeltydse...

Leeujagters geskiet

20 ure gelede | Omgewing

Ileni Nandjato – Die Namibiese polisie in die Oshanastreek het ‘n saak van poging tot moord geopen ná me. Amalia Sheya (51), ‘n werknemer van...

Weer vir 26 Maart

20 ure gelede | Weer

BINNELAND: Gedeeltelik bewolk en baie tot bloedig warm in die Suide en die Zambezistreek, andersins gedeeltelik bewolk en baie tot bloedig warm met geïsoleerde donderbuie...

Kriminalisering van aborsie 'werk nie'

20 ure gelede | Regering

Henriette LamprechtDie hoë siekte- en sterftesyfer verwant aan onveilige, onwettige aborsies bewys die kriminalisering van aborsie keer onwettige aborsies nie werklik nie.“Hoewel dit wyd erken...

N$210 miljoen vir registrasiepersoneel

20 ure gelede | Regering

Denver KistingMnr. Theo Mujoro, die Verkiesingskommissie van Namibië (ECN) se uitvoerende hoof, sê die N$67 miljoen wat aan hulle toegeken is, is nie voldoende om...