Té min kundigheid kortwiek ekonomie

Namibië kry pak op WEF-indeks

10 October 2019 | Regering
Jo-Maré Duddy – Uit 141 ekonomieë wat deur die Wêreld- Ekonomiese Forum onder die loep geneem is, word Namibië as een van 43 lande met die swakste vaardighede beskou.

Die Wêreld- Ekonomiese Forum (WEF) se jongste mededingingheidsindeks, wat Dinsdag om middernag vrygestel is, gee Namibië 49% vir die kundigheid van sy arbeidsmag.

Werkers in die bestaande arbeidsmag was gemiddeld 8,5 jaar op skool. Namibië vorm deel van die 55 lande wat die swakste in dié kategorie van die WEF gevaar het.

Die private sektor is gevra hoe maklik dit is om kundige werknemers te kry. Die WEF se puntetoekenning aan Namibië hiervoor is 48%. Dit plaas die land 101ste uit 141.

Besighede is gevra of gegradueerdes en mense wat hoërskool voltooi het, oor geskikte kundigheid beskik. Hul antwoorde het aan Namibië ‘n punt van 47% besorg en die land 86ste in die wêreld geplaas.

Ook die gehalte van die land se beroepsopleiding het deurgeloop. Met ‘n punt van 49,5% lê Namibië 81ste op die WEF-ranglys vir dié vraag.

Die aktiewe bevolking se digitale vaardighede het bykans 44% gekry. Dit plaas Namibië 108ste op die leer.

Die WEF stel nie ‘n noemenswaardige verbetering in die vooruitsig nie. Aan Namibië se toekomstige arbeidsmag is ‘n punt van 56% toegeken. Dit beteken Namibië lê 103de in die wêreld, dieselfde as verlede jaar.

Ondanks dié uitdagings met die arbeidsmag, bevestig die WEF-indeks opnuut hoe moeilik dit is om buitelanders aan te stel. Hiervoor is Namibië se punt 38,5% en lê die land 128ste.

Sake-onvriendelik

Namibië se sakedinamika beklee die 116de plek met ‘n punt van 51%.

Deel van dié sub-indeks is administratiewe vereistes rakende sake doen in die land. Hier lê Namibië 126ste, veral weens die tyd wat dit neem om ‘n besigheid in die land op die been te bring. Hier moes Namibië met 135ste plek tevrede wees – een van die ses lande wat die vrotste gedoen het.

Die land se punt vir die finansiering van ondernemings van klein- en mediumgrootte (SME’s) is 42%. Dit plaas Namibië 102de.

Skuld

Die regering se skuldlas het Namibië sewe plekke op die ranglys laat val. In die 109de posisie is Namibië nou een van 32 lande met die ergste skuld-tot-BBP verhouding.

Verlede jaar kon die land met 27ste plek rakende begrotingsdeursigtigheid spog. In die jongste indeks het na die 45ste posisie geval.

Namibië het ook getuimel wat die regulering van belangekonflik betref. Nou lê dit 85ste, 20 plekke laer as in 2018.

Die vertoning van Namibië se staatsdiensektor het 48%, wat die land 85ste plaas.

Die land het effe verbeter met die gehalte van grondadministrasie, maar lê steeds 108ste teenoor 110de verlede jaar. Eiendomsregte het van 31 na 38 teruggesak.

Algehele vertoning

Die WEF se 2019-indeks is op 12 pilare geskoei wat wissel van infrastruktuur en makro-ekonomiese stabiliteit tot sakedinamika en die finansiële stelsel. Namibië se algehele punt 54,5% vergeleke met 52,7% in 2018.

Dit beteken Namibië word as die 94ste mees mededingende ekonomie uit 141 beskou. Verlede jaar was die land 100ste uit 140.

Singapoer, met ‘n algehele punt van 84,8%, beklee die topposisie op die WEF-indeks. Tsjad, met 35%, is heel onder.

[email protected]

Soortgelyk

 

Weduwee en haar eks lank tronk toe vir moord...

9 ure gelede | Howe

Denver Kisting – Rachel Rittman (48) en haar 35-jarige eks, Ryno du Preez, is vanoggend onderskeidelik lewenslange tronkstraf en 30 jaar opgelê vir die moord...

Spuite, pille nie by klinieke

20 ure gelede | Ministeries

Henriette Lamprecht – Tekorte aan voorbehoedmiddels wat voorbehoedpille en –inspuitings insluit, word tans by openbare gesondheidsgeriewe in die land ondervind.Die direkteur van die ministerie van...

Sakkepakke op Lüderitz

20 ure gelede | In beeld

Tanja Bause - Die eerste trein in meer as 20 jaar het Lüderitz in Augustus vanjaar binnegery. Die trein, wat uit twee lokomotiewe en 20...

Gróót oë op Jan Taks

20 ure gelede | Ministeries

Jo-Maré DuddyVerbruikers wat voortaan BTW van 15% op suiker sal moet betaal, is een van die rits belastingaankondigings wat in vanmiddag se halfjaar-begrotingshersiening verwag word.Kenners...

Drie dae, sewe kinders glo verkrag

20 ure gelede | Misdaad

Sewe minderjarige meisies, waarvan die jongste vier en die oudste 15 jaar oud is, het na bewering binne ’n kwessie van drie dae die jongste...

Pushing the boundaries

20 ure gelede | Skole

Ester Kamati “I enjoy coming up with ideas, often random, often impractical, but occasionally valuable,” says young businesswoman of the year Hilja Eelu. Eelu is...

Children need to move

20 ure gelede | Onderwys

Children spend the majority of their day sedentary, behind desks or in front of a screen.The power of movement has been stolen from these children....

Weer vir 22 Oktober

20 ure gelede | Weer

BINNELAND: Gedeeltelik bewolk en bloedig warm in die Noordooste, andersins sonnig en baie tot bloedig warm. Winderige toestande sal oor die binneland voortduur. KUS: Gedeeltelik...

Elke refleks ’n spesifieke doel

20 ure gelede | Onderwys

Henriette Lamprecht - Primitiewe refleksbewegings wat baba vanaf bevrugting en dwarsdeur hul eerste lewensjaar uitvoer, bedraad die brein en versterk die liggaam.Vir elke refleks is...