Swemmer nou Zim se minister van sport

Uitdagings ná wanadministrasie

10 September 2018 | Afrika
Sy hou die rekord vir die meeste Olimpiese medaljes van enige deelnemer uit Afrika. En nou sluit Zimbabwe se Kirsty Coventry haar aan by slegs ’n handvol Olimpiese medaljewenners wat ook die minister van sport in hul tuisland word.

Die 34-jarige Coventry is Vrydag as Zimbabwe se nuwe minister van jeug, sport, kuns en ontspanning aangewys.

Coventry, wat nog in 2016 aan die Olimpiese Spele in Rio de Janeiro deelgeneem het, is tans ook ’n lid van die Internasionale Olimpiese Komitee (IOK) se uitvoerende raad en is adjunkpresident van Zimbabwe se Olimpiese Komitee. Sy is ook voorsitter van die IOK se atletekommissie.

Pres. Emmerson Mnangagwa, wat in Julie die Zimbabwiese presidentsverkiesing gewen het, het Vrydag verras met Coventry se aanstelling.

Coventry het ’n goue medalje gewen in die 200 m-rugslag by die Olimpiese Spele in 2004 en 2008 en spog ook met vier silwer- en een bronsmedaljes. Haar sewe medaljes is die meeste deur enige Olimpiese deelnemer van Afrika. Coventry het ná 2016 se Olimpiese Spele uitgetree.

Haar nuwe pos bied verskeie uitdagings, met twee van Zimbabwe se gewildste sportsoorte, krieket en sokker, wie se beheerliggame albei finansieel in die knyp is ná jare se bedrog en wanadministrasie.

Coventry is reeds bekend vir haar liefdadigheidswerk en verskaf deur haar Kirsty Coventry Academy bekostigbare swemlesse aan minderbevoorregtes oral in Afrika. Toe Coventry in 2008 sowat US$100 000 by oudpres. Robert Mugabe gekry het nadat sy vier medaljes op die Beijing-spele gewen het, het sy die meeste van dié geld vir liefdadigheid geskenk. - Netwerk24

Soortgelyk

 

Hepatitis E woed landswyd voort

11 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

11 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

11 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

11 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

11 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

11 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

11 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

11 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

11 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...