Swartz weier om 'boendoehof' by te woon
Mnr. Willie Swartz sê die regsopinie oor sy aanstelling is verkeerd en dring aan op 'n verskoning van die minister.
Augetto Graig
Die omstrede mnr. Willie Swartz van die Rehoboth-munisipaliteit is per prokureursbrief ingelig van twee moontlike datums waarop die uitspraak in sy verhoor gelewer kan word.
Prokureur Silas Kishi-Shakumu se brief volg op druk deur die ministerie van stedelike en landelike ontwikkeling om die saak teen Swartz spoedig af te handel. Swartz, bestuurder van menslike hulpbronne en van tyd tot tyd uitvoerende hoof van Rehoboth, is vanaf laas jaar betrokke by 'n uitgerekte dissiplinêre proses weens 20 klagte teen hom. Dit behels onder meer dat hy munisipale geld in sy eie rekening inbetaal het.
Kishi-Shakumu het die datums Vrydag 27 Oktober of Maandag 30 Oktober voorgestel. Swartz weier egter om enige verhoor by te woon tensy hy 'n verskoning van minister Sophia Shaningwa ontvang. Die minister het vroeër gesê hy werk onwettig vir die dorpsraad en het die opdrag gegee dat hy daar moet weg.
“Ek sal nie voor jou en die minister se boendoehof verskyn nie tensy die minister haar stellings in die openbaar terugtrek,” het Swartz aan Shahumu teruggeskryf.
Hy dring aan dat die verskoning ook deur die NBC uitgesaai word. “Ek sal wag vir jou om die minister te betrek, en as ek haar openbare verskoning rakende my status as werknemer sien, kan ons voortgaan met jou boendoehof waarvoor ek nie bang is nie, omdat die waarheid sal oorwin, óf by die verhoor óf wanneer ek jou minister en die raad saam met mnr. Christoph /Uirab dagvaar,” skryf Swartz.
In 'n opvolgboodskap skryf Swartz: “Ek was so woedend toe ek my eerste boodskap aan jou geskryf het dat ek vergeet het om jou aan te spreek oor kwessies rakende wet en prosedures.”
Daarna betwis hy ook die geldigheid van die regsopinie waarop die minister haar besluit gemaak het, en eis dat dit ook teruggetrek word. Swartz sê hy het ook reeds die uitslag van die saak en dring aan dat dit herroep word.
Rehoboth sukkel al lank met wanbestuur en chaos onder die leierskap van die dorpsraad en munisipaliteit. Toegang tot krag en water bly wisselvallig op die dorp wat worstel met betaling aan grootmaatverskaffers. NamWater het in Julie Rehoboth se water amptelik afgesny en vereis van die dorp om nou vooruit te betaal.
Die rioolstelsel se onderhoud word slegs met Windhoek se hulp aan die gang gehou, terwyl inwoners toenemend ontevrede raak. Net laas maand het talle gegriefde inwoners opnuut 'n optog deur Rehoboth se strate gehou. Voor die geslote hekke van die munisipaliteit en dorpsraad is vier gebedsessies vir 'n uitweg gehou.
Die omstrede mnr. Willie Swartz van die Rehoboth-munisipaliteit is per prokureursbrief ingelig van twee moontlike datums waarop die uitspraak in sy verhoor gelewer kan word.
Prokureur Silas Kishi-Shakumu se brief volg op druk deur die ministerie van stedelike en landelike ontwikkeling om die saak teen Swartz spoedig af te handel. Swartz, bestuurder van menslike hulpbronne en van tyd tot tyd uitvoerende hoof van Rehoboth, is vanaf laas jaar betrokke by 'n uitgerekte dissiplinêre proses weens 20 klagte teen hom. Dit behels onder meer dat hy munisipale geld in sy eie rekening inbetaal het.
Kishi-Shakumu het die datums Vrydag 27 Oktober of Maandag 30 Oktober voorgestel. Swartz weier egter om enige verhoor by te woon tensy hy 'n verskoning van minister Sophia Shaningwa ontvang. Die minister het vroeër gesê hy werk onwettig vir die dorpsraad en het die opdrag gegee dat hy daar moet weg.
“Ek sal nie voor jou en die minister se boendoehof verskyn nie tensy die minister haar stellings in die openbaar terugtrek,” het Swartz aan Shahumu teruggeskryf.
Hy dring aan dat die verskoning ook deur die NBC uitgesaai word. “Ek sal wag vir jou om die minister te betrek, en as ek haar openbare verskoning rakende my status as werknemer sien, kan ons voortgaan met jou boendoehof waarvoor ek nie bang is nie, omdat die waarheid sal oorwin, óf by die verhoor óf wanneer ek jou minister en die raad saam met mnr. Christoph /Uirab dagvaar,” skryf Swartz.
In 'n opvolgboodskap skryf Swartz: “Ek was so woedend toe ek my eerste boodskap aan jou geskryf het dat ek vergeet het om jou aan te spreek oor kwessies rakende wet en prosedures.”
Daarna betwis hy ook die geldigheid van die regsopinie waarop die minister haar besluit gemaak het, en eis dat dit ook teruggetrek word. Swartz sê hy het ook reeds die uitslag van die saak en dring aan dat dit herroep word.
Rehoboth sukkel al lank met wanbestuur en chaos onder die leierskap van die dorpsraad en munisipaliteit. Toegang tot krag en water bly wisselvallig op die dorp wat worstel met betaling aan grootmaatverskaffers. NamWater het in Julie Rehoboth se water amptelik afgesny en vereis van die dorp om nou vooruit te betaal.
Die rioolstelsel se onderhoud word slegs met Windhoek se hulp aan die gang gehou, terwyl inwoners toenemend ontevrede raak. Net laas maand het talle gegriefde inwoners opnuut 'n optog deur Rehoboth se strate gehou. Voor die geslote hekke van die munisipaliteit en dorpsraad is vier gebedsessies vir 'n uitweg gehou.
Kommentaar
Republikein
Geen kommentaar is op hierdie artikel gelaat nie