Swart week ry land se paaie

Somber statistieke

14 June 2018 | Ongelukke
Denver Kisting



Die aantal sterftes op Namibiese paaie het verlede week met meer as 75% die hoogte ingeskiet.

Dít is in vergelyking met dieselfde week – 4 tot 10 Junie – verlede jaar.

'n Totaal van 14 mense het verlede week op die land se paaie omgekom vergeleke met die agt mense tydens die ooreenstemmende tydperk die vorige jaar.

Adj.komm. Amalia Gawanas, nasio­nale verkeershoof, het gister gesê: “Dit het tyd geword dat ons wakker skrik. Ons is besig om mekaar op ons paaie dood te maak.”

Volgens haar kan die wette­loosheid op die land se paaie nie verder geduld word nie. Terselfdertyd het Gawanas 'n beroep op motoriste gedoen om geduld aan die dag te lê.

“Dit help nie jy is só haastig dat dit jou eie en ander onskuldige mense se lewens kos nie. Wanneer jy agter 'n stuurwiel inskuif, het jy 'n baie groot verantwoordelikheid.”

Altesaam 36% van verlede week se sterftes is in Otjozondjupa aan­geteken, wat meebring dat dié streek die swaarste getref is, terwyl 29% van die sterftes in Hardap aangemeld is.

In die weeklikse verslag van die Motorvoertuigongelukfonds (MVAF) word aangedui 55 motorongelukke is verlede week landswyd aangemeld.

Die Khomasstreek is die swaarste getref met 24 ongelukke, terwyl sewe in Erongo en ses in Otjozondjupa aangemeld is.

Luidens die verslag het 18 voertuie omgeslaan terwyl 16 botsings aangeteken is.

Tien voetgangers was in van die ongelukke betrokke terwyl een fietsryer en een dier ook in van die ongelukke was.

Die oorsake van drie van verlede week se ongelukke word steeds ­ondersoek, lui die verslag.

Verlede week se swart tydperk op Namibië se paaie het gekom kort nadat dit bekend geword het die aantal sterftes, ongelukke en ­beserings het tydens die vorige week afgeneem vergeleke met verlede jaar.

Die afgelope week het ­ongelukke bly afneem – 15% minder – terwyl beserings met 33% gedaal het ondanks die 75%-toename in ­sterftes.

Soortgelyk

 

Afrika-lied kom tuis in Namib

17 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

17 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

17 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

17 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

17 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

17 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

17 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

17 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

17 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...