Swapo seëvier in hofaansoek

’n Dringende hofaansoek wat deur mnre. Kejamuina Mungendje, Maleagi Ndisiro, Frans Murangi en Progarius Muriambihu ingedien is om te verhoed dat 27 afgevaardigdes van die Omaheke-streek die Swapo-party se kongres môre bywoon, is laat vanmiddag in die Windhoek-hoërhof deur regter Hosea Angula van die hand gewys.
Die vier het aangevoer dat daar onreëlmatighede in die verkiesing van die afgevaardigdes was. Die regter sal sy redes vir sy beslissing op 28 Maart volgende jaar lewer. Hy sal sy kostebevel ook maak tydens die lewering van sy redes in Maart.