Swapo-manifes wek agterdog

Wysigings in die vooruitsig

10 October 2019 | Politiek
Catherine Sasman - Swapo se uitvoerende ­direkteur, mnr. Austin Samupwa, het ontken die party se ver­kiesingsmanifes vir vanjaar se ­verkiesing bevat voorstelle oor borgtog, boetes en die finalisering van sake in Namibiese howe.

“Dit is die Regstellende Herpo­sisioneringsbeweging (AR) se ­propaganda,” is Samupwa se verweer.

Die AR-leier, mnr. Job Amupanda, het dít by navraag ontken.

“Hy (Samupwa) moet 'n afskrif van die manifes wys wat dít weerspreek waaroor joernaliste geskryf het. Austin is 'n liggewig en is nie my reaksie en tyd werd nie,” het Amupanda hierop gesê.

Die omstredenheid het ontstaan nadat Amupanda glo die inhoud van die manifes as volg in die sosiale media aangehaal het: “ . . . die Swapo-geleide regering sal in die volgende vyf jaar op die finalisering van 445 hangende sake fokus en sal strenger borgtogvoorwaardes, boetes en strawwe vir korrupte praktyke afdwing . . . ”

Gelys onder “pligte” in die manifes en onder die opskrif “heerskappy en maatskaplike geregtigheid” sê dit die party gaan onder meer “strenger borgtogvoorwaardes, boetes en strawwe vir korrupte praktyke” toepas.

Dit sê ook die party is toegewy aan die “finalisering van die 445 hangende sake”.

Samupwa het nie hierop gereageer toe hy met 'n afskrif van die manifes gekonfronteer is, wat nog nie aan die media beskikbaar gestel is nie.

Die direkteur van die Regshulpsentrum (LAC), me. Toni Hancox, sê verpligtinge sal “beslis neerkom op inmenging met die regbank in die algemeen en in terme van die verskanste regte van die beskuldigdes kragtens artikel 7 van die Grondwet – die be­skerming van vryheid – en artikel 12”.

Artikel 7 bepaal “niemand mag van hul persoonlike vryheid ontneem word tensy volgens prosedures wat deur die reg bepaal word nie”.

Artikel 12 bepaal elkeen is geregtig op 'n regverdige en openbare verhoor deur 'n onafhanklike, onpartydige en vaardige hof of tribunaal deur die wet gevestig.

Hancox stel ook voor die Swapo-­party kyk na artikel 78(2) en (3).

Artikel 78 het betrekking op die regbank en bepaal regsmagte is in ­Namibiese howe gevestig, wat die hooggeregshof en die hoërhof insluit.

Hancox sê dié bepaling in die Namibiese Grondwet is “duidelik nie in ag geneem nie” – tensy die party beoog om dit te wysig, soos voorheen reeds gedoen is.

Sy het na die wysiging aan die Wet op Regspraktisyns van 1995 verwys, wat gekritiseer is omdat dit so verander is om die weg te baan vir die aanstelling van me. Martha Imalwa – wat toe nie 'n praktiserende regsgeleerde was nie.

“Die regbank moet sy mandaat vrylik en sonder voorkeur uitvoer,” het Hancox beklemtoon.

Nog 'n regsgeleerde verbonde aan die LAC het gesê die regerende party moet daaraan herinner word daar is 'n verskil tussen dié party en die regbank.

'n Ander het opgemerk die manifes is moontlik net swak bewoord en Swapo bedoel dalk wette sal geïmplementeer word wat dié veranderinge sal ­toelaat.

Soortgelyk

 

Etosha Sondagmiddag deur aardbewing geskud

3 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

3 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

4 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

5 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

5 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

16 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

16 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

16 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

16 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...