Swanu bekommerd oor vorms van korrupsie
In sy nuwejaarsboodskap kritiseer Swanu se president onder meer 'werksgeleenthede vir kamerade'.
Die president van Swanu, dr. Tangeni C.K. Iijambo, het in 'n verklaring sy kommer oor individuele en staatskorrupsie uitgespreek.
Hy sê in die meeste gevalle kom diegene wat hulle daaraan skuldig maak, daarmee weg.
“Staatskaping, die plundering van staatskoffers, waarvan die miljoene van die staatspensioenfonds (GIPF) 'n voorbeeld is, buitelandse en Switserse bankrekeninge, is maar enkele voorbeelde hiervan.
“Dit alles en nog meer gaan ongesiens by die staatsbeheerde Teenkorrupsiekommissie verby, wat alle sake van die sogenaamde 'vet katte' afskryf. Die breë persepsie van die kommissie is dat dit polities-verbonde elite beskerm.
KOMMISSIES VAN ONDERSOEK
“Die presidensiële kommissies van ondersoek, waarvan die meeste gedurende die eerste president se jurisdiksie ingestel is, het met die uitsondering van die gesondheidskommissie, vasgeval of dit versamel stof.
“Kon die kommissies nie lig daarop werp en ons gelei het om nie dieper in korrupsie te verval nie?
“Hierdie en ander meer pertinente vrae verdien sekerlik antwoorde terwyl ons hierdie brose nasie bou,” sê Iijambo.
Hy sê een van die faktore wat tot die verval van die politieke ekonomie gelei het, is doelbewuste “werksgeleenthede vir kamerade”.
Volgens hom is dit jammer dat mens alliansies in Namibië moet hê of aan 'n sekere politieke entiteit moet behoort of aan sekere standaarde moet voldoen om 'n strategiese posisie te verdien.
“Dit is herhaaldelik deur sowel wêreldburgers as Namibiërs bewys dat dit tot die land se ondergang sal lei om diegene aan te stel wat jou ondersteun, maar die kundigheid kortkom om dienslewering te verseker.
“Baie Afrikalande het hierdie roete gekies en die gevolge is duidelik.
“Die lyding van die mense van Afrika in hul eie lande is vreeslik en dit is mensgemaak - veral in lande waar diktatoriale kleptomaniese outokrate en teenrewolusionêres aan bewind is.
AFRIKA SE BEELD
“Die Afrikavasteland word wêreldwyd negatief uitgebeeld. Beelde toon uitgehongerde kinders met geswelde buike, vredesmagte midde anargie, dokters wat met aaklige siektes sukkel, kleptomaniese despote wat die staatskoffers plunder, wanordelike stede, uitgedorde velde en grootskaalse korrupsie.
“Sulke negatiewe beelde ontmoedig bystand en beleggings vir die vasteland,” sê Iijambo.
'Korrupsie moet as 'n omvattende globale siekte beskou word wat gemeenskappe dwarsoor die wêreld raak,” sê hy.
Hy bepleit ook deursigtigheid en wys op die reg van mense om te weet hoe besluite wat hulle raak geneem word.
“Verlede jaar se betaling van buitelandse en Namibiese regsgeleerdes wat in Londen gebaseer is, is 'n aanduiding van hoe min daar oor die besteding van staatsfondse omgegee word,” sê Iijambo.
Hy sê in die meeste gevalle kom diegene wat hulle daaraan skuldig maak, daarmee weg.
“Staatskaping, die plundering van staatskoffers, waarvan die miljoene van die staatspensioenfonds (GIPF) 'n voorbeeld is, buitelandse en Switserse bankrekeninge, is maar enkele voorbeelde hiervan.
“Dit alles en nog meer gaan ongesiens by die staatsbeheerde Teenkorrupsiekommissie verby, wat alle sake van die sogenaamde 'vet katte' afskryf. Die breë persepsie van die kommissie is dat dit polities-verbonde elite beskerm.
KOMMISSIES VAN ONDERSOEK
“Die presidensiële kommissies van ondersoek, waarvan die meeste gedurende die eerste president se jurisdiksie ingestel is, het met die uitsondering van die gesondheidskommissie, vasgeval of dit versamel stof.
“Kon die kommissies nie lig daarop werp en ons gelei het om nie dieper in korrupsie te verval nie?
“Hierdie en ander meer pertinente vrae verdien sekerlik antwoorde terwyl ons hierdie brose nasie bou,” sê Iijambo.
Hy sê een van die faktore wat tot die verval van die politieke ekonomie gelei het, is doelbewuste “werksgeleenthede vir kamerade”.
Volgens hom is dit jammer dat mens alliansies in Namibië moet hê of aan 'n sekere politieke entiteit moet behoort of aan sekere standaarde moet voldoen om 'n strategiese posisie te verdien.
“Dit is herhaaldelik deur sowel wêreldburgers as Namibiërs bewys dat dit tot die land se ondergang sal lei om diegene aan te stel wat jou ondersteun, maar die kundigheid kortkom om dienslewering te verseker.
“Baie Afrikalande het hierdie roete gekies en die gevolge is duidelik.
“Die lyding van die mense van Afrika in hul eie lande is vreeslik en dit is mensgemaak - veral in lande waar diktatoriale kleptomaniese outokrate en teenrewolusionêres aan bewind is.
AFRIKA SE BEELD
“Die Afrikavasteland word wêreldwyd negatief uitgebeeld. Beelde toon uitgehongerde kinders met geswelde buike, vredesmagte midde anargie, dokters wat met aaklige siektes sukkel, kleptomaniese despote wat die staatskoffers plunder, wanordelike stede, uitgedorde velde en grootskaalse korrupsie.
“Sulke negatiewe beelde ontmoedig bystand en beleggings vir die vasteland,” sê Iijambo.
'Korrupsie moet as 'n omvattende globale siekte beskou word wat gemeenskappe dwarsoor die wêreld raak,” sê hy.
Hy bepleit ook deursigtigheid en wys op die reg van mense om te weet hoe besluite wat hulle raak geneem word.
“Verlede jaar se betaling van buitelandse en Namibiese regsgeleerdes wat in Londen gebaseer is, is 'n aanduiding van hoe min daar oor die besteding van staatsfondse omgegee word,” sê Iijambo.
Kommentaar
Republikein
Geen kommentaar is op hierdie artikel gelaat nie