Swakop se vuurtoring bewaar

18 July 2019 | Plaaslik
Erwin Leuschner – Swakopmund se estetika-komitee het die nuutste ontwerp vir ’n beplande ontwikkeling by die dorp se voormalige binnenshuise swembad afgekeur.

Dít omdat ’n nuwe vuurtoring hiervolgens gebou sou word, wat glo nie by die stad se beeld pas nie.

Die toekoms van dié eiendom by die Mole is tans onseker.

Jimmy Construction, die boukontrakteur wat die beplande ontwikkeling ontwerp het en in Maart vanjaar vir goedkeuring voorgelê het, sal die ontwerp hersien ná die jongste voorstel verwerp is.

Volgens die aanvanklike voorstel sou die gebou se hoogte van 40 m tot 30 m verminder, en die nuutste ontwerp sluit die bou van ’n nuwe vuurtoring in.

Aanvanklik het ingeligte bronne gesê daar is met Namport ooreengekom ’n nuwe toring sou gebou word omdat die bestaande vuurtoring vir Namport ’n “doring in die oog” is. Die vuurtoring word boonop as monument beskerm, wat die modernisering of herstel daarvan bemoeilik.

“Dit is nie heeltemal waar nie,” sê mnr. Elzevier Gelderbloem, ’n hawe-ingenieur by Namport.

Hy het ook gerugte ontken dat die vuurtoring in onbruik is.

“Die vuurtoring word elke dag gebruik,” sê hy, en voeg by Namport is nie teen die bou van ’n nuwe toring gekant nie.

“Indien die boukontrakteur ’n nuwe, moderne toring bou, sal hy skepe in die toekoms met navigasie bystaan.”

Gelderbloem het verseker die bekende Swakopmundse landmerk sal in stand gehou word.

Die ontwikkeling op die perseel wat voorheen as Sur la Plage bekend was, het al dikwels opslae gemaak.

In Desember 2007 het Jimmy Construction die eerste ontwerp vir dié ontwikkeling aan die gemeenskap voorgelê.

Die gebou sou 40 m hoog wees – die eerste hoë gebou op Swakopmund – maar dié plan is afgekeur.

Namport het beswaar aangeteken omdat die hoogte van die beplande gebou die vuurtoring se ligsein sou blokkeer.

Die lig is volgens Gelderbloem 35 m bo seevlak.

“As die ontwikkeling geen nuwe vuurtoring insluit nie, geld die hoogtebeperkings vir die nuwe ontwikkeling om die bestaande vuurtoring steeds,” sê Gelderbloem.

Soortgelyk

 

Operasie Kalahariwoestyn hervat

3 ure gelede | Polisie

Die omstrede teenmisdaadoperasie Kalahariwoestyn hervat eerskomende Maandag.Die nasionale polisiewoordvoerder, adj.komm. Edwin Kanguatjivi, het Dinsdagmiddag in Windhoek gesê die veldtog en sy voorganger, Hornkrantz, help om...

Chasing your dream

19 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

19 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

19 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

19 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

19 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

19 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

19 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

19 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...