Swaard van Damokles hang oor rand, sê ontleders

11 September 2018 | Ekonomie
Bloomberg en Hanlie Stadler – Suid-Afrika is een van sewe ontluikende ekonomieë wat die hoogste risiko vir ’n wisselkoerskrisis loop, luidens ’n nuwe ontleding deur die beleggingsbank Nomura.

Die ander ses is Sri Lanka, Argentinië, Pakistan, Egipte, Turkye en die Oekraïne.

’n Wisselkoerskrisis is ’n skerp en skielike verswakking in die waarde van ’n geldeenheid, wat op sy beurt ’n groot uitwerking op die res van ’n land se ekonomie – soos sy inflasiekoers – het.

Van die sewe lande het Argentinië, Turkye en Suid-Afrika reeds die afgelope ruk ’n erge verswakking van hul geldeenheid beleef. Die rand verhandel sedert verlede week swakker as R15 per dollar en is byna ’n derde swakker as sy vlak van om en by R11,50 in Februarie.

Die agt ontluikende lande met die laagste risiko vir ’n wisselkoerskrisis is Brasilië, Bulgarye, Indonesië, Kazachstan, Peru, die Filippyne, Rusland en Thailand.

“Dis ’n belangrike uitslag,” skryf die groep Nomura-ontleders onder leiding van Robert Subbaraman, Nomura se hoof van ontluikende lande. “Soos beleggers meer op ontluikende lande se risiko fokus, is dit belangrik dat hulle nie alle ontluikende lande saamgroepeer as ’n homogene groep nie; Damokles lig ’n lang lys lande uit met baie lae risiko van ’n volskaalse krisis.”

Damokles is ’n model vir vroeë waarskuwings oor wisselkoersprobleme in 30 ontluikende lande. Die model oorweeg verskeie faktore, insluitend die lande se valutareserwes, skuldvlakke, rentekoerse en handelsbalans.

Dit het twee derdes van die 54 wisselkoerskrisisse in ontluikende lande sedert 1996 tot 12 maande voor die tyd voorspel.

“Die resultate wat ons behaal het, is belowend, maar gegewe die inherente beperkings van enige stelsel vir vroeë waarskuwings sou dit dwaas wees om buitensporige aansprake te maak.”

Damokles is genoem na die gelykenis deur die Romeinse staatsman en filosoof Cicero van die swaard van Damokles, ’n verwysing na dreigende en konstante gevaar.

Damokles, wat sy koning, Dionisius, gevlei het deur hom te vertel hoe gelukkig hy is, het die kans gekry om dié “geluk” eerstehands te ervaar. Hy kon op die troon sit, maar ’n swaard wat deur ’n enkele perdehaar vasgemaak is, is bo sy kop gehang om aan hom te wys hoe lewensgevaarlik die rol van ’n koning ondanks sy oënskynlike geluk is.– Netwerk24

Soortgelyk

 

Polisie konfiskeer kerk se luidsprekers in Oshakati

22 ure gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

22 ure gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

1 dag gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

1 dag gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

1 dag gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

1 dag gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

1 dag gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

1 dag gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

1 dag gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...