Swaar straf wag op Covid-oortreders

N$100 000 en/of 10 jaar tronkstraf

21 September 2020 | Regering
Denver Kisting – Dr. Kalumbi Shangula, die mi­nister van gesondheid en maatskaplike dienste, sê geskoei op Namibiërs se gedrag vandat die noodtoestand ten einde geloop het, kan die aantal Covid-19-gevalle in die land opnuut die hoogte inskiet.

Shangula het gistermiddag by navraag aan Republikein gesê inwoners se gedrag maak die land kwesbaar vir 'n tweede golf van besmettings.

Volgens hom het hy Saterdag deur 'n woonbuurt in die hoofstad gery om hom te vergewis van die stand van sake en was geskok oor wat hy waargeneem het. “Dit is ongelooflik dat 80% van inwoners nie maskers gedra het nie, en diegene met maskers se maskers het om hul nekke gehang. Dit is regtig teleurstellend.”

Op 'n vraag oor of dié gedrag hom bekommer, het hy gesê: “Natuurlik, ja.”

REUSEBOETE

Intussen het die uitvoerende direkteur van gesondheid en maatskaplike dienste, mnr. Ben Nangombe, Vrydagaand op nasionale televisie (NBC) gesê Namibiërs wat hulle afvee aan maatreëls om die verdere verspreiding van Covid-19 hok te slaan, word deur 'n swaar straf in die gesig gestaar.

Ingevolge die Wet op Openbare en Omgewingsgesondheid, wat vir Shangula magtig om regulasies te publiseer om Namibiërs se gedrag te reguleer, staar 'n boete van N$100 000 en/of gevangenisstraf van tien jaar oortreders in die gesig, sê Nangombe.

Kragtens die noodtoestandregulasies was die boete N$2000 of ses maande se gevangenisstraf of albei.

Nangombe het pres. Hage Geingob se woorde van verlede Donderdag geëggo dat Namibiërs persoonlike verantwoordelikheid vir hul gedrag móét aanvaar om 'n tweede vlaag van besmettings te verhoed.



'ONRUSBAREND'

Die minister van justisie, me. Yvonne Dausab, het ook gister vir Shangula gelyk gegee dat Namibiërs, veral inwoners van die hoofstad, skynbaar alle versigtigheid oorboord gegooi het.

“Die prentjie rondom Windhoek sedert die opheffing van die noodtoestand is baie onrusbarend.”

Onder meer, sê sy, vier partytjies hoogty en mense drom saam by begrafnisse en kerkbyeenkomste. “Mense vergader in groepe by straathoeke sonder maskers en sosiale afstand. Namibiërs toon geen erg in gesondheid en het vir ons gewys hulle kan nie dissipline handhaaf sonder om gepolisieer te word nie. Dit is jammer.”

Dausab sê die regering hou die situasie fyn dop en “sal op 'n geskikte tyd aanpassings maak soos vereis. Ons bedank daardie Namibiërs wat basiese stappe doen om die gesondheid van hul families, vriende en ander te verseker.”

Sy het opnuut 'n beroep op Namibiërs gedoen om die openbaregesondheidskrisis ernstig op te neem. “Ons móét ernstig daaroor wees om die verdere verspreiding te beveg, te voorkom en te beheer.”

Ook sy het die afgelope naweek haar rondes in 'n Windhoekse woonbuurt gedoen, sê dr. Esther Muinjangue, die adjunkminister van gesondheid en maatskaplike dienste. “Eisj, mense dink corona is weg. Kom ons monitor die twee weke soos die president gesê het en kyk.”

Geingob het Donderdag by Staatshuis gesê hoewel die ses maande lange noodtoestand nie in hierdie stadium verleng word nie, is die volgende twee weke sedert Vrydag van kardinale belang.

Die staatshoof sê dié tydperk sal die weg vorentoe bepaal.

Nangombe het Vrydagaand gemaan 'n noodtoestand kan weer ingestel word sou die situasie dit noodsaak.

Teen Saterdagmiddag het Namibië 10 292 bevestigde gevalle van Covid-19 en 111 sterftes aangeteken.

Die aantal aktiewe gevalle was toe 2 212 aangesien 7 969 gevalle herstel het.

[email protected]

Soortgelyk

 

Geingob onder skoot oor ‘wit’ opmerkings

14 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

14 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

14 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

14 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

14 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

14 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

14 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

14 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

14 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...