Susterstad besoek Namibië
Namibië se jare lange vriendskapsbande met Bremen, in Duitsland, is onlangs weer versterk.
Dr. Carsten Sieling, eerste minister, president van die senaat en ook burgemeester van Bremen, 'n susterstad van Windhoek, het onlangs besoek aan die hoofstad en ook aan Walvisbaai gebring.
Sieling is vergesel van me. Karoline Linnert, minister van finansies, dr. Eva Quante-Brandt, minister van wetenskap, gesondheid en verbruikersbeskerming, mnr. Ekkehart Siering, minister van ekonomiese aangeleenthede, arbeid en hawens, asook 60 verteenwoordigers uit die akademiese en private sektor.
Sieling het onder meer Namibië se visepresident, me. Netumbo Nandi-Ndaitwah, en die spreker van die Nasionale Vergadering, dr. Peter Katjavivi, ontmoet.
Quante-Brandt en dr. Itah Kandjii-Murangi, minister van hoër onderwys, opleiding en vernuwing, het 'n gesamentlike samewerkingsooreenkoms op die gebied van wetenskap tussen Bremen se senaat en die Namibiese regering onderteken.
Die besoek het die noue en jare lange bande tussen Bremen en Namibië versterk, wat tot die vryheidstryd lank voor Namibië se onafhanklikwording terugdateer.
Dr. Carsten Sieling, eerste minister, president van die senaat en ook burgemeester van Bremen, 'n susterstad van Windhoek, het onlangs besoek aan die hoofstad en ook aan Walvisbaai gebring.
Sieling is vergesel van me. Karoline Linnert, minister van finansies, dr. Eva Quante-Brandt, minister van wetenskap, gesondheid en verbruikersbeskerming, mnr. Ekkehart Siering, minister van ekonomiese aangeleenthede, arbeid en hawens, asook 60 verteenwoordigers uit die akademiese en private sektor.
Sieling het onder meer Namibië se visepresident, me. Netumbo Nandi-Ndaitwah, en die spreker van die Nasionale Vergadering, dr. Peter Katjavivi, ontmoet.
Quante-Brandt en dr. Itah Kandjii-Murangi, minister van hoër onderwys, opleiding en vernuwing, het 'n gesamentlike samewerkingsooreenkoms op die gebied van wetenskap tussen Bremen se senaat en die Namibiese regering onderteken.
Die besoek het die noue en jare lange bande tussen Bremen en Namibië versterk, wat tot die vryheidstryd lank voor Namibië se onafhanklikwording terugdateer.
Kommentaar
Republikein
Geen kommentaar is op hierdie artikel gelaat nie