Supersoniese vliegtuie kom terug!

Vennootskap aangegaan

08 February 2019 | Sakenuus
Francois Williams – Die era van supersoniese vlugte is terug. Die vliegtuigvervaardiger Boeing het ’n vennootskap met Aerion gesluit om ’n nuwegenerasie- supersoniese straler te bou.

Aerion is in Reno in Nevada, Amerika, waar hy baanbrekerswerk doen in die ontwerp van sakestralers wat tot 70% vinniger as bestaande stralers kan vlieg.

Boeing het vandeesweek ’n vennootskap met Aerion in Chicago bekend gemaak, waarin hy ’n onbekende bedrag in Aerion belê het om tegnologie-ontwikkeling en vliegtuigontwerp te versnel.

Boeing sal ingenieurs-, vervaardigings- en toetsvlughulpbronne aan Aerion beskikbaar stel om sy AS2- supersoniese sakestraler na die mark te bring.

Die AS2 is ontwerp om snelhede van mach 1,4 te haal. Dit is teen 1 728 km per uur heelwat vinniger as die spoed van klank.

Spoed van klank

Die spoed van klank is 343 meter per sekonde oftewel 1 234,8 km per uur (mach 1).

Dit sal ’n vlug tussen Amerika en Europa oor die Atlantiese Oseaan met drie uur kan verkort. Die eerste vlug word vir 2023 beplan.

Die belegging in Aerion is gedoen deur Boeing se afdeling Boeing NeXt, wat in strategiese nuwe tegnologie belê.

Concorde

Die Concorde, wat gesamentlik deur Brittanje en Frankryk ontwikkel is, is tussen 1976 en 2003 gebruik en kon teen dubbeld die spoed van klank vlieg, en het plek vir 92 tot 128 passasiers gehad. Vlugte is egter in November 2003 gestaak, drie jaar ná die noodlottige ongeluk van ’n Air France-huurvlug in Julie 2000 met ’n Concorde.

Daar is tans geen supersoniese passasiersvliegtuie in diens nie. Slegs 20 Concorde-vliegtuie is gebou en net Air France en British Airways het die vliegtuie gekoop en gebruik. Ondanks baie hoë bedryfskoste kon die twee lugdienste die Concorde danksy hoë vliegkaartjiepryse winsgewend bedryf.

Volgens Wikipedia het rykes byvoorbeeld in 1997 soveel as $7 995 vir ’n retoerkaartjie tussen New York en Londen betaal. Dit was meer as 30 keer so duur as die goedkoopste beskikbare kaartjie in daardie stadium op dié roete. – Netwerk24

Soortgelyk

 

Operasie Kalahariwoestyn hervat

4 ure gelede | Polisie

Die omstrede teenmisdaadoperasie Kalahariwoestyn hervat eerskomende Maandag.Die nasionale polisiewoordvoerder, adj.komm. Edwin Kanguatjivi, het Dinsdagmiddag in Windhoek gesê die veldtog en sy voorganger, Hornkrantz, help om...

Chasing your dream

20 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

20 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

20 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

20 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

20 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

20 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

20 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

20 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...