Sumgong 'is 'n verleentheid'
Die Olimpiese kampioen Jemima Sumgong se positiewe dwelmtoets is 'n verleentheid vir Kenia se atlete, het haar hardloopmaat, Milcah Chemos, Saterdag gesê.
“Dit is 'n groot skande vir ons Keniaanse atlete,” het Chemos, die 2013-wêreldkampioen in die 3 000 meter-hinderniswedloop, aan Reuters gesê. “Ons het nie woorde nie.”
Sumgong was verlede jaar in Rio die eerste Keniaanse vrou om die Olimpiese marathon te wen - nadat sy ook die Londen-marathon gewen het - en is positief vir die verbode bloedaanvuller EPO getoets. Die Internasionale Vereniging van Atletiekfederasies (IAAF) het die toets uitgevoer.
“Atlete moet weet dat hulle verantwoordelik is vir wat hulle inneem. Hulle moet aandring om te weet wat hul dokters vir hulle voorskryf. Dit is verpligtend vir professionele atlete,” het Chemos gesê.
Die 32-jarige Sumgong is geskors van deelname aan enige kompetisies, afhangende van die B-toets, het atletiekbeamptes gesê. Sy is ook verbied om gister haar Londen-marathon-titel te verdedig.
- Nampa/Reuters
“Dit is 'n groot skande vir ons Keniaanse atlete,” het Chemos, die 2013-wêreldkampioen in die 3 000 meter-hinderniswedloop, aan Reuters gesê. “Ons het nie woorde nie.”
Sumgong was verlede jaar in Rio die eerste Keniaanse vrou om die Olimpiese marathon te wen - nadat sy ook die Londen-marathon gewen het - en is positief vir die verbode bloedaanvuller EPO getoets. Die Internasionale Vereniging van Atletiekfederasies (IAAF) het die toets uitgevoer.
“Atlete moet weet dat hulle verantwoordelik is vir wat hulle inneem. Hulle moet aandring om te weet wat hul dokters vir hulle voorskryf. Dit is verpligtend vir professionele atlete,” het Chemos gesê.
Die 32-jarige Sumgong is geskors van deelname aan enige kompetisies, afhangende van die B-toets, het atletiekbeamptes gesê. Sy is ook verbied om gister haar Londen-marathon-titel te verdedig.
- Nampa/Reuters
Kommentaar
Republikein
Geen kommentaar is op hierdie artikel gelaat nie