Suide-prokureur by skaapdiefstal betrek

07 March 2018 | Howe
Francoise Steynberg



Ná 130 skape op 'n plaas by Aroab in Desember 2014 glo gesteel is, het die verhoor van 'n bekende prokureur van Karasburg en drie inwoners van Keetmanshoop eers gister in die streekshof op Keetmanshoop afgeskop.

Die drie beskuldigdes van die Keetmanshoop-distrik, mnre. Louis Phillips Descande (49) en Heino Christopher van Zyl (25) en sy ma, me. Christine Helen van Zyl (52), word daarvan beskuldig dat hulle op 19 Desember 2014 altesaam 130 skape ter waarde van N$130 000 op die plaas Sandputs van mnr. Giel Both naby Aroab gesteel het.

Volgens die adresse van Descande en me. Van Zyl woon hulle op plotte buite Keetmanshoop, terwyl haar seun se adres die plaas Tranetal, suid van Aroab, is. Volgens die klagstaat is Descande en mnr. Van Zyl op 30 Desember 2014 in hegtenis geneem, terwyl me. Van Zyl op 9 April 2015 in hegtenis geneem is.



klag van regsverydeling

Die prokureur van die regsfirma Cox & De Kock op Karasburg, me. Thea Scheepers (52), staan tereg op 'n klag van regsverydeling nadat sy na bewering op 5 Januarie 2015 vir Descande opdrag gegee het om die gesteelde skape se oorplaatjies met syne te vervang.

Al vier beskuldigdes het onskuldig op die klagte gepleit.

Mnr. Susley Sizengwe is op die bank en mnr. Basson Lilungwe verskyn vir die staat.

Mnr. Percy McNelly van die regsfirma Lentin, Botma & Van den Heever verdedig Descande en die Van Zyls en word deur sy vennoot, mnr. Gerrit van den Heever, bygestaan.

Scheepers word deur adv. Louis Botes verdedig, terwyl hy deur mnr. Callie le Roux van CJ le Roux en Vennote van Keetmanshoop bygestaan word.

Die verhoor duur vandag voort.

Soortgelyk

 

Plastieksakke uit nasionale parke verban

14 ure gelede | Omgewing

Die minister van die omgewing en toerisme, mnr. Pohamba Shifeta, het plastieksakke uit alle nasionale parke in die land verban. Die minister het gemaan geen...

Nampol-beamptes skuldig aan nalatigheid

15 ure gelede | Misdaad

Twee senior polisiebeamptes wat intern ondersoek is vir hul beweerde nalatigheid om betyds te reageer in ‘n saak waarin ‘n 18-jarige vyf familielede vroeër vanjaar...

Ollies les hul dors

1 dag gelede | In beeld

Namibiërs in die Zambezistreek kan vandag na verspreide donderbuie uitsien, terwyl dié elders in die binneland vir eers nog met enkele tot geïsoleerde buie tevrede...

Ekonomie: Hou sand uit wiele

1 dag gelede | Politiek

Ronelle Rademeyer Dubbele belasting, soos belasting op dividende en belasting op kapitaalwins is immoreel en gaan nié die ekonomie laat groei nie.'n Ekonomie is die...

PS'e binnekort nié permanent

1 dag gelede | Regering

Denver Kisting - As beplande wetgewing deurgevoer word, is PS’e binnekort nie meer “permanent” in die tuig nie.Hiernaas sal dié rekenpligtige beamptes van ministeries ook...

Gróót regshervorming binnekort op pad

1 dag gelede | Ministeries

Denver Kisting – Die werksaamhede van die land se howe word deur verskeie uitdagings gekortwiek.In die lig van hervorming wat die minister van justisie, mnr....

Ongelukke: Namibië 45ste op wêreldranglys

1 dag gelede | Ongelukke

Padongelukke kos Namibië jaarliks N$1,3 miljard en is die oorsaak van 3,76% van die land se totale sterftes.Dié skokkende syfers is Dinsdag namens die minister...

Weer vir 23 November 2018

1 dag gelede | Weer

BINNELAND: Gedeeltelik bewolk en bloe­dig warm in die ||Kharasstreek en die Weste. Elders sal dit gedeeltelik bewolk en baie tot bloedig warm wees met enkele...

Weer, Donderdag 22 November 2018

1 dag gelede | Weer

BINNELAND: Sonnig en baie tot bloedig warm in die //Kharasstreek. Elders sal dit gedeeltelik bewolk en baie tot bloedig warm wees. Enkele donderbuie word in...