Suid-Koreane werk nou ‘net’ 52 uur per week

05 March 2018 | Ekonomie
As jy nie jou lewe by die werk wil deurbring nie, moet jy Suid-Korea dalk vermy.

Suid-Korea se parlement het ná ’n jare lange stryd eindelik Woensdag wetgewing goedgekeur om weeklikse werksure in dié land van 68 tot 52 te verminder.

Die hersiening laat 40 gewone werksure per week toe en 12 oortydure. Die oortyd sluit naweekwerk in.

Werknemers sal ook tussen 50% en 100% ekstra betaling vir naweekwerk kry, afhangende van hoeveel ure hulle gewerk het.

Suid-Koreane werk gemiddeld 2 069 uur per jaar. Dit is die naasmeeste, ná Mexiko, wanneer dit by lidlande van die Organisasie vir Ekonomiese Samewerking en Ontwikkeling (Oeso) kom.

Inligting oor die gemiddelde werkure wat Suid-Afrikaners werk, word nie in Oeso se verslag oor dié kwessie ingesluit nie.

Pres. Moon Jae-in, wat verlede jaar as deel van sy verkiesingsveldtog ’n beter lewe aan werkers belowe het, het dit ook reggekry om die minimum loon met 16% te verhoog.

Teenkanting teen die minder werkure en hoër lone word egter verwag.

Die Koreaanse federasie vir mikro-ondernemings sê kleinsake-eienaars wat dit nie kan bekostig om meer werknemers aan te stel nie, sal op die ou einde self langer ure moet werk.

Die federasie waarsku ook dat die nuwe reëls werknemers waarskynlik gaan noop om ekstra werk te kry om die verlies aan inkomste teen te werk.

Die wetgewing sal in fases in werking tree gegrond op hoe groot die ondernemings is.

Maatskappye met 300 of meer werknemers moet reeds van Julie aan die vereistes voldoen.

Kleiner maatskappye met tussen 50 en 299 werkers moet teen 2020 daaraan voldoen. – Netwerk24/Bloomberg, verwerk

Soortgelyk

 

Geen borg vir rugby-afrigter

1 uur gelede | Misdaad

Borgtog is geweier tydens die eerste hofverskyning van Roger Thompson (35), voormalige afrigter van die Namibiese o.20-rugbyspan.Thompson, wat Sondag in hegtenis geneem is, is aangekla...

Sommige dele van Windhoek sonder water, elektrisiteit

3 ure gelede | Plaaslik

Vyf woonbuurte in Windhoek is tans sonder water, terwyl dele in Katutura nie elektrisiteit het.Lydia Amutenya, woordvoerder van die munisipaliteit, sê in ‘n verklaring waterlewering...

Man (75) verkrag glo sesjarige

3 ure gelede | Misdaad

’n Man wat glo geestelik gestremd is, het Saterdag na bewering ’n sesjarige meisie in die Omhokolo- nedersetting verkrag. Die 75-jarige man is familie...

Ses sterf in vroeë oggendure

13 ure gelede | Ongelukke

Tanja Bause 'n Motorongeluk tussen Windhoek en Okahandja het gister om 05:45 die lewens van ses mense geëis.Vyf mense was in 'n sedan van...

Katrina se skoonsuster verhuur glo lyshuis

13 ure gelede | Howe

Denver Kisting Die hoërhof in Windhoek het gister gehoor 'n skoonsuster van me. Katrina Hanse-Himar­wa het glo 'n huis, wat sy wederregtelik onder die...

Weer vir 12 Maart

13 ure gelede | Weer

BINNELAND: Gedeeltelik bewolk en baie warm in die verre noordooste met 'n paar donderbuie, andersins sonnig en warm tot baie warm. KUS: Gedeeltelik bewolk en...

Steytler verlaat Staatshuis

13 ure gelede | Regering

Dr. Alfredo Hengari, die president se woordvoerder, het in 'n bondige verklaring gesê Steyt­ler het verlede Maandag reeds bedank.Dit was ook sy laaste werkdag, het...

Vrae oor Boeing ná tweede ramp

13 ure gelede | Ongelukke

Ronelle Rademeyer Terwyl dit gister bekend geword het die twee vlugopnemers van die splinternuwe Boeing 737 Max 8 is op die ramptoneel van vlug ET302...

Bekende rugby-afrigter verskyn op diefstalklag

13 ure gelede | Howe

Andrew Poolman'n Voormalige afrigter van ­Namibiese nasionale rugby­spanne op senior en junior vlak verskyn vanoggend in die Windhoekse landdroshof, nadat hy Sondag op aanklag van...