Stywe lyne!
Die groot getal hengelaars wat vanjaar vir die Hentiesfees se hengelkompetisie ingeskryf het, gaan die druk aansienlik verhoog.
Indien jy jou hoek reg laat val, katrol jy dalk jou porsie van N$60 000 in.
By vanjaar se hengelkompetisie van die Hentiesfees word ongeveer 400 hengelaars verwag. Dit beteken beslis baie taaier kompetisie as verlede jaar toe sowat 280 deelnemers die lyne laat sing het.
Simen Anderson, een van die organiseerders, sê hulle verwag dat die kabeljoue, steenbrasse, galjoene en kolsterte oudergewoonte volop in die kompetisiewaters gaan wees.
Daar is heelwat spesiale pryse op die spel. Een daarvan is vir die man of vrou wat die grootste baber inkatrol. Die vissoort word as 'n byvangs langs die kus beskou. Die organiseerders sê 'n stewige elf of leervis sal ook nie skade doen nie, aangesien hulle nie juis in die spesifieke visvanggebied van die kompetisie voorkom nie. As die geluk jou dus ontwyk en jy kry maar net nie 'n trofeevis gevang nie, is daar darem N$1 000 op die spel vir die grootste baber en die grootste roofvis (elf of leervis).
Soos altyd die geval, sal die toestand van die water 'n deurslaggewende faktor wees. Die meeste wag en kyk wat die see maak, voor hulle kaartjies vir die hengelkompetisie kry.
Plat of kalm toestande is gewoontlik gunstig vir steenbras, terwyl kabeljou hou van water met 'n effense skop, sê dié wat weet.
Die seisoen bepaal ook glo watter vis gewoonlik byt.
Witmossels en pelsers bly die gunstelingaas langs die kus. Hengelaars kombineer ook graag onder meer tjokka en seekatpoot as lokmiddel aan die hoek.
Deelnemers moet hulle vangs na die feesterrein bring waar 'n skaal en ervare weegmeesters sal wag om die trofeevisse te weeg. Die weegmeesters se woord is wet en geen gekibbel sal geduld word nie.
Die weegskale sluit Saterdag om 16:00 en 'n uur later sal die Henties Hengelklub die prysuitdeling in die feestent doen.
Die gelukkige hengelaar wat die grootste eetbare vis inkatrol, sal 'n yslike N$10 000 in sy sak steek, en die naaswenner N$6 000. Diegene wat die grootste kabeljou, steenbras, galjoen en kolstert inweeg, ontvang elk N$4 000 en die naaswenners sal elk N$2 000 huis toe vat.
In belang van bewaring en toerisme is daar geen afdeling vir haaie nie. Sou 'n haai wel aan die hoek beland, word van die hengelaar verwag om die hoek versigtig te verwyder en die haai terug in die water te plaas.
Die argiewe wys dat Patrick Muir laasjaar die gelukkige wenner met sy steenbras van 13.38 kg was. P. Coetzee het in 2017 met 'n steenbras van 10,015 kg gewen. In 2016 het Dudley Esterhuizen 'n steenbras van 13.8 kg skaal toe gebring en Ernie Walter was kort op sy hakke met 'n steenbras van net oor die 12 kg.
By vanjaar se hengelkompetisie van die Hentiesfees word ongeveer 400 hengelaars verwag. Dit beteken beslis baie taaier kompetisie as verlede jaar toe sowat 280 deelnemers die lyne laat sing het.
Simen Anderson, een van die organiseerders, sê hulle verwag dat die kabeljoue, steenbrasse, galjoene en kolsterte oudergewoonte volop in die kompetisiewaters gaan wees.
Daar is heelwat spesiale pryse op die spel. Een daarvan is vir die man of vrou wat die grootste baber inkatrol. Die vissoort word as 'n byvangs langs die kus beskou. Die organiseerders sê 'n stewige elf of leervis sal ook nie skade doen nie, aangesien hulle nie juis in die spesifieke visvanggebied van die kompetisie voorkom nie. As die geluk jou dus ontwyk en jy kry maar net nie 'n trofeevis gevang nie, is daar darem N$1 000 op die spel vir die grootste baber en die grootste roofvis (elf of leervis).
Soos altyd die geval, sal die toestand van die water 'n deurslaggewende faktor wees. Die meeste wag en kyk wat die see maak, voor hulle kaartjies vir die hengelkompetisie kry.
Plat of kalm toestande is gewoontlik gunstig vir steenbras, terwyl kabeljou hou van water met 'n effense skop, sê dié wat weet.
Die seisoen bepaal ook glo watter vis gewoonlik byt.
Witmossels en pelsers bly die gunstelingaas langs die kus. Hengelaars kombineer ook graag onder meer tjokka en seekatpoot as lokmiddel aan die hoek.
Deelnemers moet hulle vangs na die feesterrein bring waar 'n skaal en ervare weegmeesters sal wag om die trofeevisse te weeg. Die weegmeesters se woord is wet en geen gekibbel sal geduld word nie.
Die weegskale sluit Saterdag om 16:00 en 'n uur later sal die Henties Hengelklub die prysuitdeling in die feestent doen.
Die gelukkige hengelaar wat die grootste eetbare vis inkatrol, sal 'n yslike N$10 000 in sy sak steek, en die naaswenner N$6 000. Diegene wat die grootste kabeljou, steenbras, galjoen en kolstert inweeg, ontvang elk N$4 000 en die naaswenners sal elk N$2 000 huis toe vat.
In belang van bewaring en toerisme is daar geen afdeling vir haaie nie. Sou 'n haai wel aan die hoek beland, word van die hengelaar verwag om die hoek versigtig te verwyder en die haai terug in die water te plaas.
Die argiewe wys dat Patrick Muir laasjaar die gelukkige wenner met sy steenbras van 13.38 kg was. P. Coetzee het in 2017 met 'n steenbras van 10,015 kg gewen. In 2016 het Dudley Esterhuizen 'n steenbras van 13.8 kg skaal toe gebring en Ernie Walter was kort op sy hakke met 'n steenbras van net oor die 12 kg.
Kommentaar
Republikein
Geen kommentaar is op hierdie artikel gelaat nie