'Stuur my om 'n beter SA te bou'
Mnr. Cyril Ramaphosa se inspirerende staatsrede is by by tye met luide applous begroet.
Philda Essop
“Stuur my om hand by te sit om 'n beter Suid-Afrika vir almal te bou.”
Dít was Vrydagaand pres. Cyril Ramaphosa se boodskap aan Suid-Afrikaners in sy eerste staatsrede waarin hy hernuwing en verandering belowe het.
Hy het die jazz-meester Hugh Masekela se lied “Thuma Mina” aangehaal waarin die dag van hernuwing of 'n nuwe begin verwag word. Masekela het gesing hy wil daar wees wanneer mense begin om dinge te verander. “Ek wil 'n hand bysit, stuur my,” het Ramaphosa vir Masekela aangehaal.
“Nou is die tyd vir elkeen van ons om te sê stuur my,” het hy onder luide applous in die volgepakte NV gesê.
Suid-Afrika het 'n era van verandering betree waarin Ramaphosa die ekonomie wil regruk, werkgeleenthede vir jong mense wil skep en korrupsie die nekslag wil toedien.
In 'n inspirerende, wydlopende staatsrede wat by tye met luide applous begroet is, het Ramaphosa elkeen van die land se brandende kwessies aangeraak – van grond en korrupsie tot onderwys en sukkelende staatsinstellings.
Dit was egter die ekonomie wat die grootste deel van Ramaphosa se toespraak in beslag geneem het. Die ekonomie het jare lank nie gegroei teen 'n pas wat noodsaaklik is om werk te skep of mense uit armoede te lig nie.
Die ekonomie het matig herstel, kommoditeitspryse het verbeter, myne sien 'n toename in bestellings, die rand het herstel en daar is vroeë aanduidings dat beleggersvertroue toeneem.
“Ons is daartoe verbind om te verseker dat daar beleidsekerheid en konsekwentheid is. Sakevertroue het verbeter en hou aan verbeter, buitelandse beleggers kyk met nuwe oë na ons. In Davos (waar die vergadering van die Wêreld Ekonomiese Forum in Januarie gehou is) het ons met internasionale beleggers gepraat. Hulle kan sien dat verandering op pad is in Suid-Afrika en dit is wat hulle aantreklik vind.
“Ons taak as Suid-Afrika is om die oomblik aan te gryp en nie koue water daarop te gooi nie. Dit is 'n oomblik van hoop om seker te maak daar is betekenisvolle verandering vir ons mense,” het hy gesê.
'n Werkberaad word binne die volgende paar maande beplan as deel van die poging om die uitdaging van werkloosheid die hoof te bied. Die sektore landbou, mynbou en toerisme hou groot potensiaal in vir die ekonomie en dit moet ontgin word.
Hy het die ANC se besluit op sy 54ste nasionale konferensie in Desember herhaal dat grond sonder vergoeding onteien sal word.
Hy gaan ook die sweep hard klap wat korrupsie betref.
Daar sal beslis by staatsinstellings ingegryp word in 'n poging om dit te stabiliseer en nuwe lewe daarin te blaas.
Hy het gesê direksielede van staatsinstellings mag in geen omstandighede by verkrygingsprosesse betrokke wees nie.
Oor die kommissie van ondersoek na staatskaping, het Ramaphosa gesê dit is noodsaaklik dat die aard van staatskaping vasgestel word en dat diegene wat daarvoor verantwoordelik is, geïdentifiseer word.
“Ons moet ook korrupsie, bedrog en samespanning in die private sektor beveg met dieselfde intensiteit as wat ons dit in die openbare sektor wil beveg.”
Oor staatstoelaes het hy gesê dringende stappe sal gedoen word om te verseker dat die konstitusionele hof se bevele daaroor nagekom word en dat staatstoelaes uitbetaal word. Hy sal nie toelaat dat enigiemand in die regering die begunstigdes se lewensmiddele in gevaar stel nie.
– Netwerk24
“Stuur my om hand by te sit om 'n beter Suid-Afrika vir almal te bou.”
Dít was Vrydagaand pres. Cyril Ramaphosa se boodskap aan Suid-Afrikaners in sy eerste staatsrede waarin hy hernuwing en verandering belowe het.
Hy het die jazz-meester Hugh Masekela se lied “Thuma Mina” aangehaal waarin die dag van hernuwing of 'n nuwe begin verwag word. Masekela het gesing hy wil daar wees wanneer mense begin om dinge te verander. “Ek wil 'n hand bysit, stuur my,” het Ramaphosa vir Masekela aangehaal.
“Nou is die tyd vir elkeen van ons om te sê stuur my,” het hy onder luide applous in die volgepakte NV gesê.
Suid-Afrika het 'n era van verandering betree waarin Ramaphosa die ekonomie wil regruk, werkgeleenthede vir jong mense wil skep en korrupsie die nekslag wil toedien.
In 'n inspirerende, wydlopende staatsrede wat by tye met luide applous begroet is, het Ramaphosa elkeen van die land se brandende kwessies aangeraak – van grond en korrupsie tot onderwys en sukkelende staatsinstellings.
Dit was egter die ekonomie wat die grootste deel van Ramaphosa se toespraak in beslag geneem het. Die ekonomie het jare lank nie gegroei teen 'n pas wat noodsaaklik is om werk te skep of mense uit armoede te lig nie.
Die ekonomie het matig herstel, kommoditeitspryse het verbeter, myne sien 'n toename in bestellings, die rand het herstel en daar is vroeë aanduidings dat beleggersvertroue toeneem.
“Ons is daartoe verbind om te verseker dat daar beleidsekerheid en konsekwentheid is. Sakevertroue het verbeter en hou aan verbeter, buitelandse beleggers kyk met nuwe oë na ons. In Davos (waar die vergadering van die Wêreld Ekonomiese Forum in Januarie gehou is) het ons met internasionale beleggers gepraat. Hulle kan sien dat verandering op pad is in Suid-Afrika en dit is wat hulle aantreklik vind.
“Ons taak as Suid-Afrika is om die oomblik aan te gryp en nie koue water daarop te gooi nie. Dit is 'n oomblik van hoop om seker te maak daar is betekenisvolle verandering vir ons mense,” het hy gesê.
'n Werkberaad word binne die volgende paar maande beplan as deel van die poging om die uitdaging van werkloosheid die hoof te bied. Die sektore landbou, mynbou en toerisme hou groot potensiaal in vir die ekonomie en dit moet ontgin word.
Hy het die ANC se besluit op sy 54ste nasionale konferensie in Desember herhaal dat grond sonder vergoeding onteien sal word.
Hy gaan ook die sweep hard klap wat korrupsie betref.
Daar sal beslis by staatsinstellings ingegryp word in 'n poging om dit te stabiliseer en nuwe lewe daarin te blaas.
Hy het gesê direksielede van staatsinstellings mag in geen omstandighede by verkrygingsprosesse betrokke wees nie.
Oor die kommissie van ondersoek na staatskaping, het Ramaphosa gesê dit is noodsaaklik dat die aard van staatskaping vasgestel word en dat diegene wat daarvoor verantwoordelik is, geïdentifiseer word.
“Ons moet ook korrupsie, bedrog en samespanning in die private sektor beveg met dieselfde intensiteit as wat ons dit in die openbare sektor wil beveg.”
Oor staatstoelaes het hy gesê dringende stappe sal gedoen word om te verseker dat die konstitusionele hof se bevele daaroor nagekom word en dat staatstoelaes uitbetaal word. Hy sal nie toelaat dat enigiemand in die regering die begunstigdes se lewensmiddele in gevaar stel nie.
– Netwerk24
Kommentaar
Republikein
Geen kommentaar is op hierdie artikel gelaat nie