Strydkinders se uitgerekte stryd

05 September 2018 | Rubrieke
Dit gaan net aan en aan en aan . . .

Ek dink nie baie mense weet dat die sogenaamde strydkinders Maandag ‘n optog in Windhoek se strate gehou het nie.

Waarheen hulle op pad na was, kon ek nie heeltemal uitpluis nie, maar hulle is so half tussen die Swapo-hoofkantoor oorkant die Katutura-staatshospitaal en die Simon de Wit-brug op pad na Windhoek se middestad deur die polisie gestop en moes terugdraai.

Ek het so in die verbyry een van die betogers gevra waaroor die optog gaan. Die antwoord, heel voorspelbaar teen dié tyd, was “for jobs”.

Hulle met met ‘n reuse- Swapo-vlag deur die strate teruggestap en hul entoesiastiese ge-struggle-singery was teen die middagson maar flouerig. Op ‘n paar se rûe was klein babatjies wat met sopnatgeswete koppies teen die skerp sonlig agtertoe gehang het.

As dít nie genoeg van ‘n noodkreet is nie, weet ek nie.

Wat vir my nogal opvallend was, was dat dié wat nog in Windhoek se strate onder die vaandel van die strydkinders rondmaal al jonger en jonger lyk. Seker maar die strydkinders se kinders se kinders, meen ‘n kollega bitterbekkig.

Want die strydkinders, wie hulle ook al mag wees en hoe oud hulle ook al is, het nou al deel geword van die land se gesamentlike bewustheid.

En vir een of ander rede blyk dit ons het gesamentlik ingestem dat niemand eintlik weet hoe om dié situasie aan te spreek nie.

Ek is een van die joernaliste wat die kwessie van die strydkinders rondom 2008 gedek het toe hulle vir die eerste keer voor die ou treinstasiegebou in Windhoek, waar die destydse veteraneministerie geleë was, begin uitkamp het.

Toe reeds was baie van hulle eintlik ook maar nog baie jonk en, laat ons maar eerlik wees, seker glad nie in ballingskap vóór onafhanklikwording gebore nie.

Hoe dit ook al sy, wat van die eerste groep strydkinders geword het, weet ek nie, maar daardie bekende gesigte is nie meer op die strate nie.

Húlle stryd het hulle moontlik ‘n joppie in die regering of elders besorg, wie weet? Moontlik word die kwessie tóg iewers aangespreek.

En moontlik is dít hoekom ál jonger werklose en skynbaar hawelose jongmense die vaandel van die voormalige strydkinders opgeneem het.



Die groepie wat Maandag betoog het, sluit ook ‘n groep jong meisies in wat met karton- en plastiekhouertjies by verkeersligte dag ná dag vir aalmoese bedel – dikwels met hul babatjies op hul heupe.

Dis ‘n tragiese situasie en skynbaar sonder einde in sig.

Ná Maandag se optog het ek deur vorige berigte geblaai en een ná die ander opsomming klink somber en onhoudbaar.

“Strydkinders albatros om Swapo-verkiesingsaspirasies”, “spook by Swapo”, “eis werk”, “moet huis toe gaan”, “gearresteer”, “geskiet”, “vermoor”, “in hof”, “saai chaos”.

Hier en daar was daar ook ‘n sprankie hoop: “is gewerf”, “gehelp”, “word opgelei”.

En tog vermoed ek ons gaan nóg ‘n dekade van strydkinders op ons paaie sien. Lank lewe die stryd van die kinders van die vryheidstryd, en hul kinders, en húl kinders, long live!

Soortgelyk

 

Hepatitis E woed landswyd voort

20 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

20 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

20 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

20 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

20 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

20 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

20 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

20 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

20 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...