Stryd duur voort oor grondbelasting

Betaaldatum om die draai

12 January 2018 | Howe
Jacqueline Louw – Die ministerie van grondhervorming het op 8 Januarie ’n kennisgewing gepubliseer waarin aangekondig is dat grondbelasting op 30 Maart 2018 betaalbaar is.

Volgens mnr. Ryno van der Merwe, president van die Namibië Landbou-unie (NLU), en prokureur Pieter de Beer is 'n dringende aansoek intussen ingedien waarin die hoërhof in Windhoek versoek word om belastingaanslae ter syde te stel totdat daar uitslae is in 'n appèl teen die waardasiehof se uitspraak en twee hangende hersieningsaansoeke.

Die saak sal op 19 Januarie in die hof dien.

“Die NLU se aanbeveling is – kom ons wag vir die uitspraak. As die uitslag van hierdie aansoek nie voor 30 Maart bekend is nie, is ons wetlik verplig om die grondbelasting te betaal,” het hy gesê.

Volgens De Beer is die hersieningsaansoeke en appèl nog die afgehandel nie omdat samesprekings met die regering se regsverteenwoordigers gevoer is met die oog op ’n moontlike skikking. “Met skikkingsonderhandelinge het ons gedink die regering sou nie die aanslae uitstuur nie, maar hulle het, so nou gaan ons voort met die aansoeke en die appèl,” het hy verduidelik.

De Beer het verder gesê die 40% vermindering in grondwaardasies is nie aan sommige mense toegestaan nie wat wel in die 2016-saak oor regsverteenwoordiging beskik het. Daar is glo ook gevalle waar die aanslae verskil van wat die hof bepaal het.

“Ons houding is dat die onreëlmatighede ten opsigte van die grondwaardes ons noop om die hof te nader vir ’n interdik sodat belasting nie gehef word voordat die hersieningsaansoeke en die appèl nie aangehoor is nie,” het De Beer gesê.

Volgens De Beer bepaal regulasie 14(3) van die Grondevaluering en Belastingregulasies dat terwyl ’n appèlsaak hangende is, mense steeds belasting moet betaal. Dit is egter nie op ’n hersieningsaansoek van toepassing nie.

“Ons het mense aanbeveel om te betaal, maar nou is die aanslae nie gegrond op wat die hof beslis het nie. Dit is ’n onhoudbare situasie,” het De Beer bygevoeg.

AGTERGROND

Van der Merwe het herhaal die NLU het hom verbind tot die betaling van grondbelasting, solank dit billik, regverdig en bekostigbaar is.

“Toe die voorlopige waardasierol in 2012 verskyn het, was daar verskriklike verhogings van tot 900% in die waardasies wat vyf jaar tevore in 2007 verskyn het,” het hy verduidelik.

Die NLU het die destydse minister van grondhervorming, mnr. Alpheus !Naruseb, toe genader omdat die belasting onbekostigbaar was.

As voorbeeld noem Van der Merwe ’n waardasie in Aroab in die Suide wat hoër as ’n waardasie in die Otavi-distrik was. “Hierdie voorbeeld het vir ons bewys die waardasies is nie in ooreenstemming met produksiepotensiaal en drakrag van die grond nie.”

“Die NLU het sedert 2012 voorstelle gemaak om die regulasies aan te pas waarvolgens grond gewaardeer word. Daar het toe ’n nuwe waardasierol verskyn met dieselfde fout.”

Grondeienaars het beswaar aangeteken. “Die NLU het gehoop grondeienaars en die minister van grondhervorming sal met mekaar onderhandel, maar dit het nie gebeur nie,” verduidelik Van der Merwe.

Aan die einde van 2016 het die waardasiehof beslis dat hoewel die waardasiemetode gebrekkig was, dit steeds toegepas sou word. Landdros Johannes Shuuveni het wel beveel dat diegene wat beswaar aangeteken het 40% minder vir grondbelasting sou betaal.

Hy het bevind beswaarmakers sonder regsverteenwoordiging se klagtes is reeds hanteer deur ’n vermindering van N$150 per hektaar op die waardasies van hul eiendomme toe te staan.

Soortgelyk

 

Drieling-ma sê dankie

9 ure gelede | Mense

Tanja BauseOp 25 Junie sal die drieling Mujaame, Kauzikua en Muhupise Tengee hul eerste dekade vier. Kort ná hul geboorte het hul ma, me. Orpa...

Suide se skaapboere kondig slagboikot aan

9 ure gelede | Plaaslik

Ronelle RademeyerDie krisis in die kleinveebedryf het weens die prysverskil op lamkarkasse hier en in Suid-Afrika só versleg dat skaapboere van Maandag af die uitvoerabattoirs...

Vermeende brandstigter 'te emosioneel' in hof

9 ure gelede | Howe

Francoise SteynbergDie vrou wat daarvan beskuldig­ word dat sy die geskiedkundige Seeheim Hotel buite Keetmans­hoop op 10 Junie laat afbrand het, me. Janine Almaviva Swartz...

Weer vir 21 Junie

9 ure gelede | Weer

BINNELAND: Mooiweer en matig tot warm in die Suide, andersins mooiweer en warm tot baie warm.KUS: Gedeeltelik bewolk en matig met miskolle in die oggend.GETYE...

Verstedeliking onder loep

9 ure gelede | Ministeries

Denver KistingIn 1990 het 43% van die wêreldbevolking in stedelike gebiede gewoon.Vyftien jaar later – teen 2015 – het dié syfer tot 54% geklim.Mnr. Derek...

Son gaan vandag 'stilstaan'

9 ure gelede | Wetenskap

Elvira Hattingh - Vandag om 12:07 sal die son regoor die Kreefskeerkring geleë wees en dus sy noordelikste posisie of verste punt vanaf die suidelike...

NIP ‘deeglik ondersoek’

9 ure gelede | Misdaad

Henriette Lamprecht – ’n Deeglike ondersoek gaan van stapel gestuur word om beweringe van bedrog by die Nasionale Instituut vir Patologie (NIP) te ondersoek. Die...

‘Skooltye gaan oor kinders, nie ouers nie’

9 ure gelede | Onderwys

Republikein het met ouers in die hoofstad oor die nuwe voorgestelde skooltye gesels wat binnekort van toepassing sal wees. Volgens die minister van onderwys, kuns...

Hulpfonds verwelkom ACC-ondersoek

9 ure gelede | Onderwys

font face="Verdana" > Augetto Graig - Die Finansiële Hulpfonds vir Namibiese Studente (NSFAF) het Dinsdag op ’n brief gereageer wat tans op sosiale media versprei...