Stropers kom hul moses teë

Renoster dood medepligtige

12 February 2019 | Howe
Francoise Steynberg - Ruteni Muharukua is Vrydag in die Opuwo-landdroshof tot agt jaar gevangenisstraf of 'n boete van N$34 000 gevonnis al kon hy en sy medepligtige nie daarin geslaag om 'n renoster te stroop nie.

Muharukua en 'n medepligtige het in Oktober 2017 gepoog om 'n renoster in die weste van die Etosha Nasionale Park te stroop, maar het hul moses teëgekom toe die dier sy medepligtige bestorm en gedood het.

Muharukua, van die Kunenestreek, is in Oktober 2017 in hegtenis geneem, was sedertdien in aanhouding en het skuldig op vyf klagte gepleit. Hy het sy eie verdediging waargeneem.

Landdros Abel Sankwassa het hom op die eerste klag van die jag van spesiaal beskermde wild tot 'n boete van N$25 000 of sewe jaar gevangenisstraf gevonnis, waarvan twee jaar opgeskort is.

Op die klag van die onwettige besit van 'n vuurwapen is die beskuldigde 'n boete van tot N$8 000 of twee jaar tronkstraf gevonnis, asook 'n boete van N$4 000 of een jaar tronkstraf, ten volle opgeskort, vir die onwettige besit van ammunisie.

Die beskuldigde is tot ses maande tronkstraf of 'n boete van N$500 gevonnis vir die onwettige betreding van 'n nasionale park, en dieselfde vonnis omdat hy 'n vuurwapen in 'n nasionale park ingevat het.

Die hoof van die Namibiese polisie se eenheid vir beskermde hulpbronne (PRU), komm. Barry de Klerk, het gister sy tevredenheid met die vonnis uitgespreek.

"Ek is baie tevrede met die vonnis en ons het 'n mylpaal bereik. Dit is die eerste van ons sake waarin iemand skuldig bevind is wat nie 'n renoster gestroop het nie," het De Klerk gister aan Republikein gesê.

"Alhoewel die twee mans nie daaraan kon slaag om die renoster te stroop nie, is Muharukua steeds skuldig bevind aan die oortreding van die jag van spesiaal beskermde wild."

Mnr. Obert Masendeke en me. Evelyn Karunga het vir die staat verskyn.

Soortgelyk

 

Honderde miljoene vir veevoer nodig

17 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

17 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

17 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

17 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

17 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

17 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

17 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

17 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

17 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...