Stroopsoet bank

10 October 2019 | Plaaslik
Tanja Bause - Dié bank sal jou nie in die rug steek nie, maar dalk wel op 'n ander plek.

Die Namibiese byeboer mnr. Roland zu Bentheim is Dinsdag na die La'Marmite-restaurant in Onafhanklikheidsrylaan ontbied om 'n swerm bye uit 'n rusbank te haal.

“Ek skat sowat 5 000 bye is al byna twee weke lank in die rusbank,” sê hy.

Volgens me. Justina Hamatwi, die restaurantbestuurder, was personeel van die bye bewus, maar het hulle aangeneem die blomme in die eetplek se tuin lok die insekte.

“Sondag het ons hier skoongemaak en daar was baie bye. Een van my werkers het toe gesien hoe hulle in die rusbank inklim. Toe ons ondersoek instel, het ons hulle in die rusbank gehoor. Ter wille van die kliënte se veiligheid het ons Zu Bentheim gebel om die bye veilig te verwyder,” sê Hamatwi.

“Daar is nie genoeg kos vir hulle nie. Daar is net vyf groot heuning­koeke. Wanneer daar baie kos is, maak hulle heuningkoeke binne 'n paar dae, maar weens die droogte en min kos skat ek hulle is al twee weke lank in die rusbank besig,” sê Zu Bentheim.

Op 29 Oktober vier Namibië Wêreldbyedag.

Volgens die byeboer speel bye 'n belangrike rol in voedselproduksie en moet byekorwe by hom aangemeld word sodat die bye veilig verwyder kan word en nie vernietig word nie.

“Groot kommer heers wêreldwyd oor kwynende bygetalle en dit kan 'n daadwerklike invloed op voedselproduksie hê. Heuningbye bestuif tot 80% van die wêreld se plante. Sonder bye sal daar byvoorbeeld byna geen appels wees nie,” sê hy.

Mense wat 'n swerm bye by hul huise gewaar, kan vir Zu Bentheim by 081 635 7323 kontak.

Soortgelyk

 

B-dag: Maak of breek

4 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

4 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

4 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

4 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

4 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

4 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

4 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

4 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

4 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...