Strikdasaand ‘n reusesukses

21 December 2018 | Gebeure
Boet Matthews – Hoede af vir die Mariental-gemeenskap en die Immaculate Conception Katolieke kerk-gemeente van dié dorp.

Die eerste strikdasaand, wat onlangs in die Mariental-sportgronde se saal gehou is, was ‘n reusesukses.

Meer as 200 mense het opgedaag om die priesters, broeders en studente van die De Sales Oblate te ondersteun.

Die doel van strikdasaand is om fondse ten bate van dié kerkgemeenskap in te samel.

Die saal was pragtig versier, die diens flink en die kos vingerlek lekker.

Die gemeente se priester, vader Benedict, en gemeentelede het oortyd gewerk om van die aand ’n sukses te maak.

Benedict het almal vir hul ondersteuning bedank.

“Ek is bly julle het gekom. Dit beteken vir ons kerk en die bisdom baie, want daar is studente in die buiteland wat finansieel ondersteun moet word, en jul bydrae maak dit moontlik dat vyf mans doer in Benin en Ivoorkus hul drome kan verwesenlik en priesters kan word.

“Hulle moet nog ‘n lang pad loop, maar ek glo hulle beskik oor die potensiaal en vernuf om die knoop deur te hak. Die vyf jong mans het Frans reeds onder die knie en was met hul onlangse besoek aan Namibië ewe spoggerig met hul kennis van die taal,” het hy gesê.

Marientallers glo hulle gaan in 2019 selfs meer mense met strikdasaand lok.

DJ Green het gaste met ‘n mengelmoes van langarm-, jazz- en popmusiek vermaak.

Die priesters, broeders en nonne wat die dansvloer oopgemaak het, het vir ’n beroering onder die gehoor gesorg.

Sr. Maria Cecelia het haar staal op die dansbaan gewys is deur gaste toegejuig.

Vrs. Swartbooi, Martin, Gavin en Benedict het ook hul beste passies op die dansbaan uitgehaal.

Vr. Swartbooi het in sy toespraak gesê: “U teenwoordigheid vanaand spreek boekdele van u liefde vir u kerk, u priesters, broeders en wyle br. Giruad, wat in 1882 in Pella aangekom het . . .

“Om die doel van strikdasaand te bereik, is dit ons wens dat ons voorgangers se werk en voorbeeld voortgesit sal word.”

Soortgelyk

 

Houtskoolbedryf sien enorme groei

1 dag gelede | Landbou

Elvira Hattingh op Otjiwarongo - Die Namibiese houtskoolbedryf het 'n "ontploffing in houtskoolproduksie" die afgelope jaar ervaar en 'n groei van 33% in een jaar...

Lodge, besigheid beroof – sewe vas

2 dae gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

2 dae gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

2 dae gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

2 dae gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

2 dae gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

2 dae gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

2 dae gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

2 dae gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...