Stout leeus twisappel in Erongo-bergland

Verskuiwing bevestig

07 December 2017 | Omgewing
Des Erasmus - Vier lede van die omstrede leeutrop van Grootberg se amnestie in die Erongo-bergbewaringsgebied maak hulle blykbaar vuilbaarde des aanstoots in ‘n kommunale gebied en vir boere op grensplase.

Die ministerie van die omgewing en toerisme word selfs gelooi omdat nie ‘n enkele vereiste vir oorplasing blykbaar nagekom is nie.

Bevestiging van die verskuiwing van vyf leeus is die afgelope dae uit verskeie oorde ontvang met spore wat as bewys dien dat vier van hulle ná ‘n tog uit die Grootberg-omgewing in die veld van die Erongo-bewaringsgebied wes van Omaruru vrygelaat is. Een van die vyf leeus het blykbaar nie die tog na die bewaringsgebied oorleef nie en die vier oorlewendes het blykbaar in ‘n troppie van drie en ‘n alleenloper verdeel. Die wegbreker se spoor is in die bedding van die Omarururivier gekry en dit was duidelik dat hy in ‘n westelike rigting beweeg, blykbaar terug na die plek waarvandaan hy gekom het.

Die ander drie, blykbaar twee mannetjies en ‘n wyfie, se spore is ook gevind waar hulle aanvanklik ook wes geloop het, maar toe suid geswaai het met die brul van leeus wat nou op ‘n punt sowat 20 noordwes van Usakos gehoor word waar ‘n donkie van ‘n kommunale boer glo gevang is. Vroeëre beweringe was die vang van ‘n bees in die omgewing van Okombahe tussen Omaruru en Uis en daarna ook die vangs van ‘n perd.

Hoofmanne van die kommunale gebied oorweeg blykbaar ‘n afspraak met die ministerie om padlangs te verklaar hulle soek nie die leeus in hul gebied nie.

Eienaars van gasteplase met hul grense in die bewaringsgebied en van die toeristeherberge deel ook in die verset. Van die beweringe is dat van die herberge spesiaal vir voetslaners voorsiening maak, maar dat dit lewensgevaarlik vir toeriste op die wandelpaaie gaan wees. Me. Connie Kayser van een van die herberge het aan Republikein bevestig dat sy ‘n omvattende ondersoek na die oorplasing van die leeus instel. Sy het reeds met senior amptenare in die ministerie geskakel. Sy sê die veiligheid van toeriste word bedreig en sy wil weet wie vir haar verliese gaan instaan.

Ander beweringe is dat daar wel met ander mense in die bewaringsgeraadpleeg is, met die klem op “sekere mense”.

Van die vereistes wat vir sodanige hervestiging van leeus gestel word, is dat die roofdiere voor hul vrylating in ‘n nuwe gebied oor nekbande moet beskik sodat hul bewegings gemonitor kan word. Al die betrokkenes in en bewoners van die bewaringsgebied moet blykbaar ook voor so ‘n oorplasing geraadpleeg word. Dit is nie gedoen nie. Ander vereistes is blykbaar ook nie nagekom nie.

As oplossing vir die probleem van Grootberg is die trop probleemleeus blykbaar in kleiner groepe ingedeel en na verskillende plekke uitgeplaas. Die leeus vorm blykbaar deel van ‘n groter trop wat by Grootberg vir ‘n slagting onder skape en bokke verantwoordelik was. In een voorval is 86 kleinvee doodgebyt en in nog een glo 171.

Soortgelyk

 

Rammetjie-uitnek

11 ure gelede | In beeld

Mnr. William Lloyd jr. het dié foto van ’n jong olifantbul in die Hoanibrivier geneem. “Die bulletjie het my gaste ’n bietjie kom groet,” het...

Saak sloer 2 jaar ná matriekmeisie sterf

11 ure gelede | Howe

Henriette Lamprecht – Twee jaar ná ’n motorongeluk die lewe van ’n matriekmeisie geëis het, is daar steeds geen teken dat ’n saak van strafbare...

‘Heksejag’ teen Kahimise

11 ure gelede | Regering

Denver Kisting – Die uitvoerende hoof van die Windhoekse stadsraad, mnr. Robert Kahimise, is ongewild, omdat hy mense keer om hulle verder aan tenders dik...

Weer vir 16 Oktober 2018

11 ure gelede | Weer

BINNELAND: Gedeeltelik bewolk en bloedig warm in die Zambezistreek met enkele buie. Elders sal dit sonnig en baie warm tot bloedig warm wees.KUS: Gedeeltelik...

‘Tendervoorwaardes Afrikabank se vereistes’

11 ure gelede | Ministeries

Ronelle Rademeyer - Die versoek aan die ministerie van werke en vervoer om die sluitingsdatum vir die twee reuse-konstruksietenders van byna N$4 miljard vir pad-...

Renosterbeskerming 'peperduur'

11 ure gelede | Omgewing

Francoise Steynberg - Terwyl nóg drie renosters verlede week in die Noordweste gestroop is, het die minister van die omgewing en toerisme, mnr. Pohamba Shifeta,...

Diefstalverdagtes vas

11 ure gelede | Misdaad

Otis Finck – Vier mans is Saterdag op Walvisbaai in verband met diefstal uit ’n voertuig van goedere ter waarde van N$24 800 in hegtenis...

Reho-optog in kiem gesmoor

11 ure gelede | Plaaslik

Yolanda NelRehobothers sou Vrydag ’n optog tot by die dorpsraad se kantoor hou om ’n petisie aan die raad te oorhanding.Die inhoud daarvan sou voorwaardes...

Tses: Katolieke trek saam

11 ure gelede | Plaaslik

Boet Matthews op Tses - Honderde lidmate van die Katolieke Kerk het verlede naweek die tweede Maria-pelgrimstog by die St. Theresa-kerk op Tses bygewoon. Die...