Stories ernstig met lesse

09 March 2018 | Kuns en vermaak
Hierdie bundel met 28 kortverhale is vir hoërskoolkinders geskryf deur bekende en minder bekende skrywers.

Van die bekende jeugskrywers is Fanie Viljoen, Carina Diedericks-Hugo, Jaco Jacobs en Leon de Villiers, wat vir die branderryboek Die pro verantwoordelik was.

Ander bekendes, soos die akteur Christo Davids, die digter Nathan Trantraal en die rapper Hemel­Besem het ook stories bygedra.

Ek het nie van die verhale gehou wat outydse Afrikaans gebruik het en wat glad nie klink soos wat kinders deesdae praat nie. Daar is egter verhale waarmee tieners hulself kan vereenselwig, soos “Sestien” deur Nelia Engelbrecht, “Grein” deur Viljoen en “Johnny Hollywood” deur Davids.

Een van my gunstelinge was “Sestien”, 'n verhaal oor 'n meisie wat nuut is by 'n skoolkoshuis en graag deel van 'n sekere groep wil wees.

Dinge verloop egter nie so maklik nie en sy moet haarself bewys voordat sy deel van die groep kan word.

“Grein” gaan oor 'n seun wie se ma weg is, en die verhouding tussen hom en sy pa. Die pa probeer sy verhouding met die seun opbou deur saam 'n meubelstuk te restoureer, maar die seun, wat aan die rekenaarspele­tjie World of Warcraft verslaaf is, het nie die vaardighede om sy pa te help nie. Deur die verhaal bou hulle egter aan hul verhouding. Die storie gee 'n mens hoop en wys dat 'n mens soms die onmoontlike te bowe kan kom.

“Johnny Hollywood” gaan oor die verhouding tussen twee seuns wat mekaar van laerskooldae af ken en beste vriende was. In die hoërskool het Johnny egter die skool verlaat omdat dit nie vir hom belangrik was nie en by dwelms en dobbel betrokke geraak. Hy help wel later sy vriend om sy drome waar te maak en 'n ­onderwyser te word.

Die meeste van die stories is ­ernstiger as wat ek verwag het, en hoewel daar stories met humor in is, is die meeste liefdesverhale en verhale oor misdaad en hartseer.

Dit is nie noodwendig 'n slegte ding nie, aangesien die verhale in die boek almal 'n les het om die leser te leer.

Soos in Eldridge Jason se “Somme wat nie uitwerk nie”, wat waarsku teen tienerswangerskappe, en Mar­lene Smit se “Eendag is eendag”, wat jou leer om in jouself te glo en nie nee te sê vir geleenthede wat oor jou pad kom nie.

Die titel van die boek kan misleidend wees en jy kan dalk dink dat ál die stories oor die see gaan, maar dit is nie so nie.

Dit verander egter niks aan die feit dat sommige van die verhale goed genoeg is om in voorgeskrewe hoërskoolboeke of -eksamens gebruik te word nie. –Netwerk24

Soortgelyk

 

Geingob: Gelukkig Vrouedag, vroue

1 dag gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

1 dag gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

1 dag gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...

Jeuggeweld ruk Outjo

2 dae gelede | Misdaad

Denver Kisting Drie jongelinge van Outjo is steeds agter tralies nadat hulle glo sowat 'n maand gelede twee ander jong mans binne 43 minute doodgesteek...

Minister gee Nida nuwe raad

2 dae gelede | Plaaslik

Ogone Tlhage – Die raad van die nuwe agentskap vir nywerheidsontwikkeling in Namibië (Nida) sal gereeld moet vergader om homself as semi-staatsinstelling te vestig. So...