Sterftes neem sesvoudig toe

2 075 gevalle teenoor Desember se 638

18 June 2021 | Gesondheid
Henriette Lamprecht – Die Covid-sterftes vir Namibië het bykans sesvoudig die afgelope ses maande toegeneem – vanaf 16 sterftes per week in Desember verlede jaar tot gemiddeld 83 sterftes per week in Junie.

Volgens die minister van gesondheid en maatskaplike dienste, dr. Kalumbi Shangula, geld die skerp opwaartse kurwe ook vir die persentasie van positiewe weefselmonsters as ’n persentasie van die totale weefselmonsters op enige gegewe dag. In Desember 2020 was dié koers gemiddeld 24%, teenoor die huidige 34%.

Met verwysing na die hoogste aantal positiewe gevalle op ’n enkele dag sê Shangula in Desember is 638 gevalle op Kersdag aangeteken. Dit teenoor die 2 075 wat Woensdag in die land aangeteken is.

Op Kersdag verlede jaar was 224 mense in die hospitaal en 36 in ICU. Woensdag was 400 mense in die hospitaal, 84 in ICU en 56 in hoësorg – dubbel die aantal kritieke, gehospitaliseerde gevalle van ses maande gelede.

Volgens Shangula is die besettingskoers in die meeste Covid-isolasie- en ICU-eenhede in beide die private en openbare sektor op enige gegewe dag tussen 67% tot 100%.

Teen Woensdag was die herstelkoers vir die land ’n skrale 82%, teenoor die 94% van ’n paar maande gelede.

Die minister het ook verwys na Windhoek wat nou meer as die helfte van die land se gevalle het, met 1 128 wat Woensdag in die hoofstad getel is.

Shangula het die skerp stygings in sterftes en positiewe gevalle as “kommerwekkend” beskryf en gesê toenemende hospitalisasies plaas “ongelooflike druk” op die gesondheidstelsel met betrekking tot beskikbare personeel, geriewe, toerusting, voorrade en kommoditeite.

“Daar is ’n duidelike hoë aanvraag na suurstof en persoonlike beskermende uitrusting,” het hy beklemtoon.

Die toenemende aantal nuwe infeksies en hospitalisasie van pasiënte met baie ernstige tot kritieke simptome beteken volgens Shangula geweldige en toenemende druk op beskikbare hoësorg- en ICU-eenhede in beide private en openbare gesondheidsgeriewe.

Die minister sê maatreëls word tans ingestel om verwysingshospitale se besettingsyfers te verminder deur die aantal elektiewe chirurgiese gevalle en nie-ernstige gevalle wat hierheen verwys word, tydelik op te hef.

“Dit sal help om die las op menslike hulpbronne, ruimte en voorrade by dié hospitale te verlig.”

In terme van toetsing vir Covid is Namibië nou volgens Shangula nr. 2 in Afrika ná Suid-Afrika, met ’n koers van 94 per 1 000 inwoners wat getoets word. Die minister het ook verwys na die land se kapasiteit vir genome-toetsing wat Namibië nou in staat stel om die variante te identifiseer wat tans hier voorkom, iets wat nie tydens die tweede golf moontlik was nie.

Oor begrafnisse sê Shangula slegs tien persone mag dit bywoon en net wegneemetes mag bedien word.

Bestuurders en werkgewers word aangemoedig om skofte by werksplekke in te stel om interaksie tussen personeel en sodoende infeksies te verminder. Gimnasiums en fiksheidsgeriewe is tydens die huidige beperkingstydperk gesluit. Toegang tot Namibië per pad of vliegtuig word toegelaat tydens die huidige tydperk, met reisigers wat vooraf moet reëlings tref om na hul bestemmings te vertrek. Toeriste wat die land deur die ingeperkte gebiede (Rehoboth, Windhoek en Okahandja) wil verlaat, sal met die nodige bewyse by padblokkades deurgelaat word.

[email protected]

Soortgelyk

 

70 sterftes, 1 193 gevalle

6 ure gelede | Gesondheid

Die ministerie van gesondheid en maatskaplike dienste het 70 Covid-sterftes bekendgemaak waarvan 36 in Junie was. Windhoek het 26 aangeteken, gevolg deur 12 in Rundu,...

Zuma op Escourt in aanhouding ná nagtelike oorgawe

22 ure gelede | Afrika

Oudpresident Jacob Zuma het hom Woensdagaand aan die polisie oorgegee om sy 15 maande tronkstraf wat hom weens minagting van die hof opgelê is, uit...

Lugreus bring noodvoorraad

22 ure gelede | Internasionaal

Ronelle Rademeyer – ’n Antanov AN-255, met vlugnommer ADB566F, sal na verwagting om 13:00 vandag by die Internasionale Lughawe Hosea Kutako neerstryk met die eerste...

Waninligting oor entstowwe strafbaar

22 ure gelede | Gesondheid

Henriette Lamprecht – Enige geregistreerde gesondheidspraktisyn wat bevind word dat hy of sy verkeerde inligting oor Covid-19, die entstowwe en terapie oordra, sal vir onprofessionele...

Weer vir 8 Julie 2021

22 ure gelede | Weer

BINNELAND: Aanvanklik koud, maar andersins gedeeltelik bewolk en matig tot warm in die //Kharasstreek met enkele buie. Elders sonnig tot warm. Koue toestande sal intree...

Entveldtog verloor stoom

22 ure gelede | Gesondheid

Dani Booysen – Beskikbare immuniseringsdata vir Namibië wat moet toon hoe die stryd teen Covid-19 vorder, wys tweede inentings word steeds gedoen ondanks die opdrag...

Kerina ter ruste gelê in hoofstad

22 ure gelede | Gemeenskap

Augetto Graig – Prof. Mburumba Kerina is gister in die Khomasdal-begraafplaas in die hoofstad begrawe. Die man wat Namibië sy naam gegee het, is saam...

Troeteldiere stroom nie in by DBV's

22 ure gelede | Gemeenskap

Tanja Bause – Sedert die begin van die Covid-19-pandemie is daar nie 'n toename in honde wat landswyd by dierebeskermingsverenigings (DBV's) afgelaai word nie. Me....

Wie is Delta?

22 ure gelede | Gesondheid

Henriette Lamprecht – Die hoogs aansteeklike Delta-variant wat in weefselmonsters van bevestigde Covid-19-gevalle in die Khomasstreek gevind is, is in Mei as ’n “kommerwekkende variant”...