Statebondsoldate op Swakopmund herbegrawe

15 November 2017 | Geskiedenis
Die beëindiging van die Eerste Wêreldoorlog is Sondag op ­Swakopmund herdenk.

Die Statebond se kommissie vir oorlogsgrafte (CWGC) het by die geleentheid 'n hertoewyding vir die oorskot van statebondsoldate wat in die Tweede Wêreldoorlog (WOII) gesterf het, en ook 'n herinneringsdiens gehou.

Die CWGC en verteenwoordigers van die diplomatieke sendings van Brittanje, Suid-Afrika en Duitsland het die geleentheid in die Swakopmundse munisipale begraafplaas bygewoon. Soos wêreldwyd in statebondslande die geval is, het die verrigtinge om 11:00 begin.

By die geleentheid is die grafte hertoegewy van 12 slagoffers van WOII wat onlangs op Walvisbaai opgegrawe en op Swakopmund herbegrawe is. Agt van die ontslape soldate was Suid-Afrikaners en vier het in die Britse koninklike vloot gedien.

By die geleentheid het die Britse verdedigingsattaché, kol. Alan Litster OBE RM, gesê: “As die nie-inwonende verdedigingsraadgewer vir Namibië was dit 'n groot eer en voorreg om die Verenigde Koninkryk se ministerie van verdediging en die Britse hoëkommissariaat in Namibië by hierdie hertoewyding en herinnering­seremonie te verteenwoordig.

“Dit maak 'n mens nederig om te sien op hoe 'n respekvolle wyse die oorskot van dienspersoneel van die Verenigde Koninkryk en Suid-Afrika ter ruste gelê is in die pragtige omgewing van die Swakopmundse munisipale begraafplaas. Ek is besonder dankbaar vir die CWGC en die Namibiese regering vir hul bystand by hierdie belangrike geleentheid," het hy gesê.

Wapenstilstandsdag word jaarliks op 11 November herdenk om die dag in 1918 toe die gevegte in die Eerste Wêreldoorlog beëindig is, in herinnering te roep. Die geallieerde magte en Duitsland het om 05:00 'n wapenstilstandsooreenkoms in 'n treinkompartement in die Woud van Compiegne in Frankryk onderteken en om 11:00 is gevegte beëindig. Koning George V het in 1919, vier dae voor die eerste herdenking van Wapenstilstandsdag, aangekondig dat twee minute van stilte waargeneem sal word. Dit word elke jaar op die elfde uur van die elfde dag van die elfde maand gedoen.

Soortgelyk

 

Moord-selfmoord ruk Oshakati

1 dag gelede | Misdaad

‘n Moorddossier is op Oshakati geopen nadat ‘n man na bewering eers sy vrou en toe daarna homself in die Ehenye-nedersetting op die dorp geskiet...

Vier sterf in grubotsing

1 dag gelede | Ongelukke

Vier mense is gisteraand in 'n grubotsing op die pad tussen Okahandja en Karibib dood. Volgens die Namibiese polisie se woordvoerder vir die Otjozondjupastreek, ao....

Resessie klou verbete

1 dag gelede | Regering

Jo-Maré DuddyMet groei van -0,8% in die derde kwartaal het Namibië sy taaiste drie maande nóg vanjaar beleef en sit die twee swaargewigte wat die...

Meteoorreën bereik sy piek

1 dag gelede | Weer

Elvira HattinghNamibiërs kan uitsien na die Geminides-meteoorreën wat vanaand sy piek bereik.Sowat 100 verskietende sterre sal per uur gesien kan word – mits jy op...

Vuurkuns

1 dag gelede | In beeld

Clinton Fisch het hierdie besondere foto geneem deur staalwol aan die brand te steek en dit tussen staaldrade in te druk wat in die rondte...

Weer, Vrydag 14 Desember 2018

1 dag gelede | Weer

BINNELAND: Mooiweer en matig in die suidweste. Elders sal dit gedeeltelik bewolk en baie tot bloedig warm met enkele dondebuie wees.KUS: Gedeeltelik bewolk en koel...

Eksamenuitslae Donderdag bekend

1 dag gelede | Onderwys

Die voorlopige uitslae vir graad 10-(JSC) en graad 12-(NSSC)hoërvlakkandidate – voltydse en deeltyds – word eerskomende Donderdag amptelik bekend gemaak. Die uitslae sal op die...

Unam-studente moet meer opdok

1 dag gelede | Onderwys

Henriette Lamprecht – Die finansiële verknorsing waarin die Universiteit van Namibië (Unam) verkeer, tesame met die algemene ekonomiese vooruitsig vir die land het die universiteitsraad...

1,6 miljoen toeriste kom kuier in 2017

1 dag gelede | Toerisme

Francoise Steynberg - Toerisme het met 2,2% van 2016 af tot verlede jaar gegroei, en 1 608 018 buitelandse toeriste het Namibië in 2017 by...