Staking by banke dalk nog afgeweer

25 September 2019 | Bankwese
Hanlie Stadler



As jy dié week in Suid-Afrika banksake moet doen, probeer om dit vóór Vrydag af te handel of om dit oor die internet of jou bank se app te doen.

Die vakbond vir die banksektor, Sasbo, gaan voort met 'n beplande staking Vrydag uit protes teen die manier waarop banke herstruktureer. Dit sluit in die spoed ­waarteen fisieke takke gesluit en mense afgelê word.

Daar is wel sprake dat die staking afgeweer sal kan word. Die arbeidshof in Johannesburg lewer vandag uitspraak in 'n aansoek om 'n interdik teen die staking.

Joe Kokela, hoofsekretaris van Sasbo, het voorheen gesê tussen 30 000 en 40 000 mense gaan aan die staking deelneem. Nagenoeg die helfte van die stakende werkers is in Gauteng.

Intussen het die Suid-Afrikaanse Inkomstediens (SAID) Maandag gewaarsku dat die staking 'n uitwerking op betalings aan en van die SAID kan hê.

Belastingbetalers word daarom aangemoedig om teen vandag alle betalings aan die SAID te gedoen het.

Netwerk24 wag op banke se individuele reaksie op hoe hulle vir die staking voorberei en sal dit bywerk soos dit ontvang word.



FNB se reaksie

• FNB sê die bank het gebeurlikheidsplanne opgestel om te probeer verseker dat sy dienste nie deur die staking ontwrig word nie.

• Die bank doen ook 'n beroep op kliënte om Vrydag hul banksake deur die FNB-app, kitsbanke, aanlyn en selfoonbankdienste te doen.

• Die bank sê hy ondersteun die bedryf se pogings om vriendskaplike oplossings te vind vir die probleme wat die vakbond opper.



Nedbank se reaksie

Deb Fuller, groephoof van mensehulpbronne by Nedbank, sê die bank het alle nodige voorsorg getref om die ontwrigting vir kliënte en personeel te verminder en te verseker dat alle dienste kan voortgaan.

Die bank verwag nie groot ontwrigting aan sy bedrywighede nie, maar sommige takke kan minder mense aan diens hê.

Kliënte word aangemoedig om kitsbanke en digitale platforms te gebruik, wat ten volle op dreef sal bly.

Nedbank verseker dat hy “konstruktief” met Sasbo in gesprek bly oor hul kommer oor werkverliese. “Werkverliese is altyd ons laaste opsie soos ons ons bank aanpas by die veranderende behoeftes van ons kliënte, wat toenemend digitale platforms vir hul behoeftes gebruik.”

– Netwerk24

Soortgelyk

 

Oudpres. Hosni Moebarak van Egipte sterf

1 uur gelede | Internasionaal

Die voormalige Egiptiese president Hosni Moebarak is dood, het die staatstelevisie berig.Hy was 91.Moebarak is in 2011 ontsetel ná 'n bewind van sowat 30 jaar....

Nege vas oor renosterhorings

1 uur gelede | Misdaad

Nege verdagtes is verlede week in verband met renosterstropery of -horingsmokkelary in hegtenis geneem. Volgens die wildmisdaadverslag van 17 tot 23 Februarie is beslag op...

Gesoek: Namibiërs wat in China woon, studeer

3 ure gelede | Ministeries

Die Namibiese ambassade in China is in die lig van die uitbreking van die corona virussiekte (covid 19) besig om sy lys op te dateer...

Ministerie bemagtig mans én vroue

3 ure gelede | Ministeries

Die algemene siening dat die ministerie van geslagsgelykheid en kinderwelsyn net vir vroue en kinders is, is onwaar en onproduktief. “Sommige mans dink hierdie ministerie...

Damme voller

14 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

14 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Weerlig slaan meisie (11) dood

14 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

14 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

14 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...