Stadskinders se band met natuur herstel

30 January 2019 | Omgewing
Verlede jaar het meer as 2 500 graad 3- en graad 4-leerlinge aan ’n prettige, interaktiewe omgewingsopvoedingsprogram genaamd KEEP deelgeneem, wat deur die Giraffe Conservation Foundation in die Daan Viljoen-wildreservaat geïmplementeer is.

GCF is die enigste organisasie ter wêreld wat slegs op die bewaring en bestuur van kameelperde in Afrika fokus, en bied ook die grootste omgewingsonderrigprogram aan.

KEEP is in 2016 van stapel gestuur ná die GCF se direkteure tot die besef gekom het baie jong Namibiërs wat in Windhoek woon, het nog nooit ‘n kameelperd gesien nie.

Dít ten spyte van die feit dat dié ikoniese diere op hul voorstoep woon. KEEP het ten doel om jong Namibiërs te inspireer om vir die omgewing om te gee deur hulle die geleentheid te gun om hul bande met die natuur te herstel.

Dit is spesifiek vir graad 3- en graad 4-leerlinge uit laerskole in die Khomasstreek ontwikkel – juis om stadskinders uit die klaskamer en in die natuur te kry.

Tydens ‘n dag in die natuur verwyl die leerlinge hul tyd met die opspoor van wildlewe, die identifisering van plant- en dierspesies en deur meer te leer oor uitdagings van bewaring in Namibië.

GCF glo KEEP kan help om ‘n kultuur van omgewingsbewustheid, maatskaplike verantwoordelikheid en ook aksie te vestig, wat toekomsleiers met die nodige vaardighede sal toerus om meer volhoubaar te leef.

‘n Spesiaal ontwikkelde werkboek word as hulpbron tydens natuuruitstappies aangewend.

Dit fokus op omgewingstemas en hou nou verband met die leerplan vir laerskole.

“Ons span geniet die geleentheid om ons passie vir die kameelperd en die natuur daagliks met die jong leerlinge te deel. Dit is soms uitputtend, veral op baie warm somersdae, maar ons is mal oor wat ons doen,” sê me. Naemi Antonius, ’n KEEP-spanleier by GCF.

Dit is KEEP se vierde bestaansjaar en tot dusver het meer as 6 600 leerlinge en 200 onderwysers aan die program deelgeneem. Die program word deur die ministeries van die omgewing en toerisme, en van basiese onderwys, kuns en kultuur onderskryf en ondersteun.

Nedbank GoGreen Fund en die Pupkewitz-stigting ondersteun ook die projek, terwyl ‘n safarimaatskappy, Natural Selection, ook beduidende finansiering verskaf.

“Die hoogtepunt van die KEEP-dag was die vreugde op my leerlinge se gesigte. Sommige het nog nooit ‘n kameelperd of ‘n sebra gesien nie en kon dit danksy KEEP doen,” sê een van die onderwysers.

Meer inligting is op die webtuiste www.giraffeconservation.org of by 081 642 3271 beskikbaar.

Soortgelyk

 

Operasie Kalahariwoestyn hervat

46 minute gelede | Polisie

Die omstrede teenmisdaadoperasie Kalahariwoestyn hervat eerskomende Maandag.Die nasionale polisiewoordvoerder, adj.komm. Edwin Kanguatjivi, het Dinsdagmiddag in Windhoek gesê die veldtog en sy voorganger, Hornkrantz, help om...

Chasing your dream

16 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

16 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

16 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

16 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

16 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

16 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

16 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

16 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...