Staatsrede: Nuwe besem vee vinniger, meen ekonome

‘Vertroue sal beleggers lok’

11 February 2019 | Ekonomie
Francois Williams – Die nuwe besem vee vinniger, is hoe prof. Jannie Rossouw van Wits se skool vir ekonomiese en bestuurswetenskappe pres. Cyril Ramaphosa se staatsrede beskryf.

Die rand het in reaksie op die staatsrede teen die dollar verstewig.

Eskom opgedeel

Kenners is veral beïndruk met die drastiese aankondiging oor Eskom.

Chris Yelland, uitgewer van EE Publishers, sê Ramaphosa het ’n baie duidelike boodskap uitgestuur dat fundamentele herstrukturering by Eskom gaan plaasvind.

Ramaphosa het selfs verder gegaan as wat Yelland verwag het, deurdat drie afsonderlike entiteite binne Eskom geskep gaan word en dat die transmissie-afdeling reeds nou al voorberei sal word om ’n onafhanklike netwerkoperateur te word.

“Dit wys hy het ’n visie en plan vir die energiesektor. Daar hoef nie nog gewag te word vir wetgewing (die sogenaamde Ismo-wetsontwerp) om die netwerkoperateur te skep nie.”

Yelland meen Ramaphosa het ook die nodige gerusstelling aan die vakbonde gegee dat hulle gekonsulteer sal word oor die veranderings by Eskom.

Ted Blom, konsultant van Mining & Energy Advisors, het vroeër gesê om Eskom in drie te verdeel, is nie genoeg nie. ’n Grondige herskikking van die Suid-Afrikaanse energiemark is nodig.

Rossouw is wel bekommerd dat daar steeds onduidelikheid is oor hoe die regering Nasionale Gesondheidsversekering wil finansier aangesien die vorige weergawe al by die R600 miljard sou kos.

“Ons sal die detail moet sien, hoe die rykes die armes gaan subsidieer,” sê hy.

“Wat baie positief is, is die herbesinning oor die optimale grootte van die staat, die hernieude fokus op vervolgingskapasiteit en die pogings om geld terug te kry wat gesteel is deur korrupsie.

“Ons hoop dit sal werk, want die geld wat teruggekry word, sal vir ander projekte aangewend kan word.”

Oor die verdeling van Eskom in drie meen Rossouw wat Eskom baie dringend nodig het is om sy kostestruktuur te verlaag en sy personeel te verminder.

“Eskom doen sake in ’n krimpende mark. Hy verstaan self nie mooi of sy verkope krimp weens hoër pryse of weens die onbetroubaarheid van sy kraglewering nie, maar hy is op ’n afwaartse spiraal.”

Dawie Klopper, ekonoom van PSG, meen Ramaphosa verstaan die noodsaak om die ekonomie te herstel. “Die aankondiging oor Eskom is baie korrek en belangrik.

“Privatisering behoort daarby te kom, maar die klem is reg. Hierdie is die soort goed wat die mark wil hoor.”

Die rand het van die begin van Ramaphosa se toespraak van sowat R13,66 teenoor die dollar tot soveel as R13,57 versterk, wat ’n aanduiding kan wees dat die kapitaalmarkte ook hou van wat Ramaphosa gesê het.

Die enigste bron van korttermyn-groei tans is investering, sê Klopper.

“Daarom is dit goed dat Ramaphosa daarop klem gelê het. As jy die vertroue herstel, sal plaaslike en buitelandse investering terugkom. Dis ’n baie beter staatsrede as die vorige president s’n.” – Netwerk24

Soortgelyk

 

Kameelperde nou internasionaal beskerm

1 dag gelede | Omgewing

Kameelperde spog nou met internasionale beskerming. Die meerderheid van die 183 lidlande by die Konvensie vir die Handel in Bedreigde Spesies (Cites) se 18de beraad...

7 sterf op vooraand van langnaweek op paaie

1 dag gelede | Ongelukke

Sewe mense het Donderdagnag in vier verskillende padongelukke in die land gesterf.Die eerste noodlottige ongeluk het sowat 17 kilometer noord van Otjiwarongo plaasgevind en twee...

Dubbele betaling van toelae in Augustus 'n fout

1 dag gelede | Ministeries

Sommige begunstigdes het ’n dubbele betaling van hul maatskaplike toelaag vir Julie en Augustus ontvang. Volgens die minsterie van armoedeverligting en maatskaplike welsyn was die...

Opposisie eis Imalwa se kop

1 dag gelede | Misdaad

Ellanie SmitOpposisiepartye het gister deur die bank geëis dat aanklaer-generaal Martha Imalwa se kop oor veral die hantering van die verlore GIPF-miljoene rol.Terselfdertyd het die...

Gestrande walvis: Polisie verjaag skare

1 dag gelede | Omgewing

Tanja Bause Die Namibiese polisie en hul spe­siale taakmag se hulp moes gister ingeroep word ná omstanders op die lewende, gestrande boggelrugwalvis by Onafhanklikheidstrand op...

Werknemers wil hoofstad melk

1 dag gelede | Regering

Denver Kisting Werknemers van die Windhoekse stadsraad (CoW) wil binne 14 dae antwoorde van die raad hê oor hul eis vir 'n 15%-salarisverhoging.Voltydse werknemers dring...

Weer, Vrydag 23 Augustus 2019

1 dag gelede | Weer

BINNELAND: Sonnig en baie warm, maar warm in die Khomasstreek.KUS: Sonnig en baie tot bloedig warm met sandstorms plek-plek.GETYE BY WALVISBAAI: H 08:02 L 13:50...

Katrina weer eens in ACC se visier

1 dag gelede | Misdaad

Denver Kisting Die aanklaer-generaal, me. Martha Imalwa, het dié week erken die vervolgingsgesag het Katrina Hanse-Himarwa opnuut in sy visier.Imalwa het Woensdagmiddag gesê die Teenkorrupsiekommissie...

Kalender 23 Augustus

1 dag gelede | Kuns en vermaak

Nou aan die gang» Lotus Zen Den bied vandag ’n mindfulness-werkwinkel vir tieners aan. Die idee is om hul hanteringsvaardighede in die vinnige wêreld waarin...