Staatshuis ontrafel onwettige hysbak

Denver Kisting - Pres. Hage Geingob het 'n ondersoek gelas nadat 'n hysbak verlede week onwettig by 'n gastehuis van die eerste minister se kantoor aangebring is.
Dié onwettige hysbak is glo ten bedrae van bykans N$1 miljoen op die perseel in Eros opgerig.
Dr. Alfredo Hengari, Geingob se woordvoerder, het Vrydagaand in 'n verklaring gesê die staatshoof het al herhaaldelik teen die verkwisting van staatshulpbronne gemaan.
Dié nuus kom ná 'n onlangse onthulling dat die voormalige vispresident, dr. Nickey Iyambo, tans tydelik in die gastehuis gehuisves word.
Amb. Martin Andjaba, die minister gelas met presidensiële aangeleenthede, het onlangs in die Nasionale Vergadering (NV) belowe geen veranderinge sal by die gastehuis aangebring word nie.
Dit blyk die hysbak is kort hierna aangebring.