Staatsdiensunie maan oor wanbestuur, korrupsie
Die PSUN sê die haas om staatsondernemings te sluit, moet gehalt word.
Mnr. Victor Kazonyati, die sekretaris van die Staatsdiensunie (PSUN), het gewaarsku oor die verlies aan werkgeleenthede by staatsondernemings - veral noudat die skrif aan die muur is vir sommiges.
Kazonyati sonder die Paaiekonstruksiemaatskappy (RCC) uit en sê die valbyl wag vir dié instansie.
“Die debat oor die sluiting van die RCC vind hoofsaaklik in die wandelgange van mag plaas, waar dit oënskynlik die enigste plek is waar dit nog saak maak of die RCC oorleef of sterf.
“Hierdie debat is ouer as dié wat die onlangse sluiting van die SME Bank, ná die verdwyning van ‘n aansienlike som geld, voorafgegaan het,” sê hy in ‘n verklaring.
Volgens Kazonyati is daar enkele ministers wat daarop aandring dat onderpresterende staatsondernemings hul deure sluit.
Hy sê die meeste van die bestaande staatsondernemings is as gevolg van die subtiele dwang van die Wêreldbank se strukturele aanpassingsbeleid tot stand gebring.
“Georganiseerde arbeid was en is steeds om verskeie redes teen die totstandkoming van hierdie staatsondernemings gekant, hoofsaaklik omdat dit werksekerheid bedreig,” het hy gesê.
Kazonyati sê in die dokumentasie waarvolgens die instansies tot stand gekom het, is die versekering gegee dat werknemers se aanstellings nie in die gedrang sal kom nie.
“Soos wat daar nou van staatsondernemings ontslae geraak word, is dit werknemers wat aan die kortste end trek, soos ons die afgelope jare waarsku,” het hy bygevoeg.
Hy sê in die laat 1990's en vroeë 2000's het Namibië nie oor die vereiste plaaslike mannekrag beskik om hierdie entiteite behoorlik te bestuur nie.
Die versekering dat buitelanders aangestel sou word om plaaslike personeel op te lei om by hulle oor te neem, het duidelik nie geslaag nie - soos in die geval van die SME Bank bewys is.
Hy meen die haas om hierdie ondernemings te sluit, moet gehalt word omdat Namibië reeds ‘n baie hoë werkloosheidsyfer het. Hierbenewens versorg elke werkende Namibiër minstens agt mense.
Hy vra dat die publiek behoorlik ingelig word oor al die faktore wat van toepassing is op die sluiting van staatsondernemings.
Kazonyati sonder die Paaiekonstruksiemaatskappy (RCC) uit en sê die valbyl wag vir dié instansie.
“Die debat oor die sluiting van die RCC vind hoofsaaklik in die wandelgange van mag plaas, waar dit oënskynlik die enigste plek is waar dit nog saak maak of die RCC oorleef of sterf.
“Hierdie debat is ouer as dié wat die onlangse sluiting van die SME Bank, ná die verdwyning van ‘n aansienlike som geld, voorafgegaan het,” sê hy in ‘n verklaring.
Volgens Kazonyati is daar enkele ministers wat daarop aandring dat onderpresterende staatsondernemings hul deure sluit.
Hy sê die meeste van die bestaande staatsondernemings is as gevolg van die subtiele dwang van die Wêreldbank se strukturele aanpassingsbeleid tot stand gebring.
“Georganiseerde arbeid was en is steeds om verskeie redes teen die totstandkoming van hierdie staatsondernemings gekant, hoofsaaklik omdat dit werksekerheid bedreig,” het hy gesê.
Kazonyati sê in die dokumentasie waarvolgens die instansies tot stand gekom het, is die versekering gegee dat werknemers se aanstellings nie in die gedrang sal kom nie.
“Soos wat daar nou van staatsondernemings ontslae geraak word, is dit werknemers wat aan die kortste end trek, soos ons die afgelope jare waarsku,” het hy bygevoeg.
Hy sê in die laat 1990's en vroeë 2000's het Namibië nie oor die vereiste plaaslike mannekrag beskik om hierdie entiteite behoorlik te bestuur nie.
Die versekering dat buitelanders aangestel sou word om plaaslike personeel op te lei om by hulle oor te neem, het duidelik nie geslaag nie - soos in die geval van die SME Bank bewys is.
Hy meen die haas om hierdie ondernemings te sluit, moet gehalt word omdat Namibië reeds ‘n baie hoë werkloosheidsyfer het. Hierbenewens versorg elke werkende Namibiër minstens agt mense.
Hy vra dat die publiek behoorlik ingelig word oor al die faktore wat van toepassing is op die sluiting van staatsondernemings.
Kommentaar
Republikein
Geen kommentaar is op hierdie artikel gelaat nie