Staat sluit sy saak in Maree se borgaansoek

Hof aanvaar nie petisie as bewysstuk

15 September 2021 | Howe
Kristien Kruger – Die vier dae lange hofverrigtinge rakende die vermeende pedofiel wat tereg staan op 40 klagte van onder meer verkragting en die vervaardiging en verspreiding van pornografie, se formele aansoek om borgtog is gister afgehandel.

Die regspartye is versoek om op 1 Oktober geskrewe betoë te lewer en die uitspraak sal hierna volg.

Mnr. Johann Maree word daarvan beskuldig dat hy sowat 34 jong seuns in Windhoek vir pornografie verkrag en misbruik het.

Gister se hofverrigtinge het hervat waar dit op 9 September verdaag het, met die kruisverhoor van insp. Christina Simaho wat vir die staat getuig het.

Die staatsaanklaer, mnr. Phelem Like, het 'n berig van Republikein, wat geskryf is net toe die saak aan die lig gekom het, as bewysstuk ingedien om die openbare belang te demonstreer.

Hy het ook gepoog om 'n petisie teen Maree se vrylating op borgtog, wat deur sowat 1 700 mense wêreldwyd onderteken is, as 'n bewysstuk in te dien, maar die hof het dit nie aanvaar nie omdat dit 'n elektroniese petisie is, sonder handtekeninge of kontakbesonderhede en sonder dat dit deur iemand met outoriteit geverifieer is.



SIMAHO SE KRUISONDERVRAGING

Simaho het borgtog op grond van agt besware teengestaan. Haar besware sluit in die erns van die oortreding, die feit dat die staat 'n sterk saak teen die beskuldigde het, en die risiko dat die beskuldigde sal vlug of by die ondersoek en getuies sal inmeng.

Maree se verteenwoordiger, me. Eva Nangolo, het tydens gister se kruisverhoor gesê Simaho is eers in Mei vanjaar as die hoof van die polisie se eenheid vir die beskerming van vroue en kinders aangestel. Sy is eers as hoofondersoekbeampte aangestel nadat die ondersoek reeds voltooi is.

“Jy het nooit hierdie saak ondersoek nie,” het Nangolo gesê.

Nangolo het verder beweer dat Maree, indien hy borgtog toegestaan word, op 'n plaas 10 km buite Groot Aub gaan woon en daarom nie by getuies kan inmeng nie.

Sy het ook uitgewys Simaho is in kontak met die kinders se ouers en sal daarom onmiddellik in kennis gestel word indien Maree met een van die kinders kontak maak.

Simaho het gesê: “Hy weet waar die kinders bly, waar hulle skoolgaan en aan watter sport hulle deelneem.

“Hy sal hulle vind en hulle manipuleer om nie vir hul ouers te sê dat hy interaksie met hulle gehad het nie.”

Nangolo het ernstig beswaar gemaak teen Simaho se stelling dat Maree 'n manipuleerder is.

“Jy ken hom nie persoonlik nie, maar jy maak afleidings dat hy 'n manipuleerder is,” het Nangolo gesê.

'OPGEMAAKDE VERKLARINGS'

Nangolo het weer eens, nes die geval met komm. Nelius Becker se kruisondervraging, beweer die slagoffers het nie die polisie genader om verklarings af te lê nie, maar dat hulle na die kinders gegaan het.

Sy beweer die verklarings is opgemaak, of dat die polisie die kinders gelei het om verklarings af te lê wat nie die waarheid is nie.

Hierop het Simaho geantwoord dat daar spesifieke maatreëls is wat gevolg moet word wanneer verklarings van minderjariges geneem word.

“Die polisie het baie reëls en riglyne wat hulle daagliks ontwyk,” het Nangolo gesê.

Tydens herondervraging deur die staat het Simaho gesê die aflê van alle verklarings is volgens die reëls gedoen.

Meer as tien verklarings is glo afgelê waarby Simaho, volgens Nangolo, slegs by een teenwoordig was.

Maree het op 24 Augustus die getuienisbank ingeneem en hy is deur die staat kruisondervra. Nangolo het geen ander getuies geroep nie.

Die staat het tydens die formele aansoek om borgtog twee getuies geroep – Simaho en Becker – en het gister hul saak afgesluit.

[email protected]

Soortgelyk

 

Hengari at the forefront of the youth agenda

2 ure gelede | Skole

Rivaldo Kavanga Hailing from Okakarara in the Otjozondjupa Region, Inna Koviao-Vetarere Hengari (25) is Namibia’s youngest elected parliamentarian. She currently leads the youth agenda...

For the love of reading

2 ure gelede | Onderwys

The Presidential Advisor on Youth Matters and Enterprise Development, Daisry Mathias, joined learners at Fidel Castro Primary School to mark 2021 National Readathon Week. Mathias...

New education act, regulations in final stages

2 ure gelede | Onderwys

Iréne-Mari van der Walt The regulations adjacent to the new education act are in their final stages, according to the education inspector for...

Let’s talk about it

2 ure gelede | Skole

Monique Adams On Thursday, 2 September, the Office of the First Lady and One Economy Foundation facilitated an intergenerational dialogue with young people.This dialogue looked...

Jong skoonheid met 'n hart van goud

2 ure gelede | Skole

Mariselle Stofberg – Vir Chanique (Chani) Rabe wat onlangs as die nuwe Mej. Supranasionaal 2021 aangewys is, is haar passie vir jeug- en gemeenskapsontwikkeling ’n...

Windhoek Hospitality and Culinary College introduces new programme

2 ure gelede | Onderwys

Desiree Gases The Windhoek Hospitality and Culinary College (WHCC) is introducing Namibia Training Authority’s (NTA) level two housekeeping, laundry and front office programme with an...

Following in my father’s footsteps

2 ure gelede | Skole

Amalia Cloete I am currently studying at the International Training College Lingua. I am doing an honours degree in human resource (HR) management, and this...

Pupkewitz Megabuild launches 2022 graduate programme

2 ure gelede | Onderwys

Wetumwene Shikage The Pupkewitz Megabuild Graduate Programme initiative is aimed at supporting newly graduated students to gain work experience, which will serve as an additional...

Rundu in die donker

9 ure gelede | Energie

Inwoners van Rundu is sedert 10:00 vanoggend sonder krag. Volgens NamPower se areabestuurder vir die noordelike streek, mnr. Petrus Immanuel, is dit weens tegniese...