Staat se saak swak, spoeg Sisa

‘Orgie van leuens en manipulasie’

23 May 2019 | Howe
Denver Kisting – Dit sal vir enige objektiewe mens absurd wees om die orgie van leuens en manipulasie te ignoreer.

Ondanks die oordrewe ophef, is die staat se saak teen me. Katrina Hanse-Himarwa maar bra swak.

Só vaar die minister van onderwys, kuns en kultuur se prokureur, mnr. Sisa Namandje, in sy betooghoofde teen die staat uit.

Dié dokument beslaan 213 bladsye.

Volgens Namandje bereik ’n mens dié gevolgtrekking as mens kyk na die ophef wat die ondersoek teen haar en die uiteindelike vervolging vergesel het.

“Wanneer dit behoorlik, regverdig, onpartydig en objektief teen die reg opgeweeg word, is dit, met respek, baie swak,” sê Namandje.

Hy sê die staat het ’n hele “woud getuies geroep wie se getuienis in die algemeen met wesenlike teenstrydighede, onwaarskynlikhede en inkonsekwenthede deurspek is”.

Volgens hom is “dié duidelike kenmerk regdeur die staat se saak vererger deur korrupsie deur getuies of hul getuienis deur agente van die Teenkorrupsiekommissie (ACC)”.

Hy sê die beweerde korrupsie is deur middel van manipulasie van en inmenging met beëdigde verklarings gepleeg.

Die prokureur vaar uit teen “die orgie van leuens, manipulasie en verberging deur staatsgetuies, wat duidelik op ’n groot skaal gepleeg is tot die mate wat dit absurd sou wees vir enigiemand wat objektief optree om dit te ignoreer”.

Namandje het gister sy slotbetoë afgehandel. Adjunk-aanklaer-generaal Ed Marondedze was reeds die vorige dag klaar met die staat s’n.

Mnr. Salomon Kanyemba het vir Marondedze tydens die verhoor bygestaan.

Die staat beweer Hanse-Himarwa het destyds in haar hoedanigheid as die goewerneur van die Hardapstreek aan ’n lys van begunstigdes onder die massabehuisingskema gepeuter.

Volgens die vervolgingsgesag kom dit op korrupsie neer.

Regter Christie Liebenberg het die saak Woensdag (gister) tot 8 Julie uitgestel.

Hanse-Himarwa sal dan haar lot hoor.

Soortgelyk

 

Vier wildehonde proe vryheid

18 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

18 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

18 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

18 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

18 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

18 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

18 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

18 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

18 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...