‘Staat moet ingryp by hoendermoles’

Geveg tussen invoerders en produsente bereik hoogtepunt

09 July 2019 | Landbou
Elvira Wood - Dit is tyd dat die regering ingryp om die twis vir eens en vir altyd tussen produsente en invoerders van pluimveeprodukte op te los.

Dít is die versoek van die vereniging van vleisinvoerders en -uitvoerders (Amie).

Amie het Donderdag in ’n verklaring ’n beroep op Thoko Didiza, minister van landbou, grondhervorming en landelike ontwikkeling, en Ebrahim Patel, minister van handel en nywerheid, gedoen om in te tree en ’n besluit te neem wat betref tariewe op ingevoerde hoenderstukke.

Die groot geveg gaan daaroor dat die Suid-Afrikaanse Pluimveevereniging (Sapa) wil hê die regering moet ’n invoertarief van 82% plaas op ingevoerde hoenderborsies, asook op hoenderagterkwarte.

Die tariewe is onderskeidelik 12% en 37%.

Amie staan dié aansoek by die kommissie vir internasionale handelsadministrasie (Itac) teen.

Amie is nie die enigste organisasie wat die aansoek teenstaan nie.

EBieSA, ’n organisasie wat 105 swart invoerders in die bedryf verteenwoordig, sê invoertariewe gee onregverdige beskerming aan die groot pluimveeprodusente ten koste van mededingers wat invoer. Dit jaag die prys op wat verbruikers vir hoender betaal en dit kan voedselsekerheid in die gedrang bring.

Die organisasie FairPlay, wat hom vir ’n billike handelsomgewing beywer, steun weer Sapa en sê die hoër tariewe is nodig om die plaaslike bedryf te help red.

Hoendervleis is die vleis wat die meeste deur Suid-Afrikaners geëet word.

FairPlay erken wel dat die verbruiker meer sal moet opdok as die tariefaansoek goedgekeur word.

“Sapa het die potensiële invloed op die kleinhandelprys ondersoek indien die tariefaansoek goedgekeur word,” het hy voorheen aan Netwerk24 in ’n e-pos gesê.

“Dit toon moontlike prysstygings wat wissel van 2% tot 12,3% vir verskillende snitte.”

FairPlay meen dié styging is egter “’n klein prys om te betaal vir die behoud en groei van die grootste komponent van ons landbousektor, en beleggings en uitbreidings wat duisende werkgeleenthede in armoedige landelike gebiede sal skep”.

Amie sê gesien die stand van die Suid-Afrikaanse ekonomie, is dit duidelik dat verbruikers dit bloot nie gaan kan bekostig om meer vir hoender te betaal nie.

“Verkope van hoender in Suid-Afrika het gedaal omdat die ekonomie ingekrimp het. Die onlangse aankondiging dat die bruto binnelandse produk met 3,5% gedaal het, bevestig dit.

“Die brandstofprys styg ook en verbruikers wat onder druk verkeer, se huishoudelike begrotings is onder druk,” sê Paul Matthew, uitvoerende hoof van Amie, in die verklaring.

“Die oplegging van addisionele tariewe op hoender sal by hierdie las voeg, en dit nie verlig nie. Die uitdagings wat die pluimveebedryf in die waardeketting ondervind, kan nie deur tariewe opgelos word nie.

“’n Omvattende en langtermynverbintenis deur alle belanghebbendes moet daargestel word.

“Ons doen ’n beroep op die regering om vinnig en in die belang van alle Suid-Afrikaners op te tree deur toepaslike stappe te doen om te keer dat ’n monopolie in ons belangrike pluimveebedryf geskep word,” sê hy. – Netwerk24

Soortgelyk

 

Vermeende gemsbokstroper gewond

6 ure gelede | Misdaad

'n Vermeende gemsbokstroper is Donderdag op 'n plaas in die Omaruru-distrik in die been gewond. Volgens die Namibiese polisie is 'n 49-jarige man omstreeks 17:00...

Kolonel, onderwyser vas oor wild

7 ure gelede | Misdaad

'n Weermagkolonel (51) van die Otavi-weermagbasis en 'n onderwyser is vanoggend omstreeks 01:00 met twee duikers, twee hase, twee springhase en een wildsbok by...

Leerlingdokters, -tandartse by staatshospitale uitgeplaas

7 ure gelede | Gesondheid

’n Totaal van 131 leerlingdokters is by verskeie hospitale dwarsoor die land uitgeplaas om met hul internskap van twee jaar te begin. Die leerlingdokters sal...

Hof: Minister skuldig aan korrupsie

23 ure gelede | Howe

In 'n geskiedkundige eerste vir Namibië is me. Katrina Hanse-Himarwa, die minister van onderwys, kuns en kultuur, vandag in die hoërhof in Windhoek skuldig bevind...

Voortrekker: “Namibië nie ’n desperate land”

23 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

23 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

23 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

23 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

23 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...