Staak volksmoord se onderhandelinge
Meen huidige benadering werk nie
Catherine Sasman - Die voormalige Swapo-parlementslid en vuurvreterpolitikus, mnr. Kazenambo Kazenambo, het gesê die volksmoord-onderhandelings tussen die Namibiese en Duitse regering in “sy huidige vorm” moet “tydelik” gestaak word sodat tussen staats- en nie-regeringspartye ooreengekom kan word wat die beste benadering is.
Die Ovaherero- en Nama-groep is ontstoke dat hulle uitgesluit is, aangesien die Namibiese regering daarop aandring dat gesprekke tot bilaterale onderhandelings tussen die twee regerings beperk moet word.
“Met die huidige benadering blyk dit asof ons nêrens gaan kom ten opsigte van ’n oplossing vir die kwessie nie,” het Kazenambo gesê, wat ’n afstammeling van die slagoffers van die 1904-’08-volksmoord is.
“Die afstammelinge van die Nama- en Ovaherero-slagoffers is nie vlieë of historiese artefakte wat nagevors moet word deur ’n span navorsers wat deur die regering aangestel is nie.
“Ons is mense wat daartoe in staat is om oor ons tragiese geskiedenis te praat. Ons is burgers van die wêreld met fundamentele menseregte soos in die Namibiese grondwet en in die Verenigde Nasies se konvensie oor volksmoord en ander internasionale regsbeginsels en norme vervat is.”
Hy het gesê nie net die slagoffers se afstammelinge het die reg tot voorvaderlike grond wat hulle in die koloniale en apartheid regimes verloor het nie, maar ook die reg om hulle in die volksmoord-onderhandelinge te verteenwoordig.
Kazenambo het voorgestel dat ’n beter benadering sou wees as die Namibiese regering die volksmoord-kwessie na die parlement verwys, sodat tersaaklike bilaterale komitees openbare gesprekke kan hou met die afstammelinge van diegene wat deur die volksmoord geraak is sodat ’n gemeenskaplike standpunt ingeneem kan word.
Die uitvoerende liggaam van die Namibiese regering kan dan die bevindinge van dié verhore aan die Duitse regering stuur.
Kazenambo het gesê die Nama- en Ovaherero-volksmoord, soos soveel ander gevalle van volksmoord in die wêreldwye politieke arena, is nie die eksklusiewe domein van “staatsakteurs” soos die ministerie van internasionale betrekkinge en samewerking eis nie.
Hy meen die Nama en Ovaherero, wat in wese die “kern van beseerde partye” is, mag nie bloot op tegniese subkomitees gekoöpteer word nie, maar moet die belangrikste rolspelers in die volksmoord-onderhandelinge wees.
Die ministerie het in ’n onlangse mediavrystelling gesê “sommige geraakte gemeenskappe het geweier om by die regering se onderhandelingspogings aan te sluit aangesien hulle direk met die Duitse regering wil onderhandel”.
Die verklaring lui voorts: “Dit kelder die legitimiteit van die regering en is strydig met die beginsel van die internasionale reg waar slegs staatspartye die jurisdiksie het om met ander lande te onderhandel.”
Kazenambo stem glad nie saam hiermee nie en sê die mediaverklaring se skrywer verdraai en verwring die feite doelbewus.
Eintlik, sê hy, demonstreer gevallestudies van ander volksmoord-onderhandelinge dat nie-regeringspartye soos die slagoffers van die Joods slagting deur die Joodse Wêreldfederasie (’n nie-staatsparty) saam met die Israelse regering (’n staatsparty) verteenwoordig is.
“Staatspartye is nie die enigste onderhandelaars oor volksmoordkwessies nie, aangesien die gemeenskappe wat daardeur geraak word, gelyke en aktiewe aandeelhouers van die onderhandelingsproses is,” het Kazenambo gesê.
WIE IS EINTLIK IN BEHEER?
Kazenambo sê die teenstrydige boodskappe ten opsigte van die volksmoord-onderhandelinge kom van die Namibiese regering.
Aan die een kant, terwyl adjunkpresident dr. Nickey Iyambo aangekondig het die onderhandelinge sou begin, was ’n regeringspan gereed om die volgende dag na Duitsland vir volle onderhandelings te vertrek.
Dit het gevolg na ’n mediavrystelling deur die Namibiese gesant, dr. Zed Ngavirua, wat gesê het die Namibiese regering het reeds ’n dokument ingedien wat die weg oor die volksmoord-onderhandelinge vorentoe kan baan.
Ngavirue het nie die inhoud van die dokument openbaar gemaak nie, maar net gesê dat hy dit eers aan pres. Hage Geingob moet voorlê.
Die ministerie se mediavrystelling het daarna gevolg.
Dit het Kazenambo die vraag laat vra: “Nou wat is wat en wie is regtig in beheer van hierdie onderhandelings? Is dit dr. Iyambo, dr. Ngavirua, of een of ander naamlose spook-beamptes van die ministerie?”
Kazenambo wil weet of die geraakte gemeenskappe wat vervat is in die dokumente wat na Duitsland gestuur is, en waarom die Namibiese regering nog nie met die betrokke gemeenskappe gepraat het nie.
Hy wil weet wie het Namibië se posisie geformuleer en watter gemeenskappe is geraadpleeg is om dié posisie in te neem. (Sien ook berig op bl. 5)
Die Ovaherero- en Nama-groep is ontstoke dat hulle uitgesluit is, aangesien die Namibiese regering daarop aandring dat gesprekke tot bilaterale onderhandelings tussen die twee regerings beperk moet word.
“Met die huidige benadering blyk dit asof ons nêrens gaan kom ten opsigte van ’n oplossing vir die kwessie nie,” het Kazenambo gesê, wat ’n afstammeling van die slagoffers van die 1904-’08-volksmoord is.
“Die afstammelinge van die Nama- en Ovaherero-slagoffers is nie vlieë of historiese artefakte wat nagevors moet word deur ’n span navorsers wat deur die regering aangestel is nie.
“Ons is mense wat daartoe in staat is om oor ons tragiese geskiedenis te praat. Ons is burgers van die wêreld met fundamentele menseregte soos in die Namibiese grondwet en in die Verenigde Nasies se konvensie oor volksmoord en ander internasionale regsbeginsels en norme vervat is.”
Hy het gesê nie net die slagoffers se afstammelinge het die reg tot voorvaderlike grond wat hulle in die koloniale en apartheid regimes verloor het nie, maar ook die reg om hulle in die volksmoord-onderhandelinge te verteenwoordig.
Kazenambo het voorgestel dat ’n beter benadering sou wees as die Namibiese regering die volksmoord-kwessie na die parlement verwys, sodat tersaaklike bilaterale komitees openbare gesprekke kan hou met die afstammelinge van diegene wat deur die volksmoord geraak is sodat ’n gemeenskaplike standpunt ingeneem kan word.
Die uitvoerende liggaam van die Namibiese regering kan dan die bevindinge van dié verhore aan die Duitse regering stuur.
Kazenambo het gesê die Nama- en Ovaherero-volksmoord, soos soveel ander gevalle van volksmoord in die wêreldwye politieke arena, is nie die eksklusiewe domein van “staatsakteurs” soos die ministerie van internasionale betrekkinge en samewerking eis nie.
Hy meen die Nama en Ovaherero, wat in wese die “kern van beseerde partye” is, mag nie bloot op tegniese subkomitees gekoöpteer word nie, maar moet die belangrikste rolspelers in die volksmoord-onderhandelinge wees.
Die ministerie het in ’n onlangse mediavrystelling gesê “sommige geraakte gemeenskappe het geweier om by die regering se onderhandelingspogings aan te sluit aangesien hulle direk met die Duitse regering wil onderhandel”.
Die verklaring lui voorts: “Dit kelder die legitimiteit van die regering en is strydig met die beginsel van die internasionale reg waar slegs staatspartye die jurisdiksie het om met ander lande te onderhandel.”
Kazenambo stem glad nie saam hiermee nie en sê die mediaverklaring se skrywer verdraai en verwring die feite doelbewus.
Eintlik, sê hy, demonstreer gevallestudies van ander volksmoord-onderhandelinge dat nie-regeringspartye soos die slagoffers van die Joods slagting deur die Joodse Wêreldfederasie (’n nie-staatsparty) saam met die Israelse regering (’n staatsparty) verteenwoordig is.
“Staatspartye is nie die enigste onderhandelaars oor volksmoordkwessies nie, aangesien die gemeenskappe wat daardeur geraak word, gelyke en aktiewe aandeelhouers van die onderhandelingsproses is,” het Kazenambo gesê.
WIE IS EINTLIK IN BEHEER?
Kazenambo sê die teenstrydige boodskappe ten opsigte van die volksmoord-onderhandelinge kom van die Namibiese regering.
Aan die een kant, terwyl adjunkpresident dr. Nickey Iyambo aangekondig het die onderhandelinge sou begin, was ’n regeringspan gereed om die volgende dag na Duitsland vir volle onderhandelings te vertrek.
Dit het gevolg na ’n mediavrystelling deur die Namibiese gesant, dr. Zed Ngavirua, wat gesê het die Namibiese regering het reeds ’n dokument ingedien wat die weg oor die volksmoord-onderhandelinge vorentoe kan baan.
Ngavirue het nie die inhoud van die dokument openbaar gemaak nie, maar net gesê dat hy dit eers aan pres. Hage Geingob moet voorlê.
Die ministerie se mediavrystelling het daarna gevolg.
Dit het Kazenambo die vraag laat vra: “Nou wat is wat en wie is regtig in beheer van hierdie onderhandelings? Is dit dr. Iyambo, dr. Ngavirua, of een of ander naamlose spook-beamptes van die ministerie?”
Kazenambo wil weet of die geraakte gemeenskappe wat vervat is in die dokumente wat na Duitsland gestuur is, en waarom die Namibiese regering nog nie met die betrokke gemeenskappe gepraat het nie.
Hy wil weet wie het Namibië se posisie geformuleer en watter gemeenskappe is geraadpleeg is om dié posisie in te neem. (Sien ook berig op bl. 5)
Kommentaar
Republikein
Geen kommentaar is op hierdie artikel gelaat nie