Spoorsnyers help 'renosterstropers' vastrek

Gestroopte koei ver dragtig

06 April 2021 | Misdaad
Francoise Steynberg

Drie vermeende renosterstropers met 'n vuurwapen is Saterdag met behulp van boere, spoorsnyers en die K9-teenstropingseenheid vasgetrek nadat die karkas van 'n dragtige witrenosterkoei Vrydag by 'n lodge in die Gobabis-distrik ontdek is.

Volgens die hoof van die Blue Rhino-taakspan, komm. Barry de Klerk, is die renoster se horings verwyder waarmee ander verdagtes op die vlug geslaan het.

"Drie verdagtes is Saterdag deur die Gobabis-polisie en 'n private teenstropingseenheid by 'n padblokkade buite Gobabis vasgetrek, maar dié met die horings in hul besit, is nog op vrye voet," het De Klerk Sondag aan Republikein gesê.

Hy het bevestig dit is die eerste geval van renosterstropery by dié lodge. Weens veiligheidsredes word die naam van die lodge weerhou.

TWEELINGBROERS

Twee identiese tweelingbroers, mnre. Jan en Koos Pienaar (69), was deel van die span wat spoorgesny en gehelp het om die drie verdagtes vas te trek.

Beide van die tweelingbroers was in die weermag en het destyds die gesogte Ratel-toekenning vir spoorsny ontvang, maar hulle is baie beskeie daaroor, asook dat hulle Saterdag sowat 15 km ver op hul ouderdom gestap en spoorgesny het.

"Ek was van 1970 tot 1990 in die weermag," het Jan, 'n boer naby Aminuis wat ook besig is om 'n misdaadvoorkomingsforum in die gebied op die been te bring, gister aan Republikein gesê.

"Ons moet hande met die polisie vat om hulle te help, want hulle het 'n gebrek aan hulpbronne. Forums vir misdaadvoorkoming is reeds by Witvlei, Leonardville en Dordabis gestig," het hy gesê.

Koos, 'n professionele jagter in die Zambezistreek, en vier van sy spoorsnyers se kundigheid is ook ingespan. Hy is in 1995 as eervolle bewaarder deur die omgewingsministerie bekroon weens sy aktiewe rol in natuurbewaring en bekamping van stropery in die Zambezistreek om Namibië se wildlewe te bewaar. Hy is ook 'n lid van die Hunters United Against Poaching-trust (HUAP).

"Ek wil nie my spoorsnyers se identiteit bekend maak nie, want met die hoë prys van renosterhoring op die swart mark, wil ek nie hul lewens in gevaar stel nie," het hy aan Republikein gesê.

Die renosterkarkas is glo Vrydag deur 'n jagter ontdek en die lodge se bestuurder is ingelig wat op sy beurt die polisie en vir Jan vir hulp gebel het.

Mnr. Rickus Spangenberg van die K9-teenstropingseenheid sê hy het spesiaal Paasnaweek in die Gobabis-distrik gaan werk om wilddiewe vas te trek, omdat daar verwag is dat hulle sou toeslaan.

"Ek, my vennoot en honde-instrukteur, Mannfreid Weiss, my vyf hondehanteerders, bloedhonde en wolfhond, asook 'n beampte van die omgewingsministerie het Vrydagnamiddag tot in die vroeë oggendure begin werk," het Spangenberg vertel.

"Saterdag omstreeks 05:00 het die boere, Marius Labuschagne en Hannes Nel, oom Jan en oom Koos en sy vier spoorsnyers by ons aangesluit en ons het tot omstreeks 16:00 tot in die informele nedersetting in Gobabis spoorgesny waar die verdagtes deur voertuie opgelaai is."

"Die polisie van Gobabis is laat weet en hulle het 'n padblokkade buite Gobabis opgestel waar die drie verdagtes met 'n vuurwapen en bebloede klere en skoene in hegtenis geneem is," het Spangenberg gesê.

Hy sê hy kan weens veiligheidsredes ook nie die identiteit van sy hondehanteerders bekend maak nie.

Spangenberg sê hy is ontsteld oor die stropery van die dragtige renosterkoei "wat seker oor so 'n maand sou kalf, maar stropers geen nie 'n duit om nie".

Die polisieondersoek duur voort. - [email protected]

Soortgelyk

 

RMB Song Night vier ’n dekade

2 ure gelede | Kuns en vermaak

Die RMB Song Night-inisiatief wat op die been gebring is met die doel om Namibiese klanke te laat groei en ontwikkel, vier vanjaar sy tiende...

Europese Unie verwelkom besending entstowwe van Covax

2 ure gelede | Gesondheid

Die Europese Unie se adjunkhoof, mnr. Gosia Lachut, het die besending van 24 000 dosisse AstraZeneca-entstof teen Covid-19 van Covax aan Namibië verwelkom. Lachut...

FlyWestair brei binnelandse vlugte uit

2 ure gelede | Vervoer

FlyWestair voeg van volgende Woensdag 28 April 'n ekstra vlug by sy Ondangwa-roete en het ook by die Vervoerkommissie van Namibië aansoek gedoen om vlugte...

Kavango-Oos kry eerste besending Covid-19-entstowwe

4 ure gelede | Gesondheid

Kavango-Oos het sy eerste besending Sinopharm en AstraZeneca-dosisse deel van die immuniseringsveldtog teen Covid-19 ontvang. Die streek het 7 983 Sinopham- en 2 880 AstraZeneca-dosisse...

Vincia Cloete aangestel as hoof van korporatiewe bestuursinsituut

5 ure gelede | Mense

Die Namibië Instituut vir Korporatiewe Bestuur (NICG), wat in 2016 gestig is om gesonde korporatiewe bestuursbeginsels en -praktyke in die land te bevorder, het aangekondig...

Floyd-moordverhoor: Skuldig!

5 ure gelede | Internasionaal

Derek Chauvin (45), gewese polisielid van Minneapolis, is skuldig bevind aan die moord op George Floyd (46).’n Jurie het gisteraand laat (Namibiese tyd) dié beslissing...

Sprinkane nou in 11 streke

15 ure gelede | Landbou

Ronelle Rademeyer – Die verwoestende sprinkaan­plaag het nou na elf van die land se 14 streke uitgekring en dit is net in die Omaheke-, Khomas-...

Pensioenaris in haar huis vermoor

15 ure gelede | Misdaad

Erwin Leuschner – Gisteroggend het ondersoekbeamptes Trekkopjestraat in Kramersdorf in Swakopmund afgesper nadat me. Irene Lohmeier (82) in haar huis by nommer 9 aangeval en...

Miljoene vir vervalste maskers

15 ure gelede | Howe

Jana-Mari Smith – ‘n Chinese tabakmaatskappy met Swapo-bande eis N$6,5 miljoen van ‘n vennoot nadat ‘n ooreenkoms oor die invoer van gesigmaskers op die vooraand...