Spioenbaas se dood ondersoek

Stilte hang oor voorval

13 September 2018 | Misdaad
Denver Kisting – Volgens die polisie word die dood van die spioenbaas mnr. Paulus Tshilunga steeds as ’n selfdood hanteer.

Hoofinsp. Kauna Shikwambi, ’n polisiewoordvoerder, sê ’n voorlopige ondersoek dui daarop dat Tshilunga vandeesweek sy eie lewe geneem het.

Tshilunga se prokureur, mnr. Jorge Neves, het gistermiddag by navraag gesê hy is nie by magte om enige kommentaar te lewer nie.

Wat hy wel gesê het, is dat hy teen gister nog geen terugvoering oor die nadoodse ondersoek ontvang het nie.

Neves het verlede maand die spioenbaas tydens ’n in camera-sitting in die Windhoek-landdroshof verteenwoordig.

Die 56-jarige man sou volgende maand in die hoërhof verskyn weens dié beweerde korrupsie en bedrog ten bedrae van nagenoeg N$17 miljoen.

The Namibian het gister berig lt.genl. Sebastian Ndeitunga, inspekteur-generaal van die Namibiese polisie, sê hulle sal ’n ondersoek gelas om te verseker daar was geen vuilspel betrokke nie.

Ndeitunga, wat tans in die buiteland is, kon nie gister bereik word nie.

Shikwambi het eergister gesê Tshilunga se liggaam is omstreeks 07:00 daardie dag, sowat 2 km van die Daan Viljoen-padblokkade af, ontdek.

Sy het gesê die vermoede bestaan dat Tshilunga homself geskiet het.

’n Polisiebeampte wat in die omgewing woon, het Tshilunga se lewelose liggaam glo in sy spogmotor ontdek.

Geen selfdoodbrief is op die toneel gevind nie, het Shikwambi gesê.

Die vuurwapen het glo aan Tshilunga behoort.

’n Familielid, met wie Republikein gistermiddag gepraat het, het gesê begrafnisreëlings is nog nie afgehandel nie.

Soortgelyk

 

Regering laat val nuwe 2%-bom

11 ure gelede | Regering

Denver KistingNamibiërs vaar opnuut uit alle oorde uit teen die regering se versoek om finansiële hulp.Dit het die afgelope Vrydag rugbaar geword die regering wil...

Evangelis pleit bloed oor Namibië

11 ure gelede | Plaaslik

Denver KistingDit is weens die juk van sonde dat Namibië stoei met dwelms, passiemoorde, alkoholmisbruik en selfs uitdagings in die onderwyssektor beleef.So sê die Ghanese...

'Vriende van Katrina' staan bakhand

11 ure gelede | Plaaslik

Denver Kisting - Om by te dra tot Katrina Hanse-Himarwa se regskoste en ander uitgawes, is niks anders as om korrupsie te steun nie. Dít was gister die mening...

Kombat-kwessie sloer

11 ure gelede | Byvoegsels

Augetto Graig - “Hulle sê daar is ? eienaar van Kombat, maar hy doen niks oor ons probleme nie. “Niks word op Kombat onderhou nie....

Toeristetoring

11 ure gelede | Byvoegsels

Die ikoniese De Wet-skag, hysbakkamer en ystertoring wat jare lank ‘n baken op Tsumeb is, gaan dalk in ‘n toeriste-trekpleister omskep word. Lees die berig...

Weer, Maandag 22 Julie 2019

11 ure gelede | Weer

BINNELAND: Sonnig en warm tot baie warm.KUS: Gedeeltelik bewolk en matig met miskolle.GETYE BY WALVISBAAI: H: 06:26 L: 12:19 H: 18:56WINDHOEK06°26°RUNDU09°27°OSHAKATI12°29°GOBABIS06°26°MARIENTAL08°25°KEETMANSHOOP10°24°WALVISBAAI09°24°LUANDA19°26°JOHANNESBURG04°16°KAAPSTAD10°19°

Riruako se grafsteen onthul

11 ure gelede | Plaaslik

Opperhoof Vekuii Rukoro van die Ovaherero’s het gister tydens die jaarlikse herdenking van Rooivlagdag die grafsteen van sy voorganger, opperhoof Kuaima Riruako, op Okahandja onthul....

Misdaad

11 ure gelede | Misdaad

Polisiebeampte skiet glo tweeRundu'n Lid van die Namibiese polisie is Vrydag in hegtenis geneem nadat hy glo 'n kollega en 'n lid van die publiek...

Vrae ná moordondersoek sloer

11 ure gelede | Polisie

Henriette LamprechtDrie jaar nadat 'n geliefde inwoner en sakeman van Ka­rasburg ná 'n gewapende roof in sy huis aan sy beserings beswyk het, is die...