Sowat 800 000 mense neem jaarliks hul lewe

Drie keer meer mans as vroue pleeg selfmoord

13 September 2017 | Gesondheid
Ronelle Rademeyer - Selfmoord is nou wêreldwyd die tweede grootste oorsaak van sterftes onder jongmense tussen 15 en 29 jaar.

Verder neem digby 800 000 mense ter wêreld jaarliks hul eie lewe – met talle meer wat dit probeer, maar nie daarin slaag nie.

Dít is van die skokkende statistieke wat die Wêreldgesondheidsorganisasie (WHO) op 10 September tydens Internasionale Selfmoordvoorkomingsdag bekend gemaak het.

In Namibië bring 16,4 mans en 5,5 vroue uit elke 100 000 van die bevolking hulself jaarliks om die lewe. Namibiese mans is dus drie keer meer geneig as vroue om selfmoord te pleeg. Statistieke toon dit is ’n internasionale verskynsel dat meer mans as vroue selfmoord pleeg.

Verder blyk dit selfmoord kom nie net in ryk lande voor nie. Trouens, 78% van selfmoorde in 2015 is in lae- en middelinkomstelande aangemeld.

Die WHO sê selfmoord is ’n ernstige openbare gesondheidsprobleem wat voorkombaar is indien mense wat ontredderd en depressief voel, betyds hulp kry. Verder kos voorkoming ook nie baie geld nie. “Vir nasionale voorkomingsprogramme om suksesvol te wees, is dit belangrik dat omvattende, multisektorale strategieë ontwikkel word,” sê die WHO.

Wie is kwesbaar?

Ofskoon die skakel tussen selfmoord en geestesongesteldhede, soos depressie en alkoholmisbruik, in ryker lande ’n bewese verbintenis het, vind baie voorvalle op die ingewing van die oomblik plaas. Dit is wanneer mense oorweldig voel deur die stresvolle uitdagings in hul lewe soos finansiële probleme, verhoudings wat verbrokkel, siekte en chroniese pyn.

Daarbenewens kan konflik, rampe, geweld, misbruik, verlies of ’n gevoel van isolasie en eensaamheid ook tot selfmoord lei.

Daar word beraam dat 30% van selfmoorde plaasvind deurdat mense gifmiddels gebruik. Die meeste hiervan kom voor in landelike gebiede in die laer- en middelinkomste-lande waar mense ’n bestaan uit landbou maak.

Daarnaas pleeg baie mense selfmoord deur hulself te hang of te skiet.

Voorkombaar

Die WHO sê selfmoord ís voorkombaar. Die metodes sluit in om toegang tot middels waarmee selfmoord gepleeg kan word, te verminder; verantwoordelike beriggewing deur die media oor die kwessie, beleide wat die misbruik van alkohol voorkom; vroeë indentifisering en behandeling van mense met geestessiektes en akute emosionele stres en opvolgbehandeling vir mense wat reeds probeer het om hulself om die lewe te bring.

“Selfmoord is ‘n komplekse kwessie en daarom vereis voorkomingsmaatreëls koördinering en samewerking tussen verskeie sektore in die samelewing, insluitend gesondheid, onderwys, arbeid, landbou, die reg, sakewêreld en die media,” sê die WHO.

Dit is ook uiters belangrik dat gemeenskappe bewus gemaak word van die probleem en dat die stigmas oor depressie en selfmoord getakel word.



Blitsfeite

- Sowat 16,4 mans en 5,5 vroue per elke 100 000 van die bevolking pleeg in Namibië selfmoord.

- Wêreldwyd is die sterftesyfer 800 000 mense per jaar.

- Bykans 78% van selfmoorde in die wêreld is in lae- en middelinkomste-lande.

- Selfmoord is die tweede grootste oorsaak van sterftes onder mense tussen 15 en 29 jaar.

- Die meerderheid van mense pleeg selfmoord deur gifstowwe in te neem, hulself te hang of te skiet.

Soortgelyk

 

Venaani gaan Tsvangirai se begrafnis bywoon

1 dag gelede | Afrika

Die leier van die Popular Democratic Movement (PDM) gaan die begrafnis van die ontslape Zimbabwiese opposisieleier, mnr. Morgan Tsvangirai van die Movement for Democratic Change...

Geingob wens Ramaphosa geluk

1 dag gelede | Politiek

Pres. Hage Geingob het sy nuwe Suid-Afrikaanse eweknie, mnr. Cyril Ramaphosa, geluk gewens met sy inhuldiging as dié land sy vyfde demokratiese president.Hy sê in...

Nampol ontplooi helikopter in Noorde

1 dag gelede |

Die Namibiese Polisie het ’n helikopter na die Oshanastreek in die Noorde van die land ontplooi om misdaad in agt streke te bekamp. Die...

Waterkrisis woed op Rundu

1 dag gelede | Plaaslik

Maria Eiseb'n Voortslepende waternood heers die afgelope week op Rundu en het sommige inwoners sonder 'n druppel water in hul krane gelaat.Drie woonbuurte, Ndama, Safari...

Nuwe daeraad vir SA

1 dag gelede | Politiek

Politieke redaksie - Pres. Jacob Zuma se bedanking kort voor middernag Woensdag het 'n einde gebring aan 'n stormagtige nege jaar in Suid-Afrika se post-apartheidgeskiedenis.Die...

Wending kom in Ava-moordsaak

1 dag gelede | Howe

Denver KistingDie prokureur van die jong vrou, me. Zenobia Seas, wat haar tweejarige dogtertjie, Ava Owoses, na bewering in 2016 wreed vermoor het, gaan eers­daags...

Beskerm ietermagôs

1 dag gelede | Omgewing

Sedert 21 Julie 2017 tot 31 Januarie vanjaar is 77 mense in Namibië in hegtenis geneem vir handel in ietermagôs, en is 19 lewendige diere...

Weer vir 16 Februarie 2018

1 dag gelede | Weer

BINNELAND: Mooiweer en baie warm tot bloedig warm in die Suide en Noordweste. Elders sal dit gedeeltelik bewolk en baie warm tot bloedig warm...

Kalender 16 Feb

1 dag gelede | Kuns en vermaak

Nou aan die gang » Sluit aan by Sunya Beukes, ook bekend as Krayzee Sue, se uitstalling SUE-Realism wat tans by die Franko Namibiese Kultuursentrum...