Sopkombuis vir 1 170 leerlinge

12 October 2017 | Plaaslik
Adolf Kaure op Swakopmund - Die sopkombuis wat verlede week met die steun van die Duits-Namibiese Verligtingsfonds by die Laerskool Hanganeni op Swakopmund geopen is, sal 1 170 leerlinge voed.

“Kinders moet drie maaltye per dag kry sodat hulle kan konsentreer en gefokus kan bly. Geen hongersnood moet in Namibië ervaar word nie,” het mnr. Georg Quant van dié fonds gesê.

“Ons moet sosioëkonomiese ontwikkeling verseker sodat alle kinders daagliks gevoed word. Die skenking sal help met die gehalte van onderwys en sal onderwys ondersteun as instrument om armoede te beveg.”

Quant het die groep ­argitekte bedank wat die sopkombuis ontwerp het en het belowe die skool sal binne twee weke die konstruksie van die speelgrond voltooi.

Me. Monica Gawises, onderwysinspekteur vir Walvisbaai en Swakopmund, het gesê om leerlinge van kos te voorsien is steeds 'n uitdaging vir skoolvoedings­programme in die Erongostreek.

“Ons het steeds skole met geen kombuisgeriewe nie. Lede van die gemeenskap is steeds onseker oor eienaarskap van dié programme. Skole sukkel met die groot aanvraag vir etes,” het Gawises gesê.

Sy het 'n beroep op besighede gedoen om in Quant se voet­spore te volg en het die skool versoek om mooi na die sopkombuis om te sien.

Die Duits-Namibiese Verligtingsfonds bestaan reeds 45 jaar en stigterspresident Sam Nujoma is al vir 23 jaar by die fonds betrokke.

Die fonds het al 12 miljoen euro (sowat N$191,76 miljoen) aan vyf skole in die land geskenk, insluitende Laerskool Hanganeni.

Drie vrywillige kokke en 'n toesighouer sal die spysenieringsdienste vir die sopkombuis verskaf.

Soortgelyk

 

Haufiku ontken uitbetaling van N$1 miljard

14 ure gelede | Gesondheid

Berigte dat die minister van gesondheid en maatskaplike dienste, dr. Bernard Haufiku N$1 miljard aan ongeregistreerde verskaffers betaal het wat ook nie geregistreer was om...

Naam van man bekend wat in ongeluk sterf

20 ure gelede | Ongelukke

Die 41-jarige man wat Donderdag in ’n ongeluk op die Outjo-Otavi-grondpad gesterf het, is as Smit de Wet Louw identifiseer. Die kop-teen-kop-botsing wat sy lewe...

Khomasstreek oor grondeienaarskap

1 dag gelede | Landbou

Elvira Hattingh - “Buitelanders se plase moet outomaties onteien word en boere moet tot 50% eienaarskap van hul plase aan plaaswerkers afstaan ten einde grondhervorming...

Windhoek 'in gróót moeilikheid'

1 dag gelede | Regering

Denver Kisting – Terwyl die verbruiker voortaan tot 300% meer vir sekere dienste moet opdok, het die stadsvaders van die Windhoekse munisipaliteit (CoW) pas ’n...

Weer vir 20 Julie 2018

1 dag gelede | Weer

BINNELAND: Gedeeltelik bewolk en matig tot warm in die Zambezi-, Kavango- en oostelike streek. Elders sal dit sonnig en matig tot warm wees. Dit sal...

Reho se /Uirab ‘in die pad gesteek’

1 dag gelede | Plaaslik

Denver Kisting – Mnr. Christoph /Uirab, uitvoerende hoof van die Rehoboth-dorpsraad, het agt maande van sy termyn tuis deurgebring./Uirab, wie se laaste werksdag vandag is,...

Kalender 13 Julie

1 dag gelede | Kuns en vermaak

Nou aan die gang» Anin Namibia bied tans ’n uitstalling in die Omba-galery aan. Hierdie keer het hulle groepsborduurprojekte en maatskappye genooi om deel te...

Siba sprankel by ekspo

1 dag gelede | Kuns en vermaak

Eet, smul en knaag bly maar hoogtepunte in baie van ons se dag. Vir sommige is dit ’n uitdaging om kos te maak en ander...

Kortbroektreffers uit Rocco se pen

1 dag gelede | Kuns en vermaak

Die bekroonde en uiters begaafde pianis Rocco de Villiers is terug met ’n splinternuwe popalbum, wat nie net vir die eerste keer met ’n Afrikaanse...